updated on:2018-07-13 02:41 PM
വിസ്മയിപ്പിക്കുന്നു ശ്രീജേഷിന്റെ 'ബൂമറാംഗുകള്‍'

www.utharadesam.com 2018-07-13 02:41 PM,
കാഞ്ഞങ്ങാട്: വലിച്ചെറിഞ്ഞാല്‍ എറിയുന്നവരുടെ കൈകളിലേക്ക് തിരികെയെത്തുന്ന ആയുധമാണ് 'ബൂമറാംഗ്'. സ്വന്തമായി ഉണ്ടാക്കിയ ബൂമറാംഗുകള്‍ പറത്തി കാഴ്ചക്കാരെ വിസ്മയിപ്പിക്കുകയാണ് ചെറുവത്തൂര്‍ കണ്ണംകുളം സ്വദേശി ശ്രീജേഷ്. പൊതുമരാമത്തു വകുപ്പില്‍ ജീവനക്കാരനായ ശ്രീജേഷ് വര്‍ഷങ്ങള്‍ നീണ്ട അന്വേഷണത്തിനും പരിശ്രമത്തിനും ഒടുവിലാണ് ഇതിന്റെ നിര്‍മ്മാണ രീതി പഠിച്ചെടുക്കുന്നത്. കുട്ടിക്കാലത്ത് ടെലിവിഷനില്‍ കണ്ട ജംഗിള്‍ബുക്ക് എന്ന പരമ്പരയില്‍ നിന്നാണ് തുടക്കം. ഇതിലെ മൗഗ്ലിയുടെ കയ്യിലെ ആയുധമാണ് 'ബൂമറാംഗ്'. എങ്ങനെയെങ്കിലും അതൊന്നു നിര്‍മ്മിക്കണം എന്നതായി പിന്നീടുള്ള ചിന്ത. കടലാസ്, മരക്കഷ്ണങ്ങള്‍ എന്നിവയെല്ലാം കൊണ്ട് പലതവണ ബൂമറാംഗിന്റെ രൂപമുണ്ടാക്കി. വലിച്ചെറിഞ്ഞപ്പോള്‍ തിരിച്ചു വരാതെ അവയെല്ലാം ദൂരെ ചെന്ന് വീണു.
എന്നാല്‍ പിന്മാറാന്‍ ശ്രീജേഷ് തയാറായിരുന്നില്ല. ഇന്റര്‍നെറ്റ് സംവിധാനം വന്നപ്പോള്‍ പിന്നീട് അതുവഴിയായി അന്വേഷണം. ഒടുവില്‍ ഭാരം, ആകൃതി എന്നിവയെല്ലാം കൃത്യമായി പഠിച്ചെടുത്തു. 2013 ല്‍ കുട്ടമത്ത് ഗവ.ഹയര്‍ സെക്കണ്ടറി സ്‌കൂള്‍ മൈതാനിയില്‍ നിന്നും പറത്തിയ ബൂമറാംഗ് സ്വന്തം കൈകളില്‍ തന്നെ തിരിച്ചെത്തി. 20 വര്‍ഷത്തോളം നീണ്ട പരിശ്രമത്തിന്റെ വിജയദിനമായിരുന്നു അത്. പിന്നീടിങ്ങോട്ട് അമ്പതിലധികം ബൂമറാംഗുകള്‍ ശ്രീജേഷ് നിര്‍മ്മിച്ചു.
മരം, ഫൈബര്‍ എന്നിവയാണ് നിര്‍മ്മാണത്തിന് ഉപയോഗിക്കുന്നത്. ഇതിനിടയില്‍ യൂണിവേഴ്‌സല്‍ റെക്കോര്‍ഡ്‌സ് ഫോറത്തിന്റെ നാഷണല്‍ റെക്കോര്‍ഡ് സര്‍ട്ടിഫിക്കറ്റും ശ്രീജേഷിനെ തേടിയെത്തി. പാഴ്‌വസ്തുക്കളിലും മറ്റും ഉപയോഗയോഗ്യമായ ഉത്പന്നങ്ങള്‍ ഉണ്ടാക്കുന്നതിലും ശ്രീജേഷ് കഴിവ് തെളിയിച്ചിട്ടുണ്ട്.



Recent News
  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി

  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി