updated on:2018-05-13 07:58 PM
പി.സ്മാരക കവിതാ പുരസ്‌കാരം അനിത തമ്പിക്ക്

www.utharadesam.com 2018-05-13 07:58 PM,
കാഞ്ഞങ്ങാട്: മഹാകവി പി.സ്മാരക ട്രസ്റ്റിന്റെ ഈ വര്‍ഷത്തെ മഹാകവി പി.കുഞ്ഞിരാമന്‍ നായര്‍ കവിതാ പുരസ്‌ക്കാരത്തിന് അനിതാ തമ്പിയുടെ 'ആലപ്പുഴവെള്ളം' എന്ന കവിതാ സമാഹാരം അര്‍ഹമായി. 27ന് പാലക്കാട് ജില്ലാ പബ്ലിക്ക് ലൈബ്രറിയില്‍ നടക്കുന്ന മഹാകവി പി. നാല്‍പതാം അനുസ്മരണ ദിനത്തില്‍ പുരസ്‌കാരം സമര്‍പ്പിക്കും. ട്രസ്റ്റ് ചെയര്‍മാന്‍ കെ.ജയകുമാര്‍, ഡോ. പി.വി. കൃഷ്ണന്‍ നായര്‍, ഇ.പി.രാജഗോപാലന്‍ എന്നിവരടങ്ങിയ സമിതിയാണ് പുരസ്‌കാരത്തിനുള്ള കൃതി തിരഞ്ഞെടുത്തത്.
സ്ത്രീജീവിതത്തിന്റെയും പ്രാദേശിക സംസ്‌കൃതിയുടെയും സവിശേഷമായ ആവിഷ്‌ക്കാരങ്ങളാണ് അനിതാ തമ്പിയുടെ കവിതകള്‍. സമകാലിക മലയാള ഭാഷയുടെ സൂക്ഷ്മ സാധ്യതകള്‍ ഈ രചനകളില്‍ സ്പന്ദിച്ചു നില്‍ക്കുന്നു. തിരുവനന്തപുരത്ത് എഞ്ചിനീയറായി ജോലി ചെയ്യുന്ന അനിതതമ്പി കവിയും വിവര്‍ത്തകയുമാണ്.
അനുസ്മരണദിനത്തിന്റെ ഭാഗമായി 26 ന് കൊല്ലങ്കോട് പി.സ്മാരക കലാസാംസ്‌കാരിക കേന്ദ്രത്തില്‍ വെച്ച് കേരള സാഹിത്യ അക്കാദമിയുടെ സഹായത്തോടെ കവിതാ ക്യാമ്പ് നടക്കും.
അക്കാദമി പ്രസിഡണ്ട് വൈശാഖന്‍ ഉദ്ഘാടനം ചെയ്യും. പി. എന്‍. ഗോപികൃഷ്ണന്‍, പി.രാമന്‍, എം.എം സചീന്ദ്രന്‍, ഇയ്യങ്കോട് ശ്രീധരന്‍, കടാങ്കോട് പ്രഭാകരന്‍ എന്നിവര്‍ വിവിധ സെഷനുകളില്‍ പങ്കെടുക്കും.



Recent News
  27 ന് സംസ്ഥാനത്ത് റേഷന്‍ കടകള്‍ തുറക്കില്ല

  എ.കെ.ഡി.എ ജില്ലാ കമ്മിറ്റി: മാഹിന്‍ കോളിക്കര പ്രസി., ജി.എസ്. ശശിധരന്‍ സെക്ര.

  ആവേശം പകര്‍ന്ന് യു.ഡി.എഫ് തിരഞ്ഞെടുപ്പ് കണ്‍വെന്‍ഷന്‍

  സി.പി.എം മണ്ഡലം കമ്മിറ്റി യോഗങ്ങള്‍ക്ക് മുഖ്യമന്ത്രി പിണറായി വിജയന്‍ നേരിട്ട് മേല്‍നോട്ടം വഹിച്ചു

  ഇവിടെ കുട്ടികള്‍ക്ക് അവധിക്കാലമല്ല; ഇത് വായനയുടെ വസന്തകാലം

  തിരഞ്ഞെടുപ്പ്; കലക്ടറേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു

  1418-ാം സ്ഥാപക വാര്‍ഷിക നിറവില്‍ തളങ്കര മാലിക് ദീനാര്‍ വലിയ പള്ളി

  ചെങ്കള ശിഹാബ് തങ്ങള്‍ ഇസ്ലാമിക് അക്കാദമി ഉദ്ഘാടനം ചെയ്തു

  സിവില്‍ സ്റ്റേഷന്‍ ക്ഷണിക്കുന്നു; പുതിയ വോട്ടിങ് സംവിധാനം കാണാന്‍

  എന്‍.എം.സി.സി. ഡിജിറ്റല്‍ മാര്‍ക്കറ്റിംഗ് പരിശീലനം സംഘടിപ്പിച്ചു

  സ്ഥാനാര്‍ത്ഥി പ്രഖ്യാപനത്തിന് മുമ്പെ എന്‍.ഡി.എ. തിരഞ്ഞെടുപ്പ് കമ്മിറ്റി ഓഫീസ് തുറന്നു

  ഇടത് കോട്ടകളില്‍ കയറിയിറങ്ങി രാജ്‌മോഹന്‍ ഉണ്ണിത്താന്‍

  ആവശ്യത്തിന് ബസുകളില്ല; കാസര്‍കോട്-മാന്യ- മുണ്ട്യത്തടുക്ക റൂട്ടില്‍ യാത്രാദുരിതം

  എന്‍ഡോസള്‍ഫാന്‍ ഇരകള്‍ക്ക് നീതിനിഷേധം; കലക്ടറേറ്റ് മാര്‍ച്ച് നാളെ

  അജ്ഞാതന്റെ മയ്യത്ത് ഖബറടക്കാന്‍ പൊലീസിന് തുണയായി ദീനാര്‍ ഐക്യവേദി പ്രവര്‍ത്തകര്‍