updated on:2018-06-07 07:25 PM
പുഴകളും തോടുകളും ഭൂമിയുടെ നാഡീ ഞരമ്പുകള്‍-എം.എ റഹ്മാന്‍

www.utharadesam.com 2018-06-07 07:25 PM,
ബേക്കല്‍: പുഴകളും തോടുകളും ഭൂമിയുടെ നാഡീഞരമ്പുകളെന്നും അത് നിലച്ചാല്‍ മണ്ണിന്റെ ആര്‍ദ്രതയും ജൈവഘടനയും ആവാസ വ്യവസ്ഥിതിയും നശിച്ച് മരുപ്രദേശമാകുമെന്നും പ്രശസ്ത സാഹിത്യകാരനും പരിസ്ഥിതി പ്രവര്‍ത്തകനുമായ പ്രൊഫ. എം.എ. റഹ്മാന്‍ പറഞ്ഞു.
പരിസ്ഥിതി വാരാചരണത്തിന്റെ ഭാഗമായി ബേക്കല്‍ പുഴയെ സംരക്ഷിക്കണമെന്നാവശ്യപ്പെട്ട് ഉദുമ മണ്ഡലം മുസ്ലിം ലീഗ് കമ്മിറ്റി ബേക്കല്‍ പുഴയുടെ തീരത്ത് പുഴസംരക്ഷണ പ്രതിജ്ഞ ചൊല്ലിക്കൊടുത്ത് സംസാരിക്കുകയായിരുന്നു അദ്ദേഹം. പുഴയുടെ കരയിലെ മണ്ണൊലിപ്പ് തടഞ്ഞ് പാര്‍ശ്വം സംരക്ഷിച്ചുനിര്‍ത്തുന്നതിനായി മുസ്ലിം ലീഗ് പ്രവര്‍ത്തകര്‍ പുഴക്കരയില്‍ മുളത്തൈകള്‍ വെച്ചുപിടിപ്പിച്ചു. ബേക്കല്‍ ശ്രീകുറുംബ ഭഗവതി ക്ഷേത്ര മുഖ്യസ്ഥാനികന്‍ പാണം ആയത്താര്‍ ഉദ്ഘാടനം ചെയ്തു. ബേക്കല്‍ പരിസരങ്ങളിലായി 500 ഫല വൃക്ഷങ്ങളും ഔഷധ-തണല്‍ മരങ്ങളും വെച്ചുപിടിപ്പിച്ചു. ഇമാമുമാരും ക്ഷേത്ര സ്ഥാനികരും നേതൃത്വം നല്‍കി.
ബേക്കല്‍ ജംഗ്ഷനില്‍ നടന്ന പരിസ്ഥിതി സംരക്ഷണ സദസ് ജില്ലാ മുസ്ലിം ലീഗ് ജനറല്‍ സെക്രട്ടറി എ. അബ്ദുല്‍റഹ്മാന്‍ ഉദ്ഘാടനം ചെയ്തു. മണ്ഡലം പ്രസിഡണ്ട് കെ.ഇ.എ. ബക്കര്‍ അധ്യക്ഷത വഹിച്ചു. എ.ബി. ഷാഫി സ്വാഗതം പറഞ്ഞു. പ്രൊഫ. എം.എ. റഹ്മാന്‍ മുഖ്യപ്രഭാഷണം നടത്തി. പുഴസംരക്ഷണ പദ്ധതിരേഖ പള്ളിക്കര ഗ്രാമപഞ്ചായത്ത് പ്രസിഡണ്ട് പി. ഇന്ദിര, ഉദുമ ഗ്രാമപഞ്ചായത്ത് പ്രസിഡണ്ട് കെ.എ. മുഹമ്മദലി ഏറ്റുവാങ്ങി.
ജില്ലാ മുസ്ലിം ലീഗ് സെക്രട്ടറി മൂസാ ബി. ചെര്‍ക്കള, ബേക്കല്‍ കുറുംബ ഭഗവതി ക്ഷേത്ര പ്രസിഡണ്ട് കെ.കെ. കുഞ്ഞിരാമന്‍, കാസര്‍കോട് പ്രസ് ക്ലബ്ബ് പ്രസിഡണ്ട് ടി.എ. ഷാഫി, മണ്ഡലം മുസ്ലിം ലീഗ് ഭാരവാഹികളായ ഹമീദ് മാങ്ങാട്, കെ.എ. അബ്ദുല്ല ഹാജി, തൊട്ടി സാലിഹ് ഹാജി, ഹുസൈനാര്‍ തെക്കില്‍, പള്ളിക്കര പഞ്ചായത്ത് മുസ്ലിം ലീഗ് ജനറല്‍ സെക്രട്ടറി സിദ്ദീഖ് പള്ളിപ്പുഴ, യൂത്ത് ലീഗ് ഉദുമ മണ്ഡലം പ്രസിഡണ്ട് ഹാരിസ് തൊട്ടി, പള്ളിക്കര ഗ്രാമപഞ്ചായത്ത് അംഗം എം.ജി. ആയിഷ, കെ.കെ. കുഞ്ഞിരാമന്‍, എം.എച്ച്. മുഹമ്മദ് കുഞ്ഞി, കാപ്പില്‍ മുഹമ്മദ് പാഷ, സലാം ആദൂര്‍, ഷമീം ബേക്കല്‍, അന്‍സാരി ബേക്കല്‍, ഹനീഫ മഠം, ബഷീര്‍ പൂച്ചക്കാട്, ഗഫൂര്‍ ബേക്കല്‍, എ.എം.എ. ഖാദര്‍, ഹീന മുഹമ്മദ്, എം.ബി. ഷാനവാസ് സംബന്ധിച്ചു. ചടങ്ങില്‍ ഫലവൃക്ഷത്തൈകള്‍ വിതരണം ചെയ്തു.
മണ്ഡലത്തിലെ എട്ട് പഞ്ചായത്തുകളില്‍ രണ്ടായിരം തൈകള്‍ പഞ്ചായത്ത്, ശാഖാ കമ്മിറ്റികള്‍ നട്ടുപിടിപ്പിച്ചു.



Recent News
  യോഗി ആദിത്യനാഥ് എത്തുന്നു; ഹിന്ദുസമാജോത്സവം നാളെ

  കെ.എം. അഹ്മദ് അനുസ്മരണവും ഗോപീകൃഷ്ണന് അവാര്‍ഡ് ദാനവും തിങ്കളാഴ്ച

  സംസ്ഥാന സ്‌കൂള്‍ കലോത്സവം: ജില്ലയ്ക്ക് പതാക കൈമാറി

  അലാമികള്‍ ഇന്ന് അരങ്ങിലേക്ക്

  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു

  ശാന്തിയും സമാധാനവും വിളിച്ചോതി കാസര്‍കോട്ട് ക്രിസ്തുമസ് ഫെസ്റ്റ് സംഘടിപ്പിച്ചു

  തളങ്കര മുസ്ലിം ഹൈസ്‌കൂളില്‍ ഔഷധത്തോട്ടമൊരുക്കി; ബോധവല്‍ക്കരണ ക്ലാസുകള്‍ സംഘടിപ്പിച്ചു

  കഥകളിയുമായി മഹാകവി പിയുടെ കൊച്ചുമകന്‍ സ്വിസ്റ്റ്‌സര്‍ലാന്റില്‍

  ഹിന്ദുസമാജോത്സവം 16ന്; യോഗി ആദിത്യനാഥ് എത്തും

  ദിനേശ് ഇന്‍സൈറ്റിന്റെ ഫോട്ടോ പ്രദര്‍ശനം 29ന്

  കൊപ്പല്‍ അബ്ദുല്ല നന്മകളെ ജീവിതമുദ്രയാക്കി -പ്രൊഫ. എ.പി. അബ്ദുല്‍ വഹാബ്

  കുറ്റകൃത്യങ്ങളില്‍ നിന്ന് അകന്നുനില്‍ക്കാം; വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി

  ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു