updated on:2018-07-13 02:51 PM
അലോഷ് ബ്രിട്ടോ ചികിത്സാ സഹായം; സ്വകാര്യ ബസ്സുകള്‍ കാരുണ്യ യാത്ര നടത്തുന്നു

www.utharadesam.com 2018-07-13 02:51 PM,
കാഞ്ഞങ്ങാട്: അപൂര്‍വ്വ രോഗം പിടിപെട്ട് കിടപ്പിലായ വിദ്യാര്‍ത്ഥി അലോഷിന്റെ വിദഗ്ദ്ധ ചികിത്സയ്ക്കായ്ക്കുള്ള ധനസമാഹരണത്തിനായ് സ്വകാര്യ ബസ്സുകള്‍ ഇന്ന് കാരുണ്യ യാത്ര സംഘടിപ്പിക്കുന്നു. കാസര്‍കോട്-കാഞ്ഞങ്ങാട് റൂട്ടിലോടുന്ന ശാന്തി, ഹുദാ ബസ്സുകളാണ് ഇന്നത്തെ മുഴുവന്‍ കളക്ഷനും ചികില്‍സാ സഹായ സമിതിക്ക് കൈമാറാമെന്നേറ്റത്. പാലക്കുന്ന് കൂട്ടായ്മയുടെ പ്രത്യേക അഭ്യര്‍ത്ഥന മാനിച്ചാണ് ബസ്സുടമകളും ജീവനക്കാരും ഇത്തരം ഒരു പുണ്യ പ്രവര്‍ത്തിക്ക് തയ്യാറായത്. ഉദുമ ഇസ്ലാമിയ സ്‌കൂളിലായിരുന്നു അലോഷിയുടെ വിദ്യാഭ്യാസം.
സാമ്പത്തികമായ ദുരിതമനുഭവിക്കുന്ന അച്ഛന്‍ ഉദുമ കളനാട്ടെ അലക്‌സിനും ഭാര്യക്കും മകന്റെ ചികില്‍സയ്ക്കാവശ്യമായ പണം കണ്ടെത്താനായില്ല.
തുടര്‍ന്നാണ് നാട്ടുകാരുടെ നേതൃത്വത്തില്‍ ചികിത്സാ സഹായ സമിതി ഉണ്ടാക്കി സാമ്പത്തിക സമാഹരണം ആരംഭിച്ചത്. പരിസര പ്രദേശങ്ങളായ ഉദുമ, പാലക്കുന്ന്, ബാര മാങ്ങാട് നിന്നുമുള്ള നിരവധി സന്നദ്ധ സംഘടനകളും കൂട്ടായ്മകളും ധനസമാഹരണം നടത്തി കമ്മിറ്റിയെ ഏല്‍പ്പിച്ചു വരുന്നു. 15 ലക്ഷത്തോളം രൂപ ചികിത്സ ചെലവു വേണ്ടി വരും.
അഞ്ച് ലക്ഷത്തോളം രൂപയാണ് ഇതുവരെ ലഭിച്ചിട്ടുള്ളത്. ബാക്കിയുള്ള തുകയ്ക്കായി പോംവഴി കാണാതെ വിഷമിക്കുകയാണ് നാട്ടുകാര്‍. ഇതിനിടയില്‍ രണ്ടു ദിവസം മുമ്പാണ് കുട്ടിയെ ചികിത്സയ്ക്കായ് മുംബൈയിലെ സ്വകാര്യ ഹോസ്പിറ്റലില്‍ എത്തിച്ചത്. ഇന്നലെ രാവിലെ 11 മണിയോടെ നടന്ന ശസ്ത്രക്രിയ വിജയകരമായിരുന്നു എന്നാണ് ഡോക്ടര്‍മാര്‍ അറിയിച്ചത്.



Recent News
  ചെണ്ടമേളത്തിന്റെ അകമ്പടിയോടെ രാജധാനിക്ക് ഉജ്ജ്വല സ്വീകരണം

  സ്‌നേഹമധുരം പങ്കുവെച്ച് ജെ.സി.ഐ കാസര്‍കോടിന്റെ കുടുംബസംഗമം

  സംസ്ഥാന ഇസ്ലാമിക് കലാമേള; ഖുര്‍ആനില്‍ തളങ്കര സ്വദേശിക്ക് ഒന്നാംസ്ഥാനം

  ദേശീയ രാഷ്ട്രീയത്തില്‍ ഇടതുപക്ഷം നിര്‍ണായക രാഷ്ട്രീയ ശക്തിയാകും -യെച്ചൂരി

  മൈ കിച്ചന്‍ പ്രവര്‍ത്തനമാരംഭിച്ചു

  കാര്‍ഷിക മേഖലക്കും ദാരിദ്ര ലഘൂകരണത്തിനും മുന്‍ഗണന നല്‍കി ബദിയടുക്ക പഞ്ചായത്ത് ബജറ്റ്

  വിദ്യാര്‍ത്ഥി ശാക്തീകരണ ശില്‍പ്പശാല സംഘടിപ്പിച്ചു

  'കാസര്‍കോട് റെയില്‍വെ സ്റ്റേഷനിലെ പാര്‍ക്കിങ്ങ് പ്രശ്‌നം പരിഹരിക്കണം'

  മാലിക് ദീനാര്‍ യതീംഖാന കുട്ടികള്‍ക്ക് സൗജന്യ കമ്പ്യൂട്ടര്‍ പരിശീലനം ആരംഭിച്ചു

  ഖാസിയുടെ മരണത്തിന് ഇന്നേക്ക് 9വര്‍ഷം

  മറിയം ട്രേഡ് സെന്റര്‍ തുറന്നു

  എല്‍.ഡി.എഫ്. കേരള സംരക്ഷണയാത്രയുടെ വടക്കന്‍ മേഖലാ പര്യടനം 16ന് തുടങ്ങും

  ഭവന നിര്‍മ്മാണത്തിന് 2.11 കോടി; കാര്‍ഷിക, ആരോഗ്യ, വിദ്യാഭ്യാസ മേഖലകള്‍ക്ക് മുന്‍തൂക്കം

  എല്ലാവരുടെയും സുരക്ഷ ഉറപ്പ് വരുത്തും -എസ്.പി.

  പി. ഗംഗാധരന്‍ നായര്‍ പൊതുപ്രവര്‍ത്തനത്തിലെ നിറസാന്നിധ്യം -മന്ത്രി ഇ. ചന്ദ്രശേഖരന്‍