updated on:2018-05-14 05:52 PM
ജില്ലാ സീനിയര്‍ ഫുട്‌ബോള്‍ ലീഗില്‍ മൊഗ്രാല്‍ ജേതാക്കള്‍

www.utharadesam.com 2018-05-14 05:52 PM,
മൊഗ്രാല്‍: ശതാബ്ദി ആഘോഷത്തിന്റെ നിറവില്‍ നില്‍ക്കുന്ന മൊഗ്രാല്‍ സ്‌പോര്‍ട്‌സ് ക്ലബ്ബിന് വീണ്ടും തിളക്കമാര്‍ന്ന നേട്ടം. ജില്ലാ സീനിയര്‍ ഡിവിഷന്‍ ലീഗ് ഫുട്‌ബോളില്‍ ചാമ്പ്യന്മാരായതോടെ കായിക കൈരളിയുടെ ഭൂപടത്തില്‍ ഇശല്‍ ഗ്രാമത്തിന്റെ സാന്നിദ്ധ്യം മൊഗ്രാലിലെ താരങ്ങള്‍ ഒന്നു കൂടി അടയാളപ്പെടുത്തിയിരിക്കുകയാണ്. ഇന്നലെ തൃക്കരിപ്പൂര്‍ നടക്കാവ് സ്റ്റേഡിയത്തില്‍ നടന്ന ഫൈനലില്‍ ഏകപക്ഷീയമായ മൂന്ന് ഗോളുകള്‍ക്ക് ശക്തരായ ആക്മി തൃക്കരിപ്പൂരിനെ പരാജയപ്പെടുത്തിയാണ് മൊഗ്രാല്‍ സ്‌പോര്‍ട്‌സ് ക്ലബ് ജില്ലാ സീനിയര്‍ ലീഗില്‍ മുത്തമിട്ടത്.
ഷാഫി, സജീര്‍ എന്നിവരാണ് ഗോള്‍വലയം ചലിപ്പിച്ചത്. ഇതോടെ അഞ്ച് തവണ ജില്ലാ ലീഗ് ചാമ്പ്യന്മാരാവുക എന്ന നേട്ടം കൈവരിക്കാന്‍ മൊഗ്രാലിന് സാധിച്ചു. വിജയികള്‍ക്ക് കേരള ഫുട്‌ബോള്‍ അസോസിയേഷന്‍ സെക്രട്ടറി അനില്‍കുമാര്‍ ട്രോഫികള്‍ വിതരണം ചെയ്തു. ഈ വര്‍ഷം കായിക മേഖലയില്‍ മികച്ച നേട്ടം തുടരുകയാണ് മൊഗ്രാല്‍ ഗ്രാമം. ജില്ലാ എ ഡിവിഷന്‍ ക്രിക്കറ്റ് ലീഗില്‍ ചാമ്പ്യന്മാരായ പെര്‍വാഡ് ക്രിക്കറ്റ് ക്ലബിലൂടെയാണ് മൊഗ്രാല്‍ കഴിഞ്ഞ മാസം നേട്ടം കൊയ്തത്. സന്തോഷ് ട്രോഫി നേടിയ കേരള ടീമിന്റെ മാനേജര്‍ പദവി അലങ്കരിക്കുക വഴി പി.സി ആസിഫും ദേശീയ കാര്‍ റാലി ചാമ്പ്യന്‍പട്ടം അഞ്ചാം തവണയും കരസ്ഥമാക്കുക വഴി മൂസാ ഷരീഫും ഈ വര്‍ഷം കായിക ഗ്രാമത്തിന് അഭിമാനകരമായ നേട്ടം സമ്മാനിച്ചിരുന്നു.



Recent News
  സ്ഥാനാര്‍ത്ഥി പ്രഖ്യാപനത്തിന് മുമ്പെ എന്‍.ഡി.എ. തിരഞ്ഞെടുപ്പ് കമ്മിറ്റി ഓഫീസ് തുറന്നു

  ഇടത് കോട്ടകളില്‍ കയറിയിറങ്ങി രാജ്‌മോഹന്‍ ഉണ്ണിത്താന്‍

  ആവശ്യത്തിന് ബസുകളില്ല; കാസര്‍കോട്-മാന്യ- മുണ്ട്യത്തടുക്ക റൂട്ടില്‍ യാത്രാദുരിതം

  എന്‍ഡോസള്‍ഫാന്‍ ഇരകള്‍ക്ക് നീതിനിഷേധം; കലക്ടറേറ്റ് മാര്‍ച്ച് നാളെ

  അജ്ഞാതന്റെ മയ്യത്ത് ഖബറടക്കാന്‍ പൊലീസിന് തുണയായി ദീനാര്‍ ഐക്യവേദി പ്രവര്‍ത്തകര്‍

  ജെ.സി.ഐ. കാസര്‍കോട് സൗജന്യ മെഗാ മെഡിക്കല്‍ ക്യാമ്പ് നടത്തി

  ബിലാത്തിക്കുഴല്‍ പ്രദര്‍ശിപ്പിച്ചു; അണിയറ പ്രവര്‍ത്തകര്‍ക്ക് ആദരം

  ലോക്‌സഭാ തിരഞ്ഞെടുപ്പ്; പരിശോധന കര്‍ശനമാക്കി

  എന്‍ഡോസള്‍ഫാന്‍ ദുരിതബാധിതരുടെ കലക്ടറേറ്റ് മാര്‍ച്ച് 19ന്

  മണ്ണെണ്ണ പെര്‍മിറ്റ് വൈകുന്നു; മലയോരത്ത് കര്‍ഷകരുടെ പ്രതിഷേധം ഉയരുന്നു

  കാര്‍ഷികാവശ്യങ്ങള്‍ക്കുള്ള വൈദ്യുതി വിച്ഛേദിച്ചതില്‍ പ്രതിഷേധം

  രാജ്യാന്തര ചലചിത്രോത്സവങ്ങളിലെ പ്രതിഭക്ക് കാസര്‍കോടിന്റെ ആദരം ഇന്ന്

  കല്ല്യോട്ടിന്റെ നൊമ്പരങ്ങളിലേക്ക് മഴയായി പെയ്തിറങ്ങി രാഹുല്‍...

  പ്രതിഷേധം മുറുകി; കൃഷിവകുപ്പ് 'അക്കോമിന്‍' തളിക്കുന്നത് ഉപേക്ഷിച്ചു

  ബി.ജെ.പി സ്ഥാനാര്‍ത്ഥി തീരുമാനം ഉടനെയുണ്ടാകും; ചര്‍ച്ച അന്തിമഘട്ടത്തില്‍