updated on:2018-09-06 06:29 PM
പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

www.utharadesam.com 2018-09-06 06:29 PM,
കാസര്‍കോട്: കേരള സ്റ്റേറ്റ് പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ ജില്ലാ കണ്‍വെന്‍ഷന്‍ 12ന് രാവിലെ 10 മണിക്ക് സ്പീഡ്‌വേ ഇന്‍ ഓഡിറ്റോറിയത്തില്‍ ചേരും. ഫെഡറേഷന്‍ സംസ്ഥാന പ്രസിഡണ്ട് എം.ബി. സത്യന്‍ ഉദ്ഘാടനം ചെയ്യുന്ന കണ്‍വെന്‍ഷനില്‍ സംസ്ഥാന കമ്മിറ്റിയുടെ മറ്റു ഭാരവാഹികളെയും പങ്കെടുപ്പിക്കാന്‍ മഞ്ചേശ്വരം-കാസര്‍കോട്-ഹോസ്ദുര്‍ഗ്ഗ് താലൂക്ക് എക്‌സിക്യൂട്ടീവ് കമ്മിറ്റി അംഗങ്ങളുടെയും ജില്ലാ ഭാരവാഹികളുടെയും സംയുക്ത യോഗം തീരുമാനിച്ചു.
ആഗസ്ത് 30ന് ജില്ലയിലെ സ്വകാര്യബസുകള്‍ നടത്തിയ കാരുണ്യ യാത്രയിലൂടെ സംഭരിച്ച മുഴുവന്‍ തുകയും സംസ്ഥാനത്തെ മറ്റു ജില്ലകളില്‍ നിന്നും ലഭിച്ച തുകയോടൊപ്പം സംസ്ഥാന ഫെഡറേഷന്‍ മുഖാന്തിരം മുഖ്യമന്ത്രിയുടെ ദുരിതാശ്വാസനിധിയിലേക്ക് നല്‍കുന്നതിനായി സംസ്ഥാന ഭാരവാഹികളെ കണ്‍വെന്‍ഷനില്‍ ഏല്‍പ്പിക്കും.
ജില്ലയില്‍ കാരുണ്യയാത്ര നടത്തിയതില്‍ 50,000 രൂപയില്‍ അധികം നല്‍കിയ ബസ് ഗ്രൂപ്പുടമകളെയും 10,000 രൂപയില്‍ അധികം സംഭരിച്ച ബസുകളിലെ ജീവനക്കാരെയും കണ്‍വെന്‍ഷനില്‍ ആദരിക്കും.
പ്രളയക്കെടുതിയില്‍ കേരളം വലയുമ്പോഴും തകര്‍ന്നടിഞ്ഞ റോഡുകളിലൂടെ ഗതാഗതം ദുഃസ്സഹമായിക്കൊണ്ടിരിക്കുകയും ചെയ്യുന്ന ഈ സാഹചര്യത്തിലും ഡീസല്‍വില വര്‍ദ്ധിപ്പിച്ചുകൊണ്ടിരിക്കുന്ന സര്‍ക്കാരുകളുടെ നടപടിയില്‍ യോഗം പ്രതിഷേധിച്ചു.
ജില്ലാ പ്രസിഡണ്ട് കെ. ഗിരീഷിന്റെ അധ്യക്ഷതയില്‍ ചേര്‍ന്ന യോഗത്തില്‍ ജനറല്‍ സെക്രട്ടറി സത്യന്‍ പൂച്ചക്കാട്, പി.എ. മുഹമ്മദ്കുഞ്ഞി, എം. ഹസൈനാര്‍, തിമ്മപ്പഭട്ട്, ശങ്കരനായ്ക്, ടി. ലക്ഷ്മണന്‍, എന്‍.എം. ഹസൈനാര്‍, സുബ്ബണ്ണ ആള്‍വ, സി. രവി, സി.എം. മുഹമ്മദ്കുഞ്ഞി, വി. എം. ശ്രീപതി തുടങ്ങിയവര്‍ പ്രസംഗിച്ചു.



Recent News
  ഏറെ ആനുകൂല്യങ്ങളുമായി സിറ്റി ഗോള്‍ഡ് ഷോപ്പിംഗ് ഫെസ്റ്റിവല്‍ തുടങ്ങി

  ഓര്‍മ്മകളുടെ കളിമുറ്റത്ത് മക്കള്‍ക്ക് അനുമോദനമൊരുക്കി ടി.ഐ.എച്ച്.എസിലെ പഴയ സഹപാഠികള്‍

  മയാസ് മേനത്ത് സ്മാരക സ്വര്‍ണ്ണ മെഡല്‍ അഫ്‌സാനക്ക് സമ്മാനിച്ചു

  നേട്ടങ്ങളില്‍ അഭിരമിക്കാതെ ഉയരങ്ങള്‍ ലക്ഷ്യം വെക്കണം-ജില്ലാ കലക്ടര്‍

  പൂര്‍വ്വ വിദ്യാര്‍ത്ഥികള്‍ ഒത്തുകൂടി

  മദ്രസത്തുല്‍ ദീനിയ്യയുടെ മികച്ച പ്രവര്‍ത്തനങ്ങള്‍ക്ക് പിന്നില്‍ യുവാക്കള്‍-കുമ്പോല്‍ ഷമീം തങ്ങള്‍

  സഞ്ജീവ് ഭട്ടിനൊപ്പം; സോളിഡാരിറ്റിയുടെ ഐക്യദാര്‍ഢ്യം ശ്രദ്ധേയമായി

  'അഭയം' സൗജന്യ ഡയാലിസിസ് സെന്റര്‍ തിങ്കളാഴ്ച്ച പ്രവര്‍ത്തനം ആരംഭിക്കും

  ഫാദര്‍ മാത്യുവടക്കേമുറി സ്മാരക പുരസ്‌കാരം ദിവാകരന്‍ നീലേശ്വരത്തിന്

  വൃക്ക രോഗികള്‍ക്ക് മൊഗ്രാല്‍ പുത്തൂര്‍ പഞ്ചായത്ത് ഹീമോഗ്ലോബിന്‍ ഇഞ്ചക്ഷന്‍ സൗജന്യമായി നല്‍കുന്നു

  മൗലവി ഹജ്ജാവിഷ്‌കാരം 22ന് കാസര്‍കോട്ട്

  സി.പി.എം. പ്രവര്‍ത്തകര്‍ വിദ്യാനഗര്‍ പൊലീസ് സ്റ്റേഷന് മുന്നില്‍ കുത്തിയിരിപ്പ് സമരം നടത്തി

  കാഞ്ഞങ്ങാട്-പാണത്തൂര്‍ സംസ്ഥാന പാതക്ക് കിഫ്ബി സഹായം; ടെണ്ടര്‍ ഉടന്‍

  അസീസ് കരിപ്പൊടി അനുസ്മരണ യോഗം സംഘടിപ്പിച്ചു

  തളങ്കര പടിഞ്ഞാറില്‍ വെസ്റ്റേണ്‍ പ്രീ പ്രൈമറി സ്‌കൂള്‍ കെട്ടിടം ഉദ്ഘാടനം ചെയ്തു