updated on:2018-05-11 06:20 PM
മെയ്ഡ് ഫോര്‍ ഈച്ച് അദറില്‍ ജാബിര്‍-ഷൈമ ദമ്പതികള്‍ക്ക് രണ്ടാംസ്ഥാനം

www.utharadesam.com 2018-05-11 06:20 PM,
കൊച്ചി: മഴവില്‍ മനോരമ ചാനല്‍ സംഘടിപ്പിച്ച 'മെയ്ഡ് ഫോര്‍ ഈച്ച് അദര്‍' റിയാലിറ്റി ഷോ സീസണ്‍ -2ല്‍ കാസര്‍കോട്ടെ യുവ ദമ്പതികള്‍ക്ക് രണ്ടാം സമ്മാനം. ചെമനാട് സ്വദേശി ജാബിര്‍ മുഹമ്മദ്-എരിയാലിലെ ആയിഷത്ത് ഷൈമ ദമ്പതികളാണ് മികച്ച പ്രകടനത്തോടെ രണ്ടാം സമ്മാനം നേടിയത്. കണ്ണൂരിലെ ഡോ. കെ.വി. ആദര്‍ശ്-ഡോ. ശ്യാമ ചാത്തോത്ത് ദമ്പതികള്‍ക്കാണ് ഒന്നാം സമ്മാനം. ചെമനാട് പുതിയ വളപ്പില്‍ അബ്ദുല്‍ റഷീം-ഖദീജ ദമ്പതികളുടെ മകനാണ് ജാബിര്‍. എരിയാലിലെ ബിസ്മില്ല മന്‍സിലില്‍ ഷാഫി-നസീമ ദമ്പതികളുടെ മകളാണ് ഷൈമ. കാസര്‍കോട്ടും ബംഗളൂരുവിലും ഖുര്‍ഷിദ് ഫാഷന്‍ എന്ന പേരില്‍ ഡിസൈനര്‍ വസ്ത്ര വ്യാപാരം നടത്തുകയാണ് ജാബിറും ഷൈമയും. മെയ്ഡ് ഫോര്‍ ഈച്ച് അദര്‍ റിയാലിറ്റി ഷോയില്‍ ജാബിര്‍-ഷൈമ ദമ്പതികളുടെ പ്രകടനം ഏറെ ശ്രദ്ധിക്കപ്പെട്ടിരുന്നു. രണ്ടാം സമ്മാനക്കാര്‍ക്കുള്ള അഞ്ച് ലക്ഷം രൂപ ഇവര്‍ക്ക് ലഭിച്ചു. ഒന്നാംസ്ഥാനക്കാര്‍ക്ക് 25ലക്ഷം രൂപയാണ് സമ്മാനത്തുക. സംവിധായകന്‍ ജയരാജ്, വസ്ത്രാലങ്കാര വിദഗ്ധ സബിത ജയരാജ് എന്നിവരാണ് വിജയികളെ പ്രഖ്യാപിച്ചത്. പൂര്‍ണിമ ഇന്ദ്രജിത്ത്, സബിത ജയരാജ്, രേഖ മേനോന്‍ എന്നിവരായിരുന്നു മത്സരത്തിന്റെ വിധികര്‍ത്താക്കള്‍.



Recent News
  യോഗി ആദിത്യനാഥ് എത്തുന്നു; ഹിന്ദുസമാജോത്സവം നാളെ

  കെ.എം. അഹ്മദ് അനുസ്മരണവും ഗോപീകൃഷ്ണന് അവാര്‍ഡ് ദാനവും തിങ്കളാഴ്ച

  സംസ്ഥാന സ്‌കൂള്‍ കലോത്സവം: ജില്ലയ്ക്ക് പതാക കൈമാറി

  അലാമികള്‍ ഇന്ന് അരങ്ങിലേക്ക്

  അധ്യാപകരും ജീവനക്കാരും ജില്ലാ വിദ്യാഭ്യാസ ഓഫീസിലേക്ക് പ്രതിഷേധമാര്‍ച്ച് നടത്തി

  സംസ്ഥാന സ്‌കൂള്‍ കലോത്സവം: മികച്ച നേട്ടവുമായി ടി.ഐ.എച്ച്.എസ്.എസ്.

  റോഡ് നന്നാക്കിയില്ല; ഡി.വൈ.എഫ്.ഐ. ഉപരോധിച്ചു

  ശാന്തിയും സമാധാനവും വിളിച്ചോതി കാസര്‍കോട്ട് ക്രിസ്തുമസ് ഫെസ്റ്റ് സംഘടിപ്പിച്ചു

  തളങ്കര മുസ്ലിം ഹൈസ്‌കൂളില്‍ ഔഷധത്തോട്ടമൊരുക്കി; ബോധവല്‍ക്കരണ ക്ലാസുകള്‍ സംഘടിപ്പിച്ചു

  കഥകളിയുമായി മഹാകവി പിയുടെ കൊച്ചുമകന്‍ സ്വിസ്റ്റ്‌സര്‍ലാന്റില്‍

  ഹിന്ദുസമാജോത്സവം 16ന്; യോഗി ആദിത്യനാഥ് എത്തും

  ദിനേശ് ഇന്‍സൈറ്റിന്റെ ഫോട്ടോ പ്രദര്‍ശനം 29ന്

  കൊപ്പല്‍ അബ്ദുല്ല നന്മകളെ ജീവിതമുദ്രയാക്കി -പ്രൊഫ. എ.പി. അബ്ദുല്‍ വഹാബ്

  കുറ്റകൃത്യങ്ങളില്‍ നിന്ന് അകന്നുനില്‍ക്കാം; വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ് നടത്തി

  ഭിന്ന ശേഷി സൗഹൃദ സദസ്സും മുച്ചക്ര റാലിയും സംഘടിപ്പിച്ചു