updated on:2018-04-16 05:53 PM
മാങ്ങാടോര്‍മ്മകളില്‍ നിറഞ്ഞ് ബാലകൃഷ്ണന്‍ മാങ്ങാട് അനുസ്മരണം

കാസര്‍കോട് സാഹിത്യവേദിയും ബാലകൃഷ്ണന്‍ മാങ്ങാട് സ്മാരക സമിതിയും സംയുക്തമായി നടത്തിയ അനുസ്മരണ സദസ്സ്-മാങ്ങാടോര്‍മ്മകള്‍ എഴുത്തുകാരന്‍ രത്‌നാകരന്‍ മാങ്ങാട് ഉദ്ഘാടനം ചെയ്യുന്നു
www.utharadesam.com 2018-04-16 05:53 PM,
കാസര്‍കോട്: ബാലകൃഷ്ണന്‍ മാങ്ങാട്’എന്ന എഴുത്തുകാരന്റെ ഭാഷാ പരമായ ധിക്കാരം അസാധാരണമായിരുന്നുവെന്ന് എഴുത്തുകാരന്‍ രത്‌നാകരന്‍ മാങ്ങാട് അഭിപ്രായപ്പെട്ടു. എം.ടി ഓപ്പോള്‍ എന്ന് എഴുതിയപ്പോള്‍ അത് ആര്‍ക്കെങ്കിലും മനസ്സിലാകുമോ എന്ന് ചോദിച്ചവരോട് എം.ടി പറഞ്ഞത്, തകഴിയുടെ അക്കന്‍ വായനക്കാര്‍ക്ക് മനസ്സിലായിട്ടുണ്ടെങ്കില്‍ ഓപ്പോളും മനസ്സിലാക്കേണ്ടത് വായനക്കാരന്റെ ബാധ്യതയാണ് എന്നാണ്. ചേച്ചിക്ക് പകരം ഏട്ടി എന്ന പ്രയോഗത്തിലൂടെ ബാലകൃഷ്ണന്‍ മാങ്ങാട് നടത്തിയതും ഭാഷാപരമായ ഒരു അഭിമാനമാണെന്നും അത് അസാമാന്യമായിരുന്നുവെന്നും രത്‌നാകരന്‍ മാങ്ങാട് കൂട്ടിച്ചേര്‍ത്തു.
ബാലകൃഷ്ണന്‍ മാങ്ങാടിന്റെ ചരമവാര്‍ഷികത്തോടനുബന്ധിച്ച് കാസര്‍കോട് സാഹിത്യവേദിയും ബാലകൃഷ്ണന്‍ മാങ്ങാട് സ്മാരക സമിതിയും സംയുക്തമായി മുനിസിപ്പല്‍ ടൗണ്‍ ഹാള്‍ അങ്കണത്തില്‍ നടത്തിയ അനുസ്മരണ സദസ്സ്-മാങ്ങാടോര്‍മ്മകള്‍-ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അധിക സമയം പുറം ദേശങ്ങളിലായിരിക്കുമ്പോഴും മാങ്ങാടിന്റെ ഓര്‍മ്മകള്‍ എന്നും ഊര്‍ജ്ജമായിരുന്നു എന്ന് നടനും സംവിധാകനുമായ പ്രകാശ് ബാരെ പറഞ്ഞു.
കാസര്‍കോടന്‍ നാട്ടുഭാഷയെ എഴുത്തില്‍ ശക്തമായി അടയാളപ്പെടുത്തിയ കഥാകാരനും നന്മയുള്ള പത്രപ്രവര്‍ത്തകനുമായിരുന്നു ബാലകൃഷ്ണന്‍ മാങ്ങാട് എന്ന് അനുസ്മരണ ചടങ്ങ് അഭിപ്രായപ്പെട്ടു.
സാഹിത്യവേദി പ്രസിഡണ്ട് റഹ്മാന്‍ തായലങ്ങാടി അധ്യക്ഷത വഹിച്ചു. സുധീഷ് ഗോപാലകൃഷ്ണന്‍, അംബികാസുതന്‍ മാങ്ങാട്, ജയന്‍ മാങ്ങാട്, സുരേഷ് ബാബു മാങ്ങാട്, മീനാക്ഷി ജയന്‍, കെ. ആര്യനന്ദ, നാരായണന്‍ പേരിയ, എം. ചന്ദ്രപ്രകാശ്, കെ.എം അബ്ദുല്‍ റഹിമാന്‍, വി.വി പ്രഭാകരന്‍, മുജീബ് അഹ്മദ് സംസാരിച്ചു. സാഹിത്യവേദി സെക്രട്ടറി പുഷ്പാകരന്‍ ബെണ്ടിച്ചാല്‍ സ്വാഗതവും, എം. രാധാകൃഷ്ണന്‍ മാങ്ങാട് നന്ദിയും പറഞ്ഞു. ഉണ്ണിമായ ബാര കവിത ചൊല്ലി.
കാശ്മീരില്‍ കൊല ചെയ്യപ്പെട്ട പെണ്‍കുട്ടിയെ അനുസ്മരിച്ച് പ്രകാശ് ബാരെ സംസാരിച്ചു. മൗനാഞ്ജലി അര്‍പ്പിച്ചു.



Recent News
  ബാലചന്ദ്രന്‍ നീലേശ്വരം അനുസ്മരണം നടത്തി

  15-ാം വര്‍ഷവും ഹജ്ജ് പഠന ക്ലാസ് സംഘടിപ്പിച്ച് സിറ്റിഗോള്‍ഡ്

  പഠനവഴിയില്‍ സംരംഭകരാകാന്‍ സംരംഭകത്വ ശില്‍പശാല നടത്തി

  ഉദുമയിലെ രണ്ട് സ്‌കൂളുകള്‍ക്ക് 3.39 കോടി രൂപയുടെ പദ്ധതി

  ക്വിസ് മത്സരം ഫുട്ബാള്‍ പ്രേമികള്‍ക്ക് നവ്യാനുഭവമായി

  അഞ്ചു വയസ്സുകാരന്റെ മനസാന്നിധ്യത്തില്‍ രണ്ട് കൂട്ടുകാര്‍ക്ക് പുതുജീവന്‍ ലഭ്യമായി

  രാമായണമാസാചരണം നാളെ തുടങ്ങും

  50 ലക്ഷത്തിന്റെ ക്ഷേമ പദ്ധതി രൂപരേഖയുമായി ചന്ദ്രഗിരി ലയണ്‍സ് ക്ലബ്ബ്

  മുഹിമ്മാത്ത് വിദ്യാഭ്യാസമേഖല വിപുലീകരിക്കുന്നു

  തകര്‍ന്ന റോഡിലെ കുഴി അടച്ചു

  അപകടം തുടര്‍ക്കഥയാക്കി വാട്ടര്‍ അതോറിറ്റി പൈപ്പിടല്‍

  'ജില്ലാ ബാങ്കിലെ പിന്‍വാതില്‍ നിയമനം അവസാനിപ്പിക്കണം'

  മയക്കുമരുന്ന് വിരുദ്ധദിനാചരണം നടത്തി

  കെ.എസ്. അബ്ദുല്ല സ്‌കൂളില്‍ വിവിധ ക്ലബ്ബുകള്‍ തുടങ്ങി

  പാലക്കുന്ന് ടൗണ്‍ വികസനം: വ്യാപാരികള്‍ പ്രക്ഷോഭത്തിന്