updated on:2018-04-14 04:23 PM
ആഹ്‌ളാദ നിറവില്‍ തളങ്കര പടിഞ്ഞാര്‍; സ്‌കൂള്‍ കെട്ടിടോദ്ഘാടനം തിങ്കളാഴ്ച

www.utharadesam.com 2018-04-14 04:23 PM,
തളങ്കര: തളങ്കര പടിഞ്ഞാര്‍ മുനിസിപ്പല്‍ ജി.എല്‍.പി. സ്‌കൂളിന് പ്രകൃതി മനോഹരമായ തീരത്തോട് ചേര്‍ന്ന് പടിഞ്ഞാര്‍ ചില്‍ഡ്രന്‍സ് പാര്‍ക്കിന് സമീപം നിര്‍മ്മിച്ച കെട്ടിടത്തിന്റെ ഉദ്ഘാടനം 16ന് തിങ്കളാഴ്ച രാവിലെ 10 മണിക്ക് എന്‍.എ. നെല്ലിക്കുന്ന് എം.എല്‍.എ. നിര്‍വ്വഹിക്കും. 1929ലാണ് സ്‌കൂള്‍ സ്ഥാപിതമായത്. സ്‌കൂളിന് പുതിയ കെട്ടിടം എന്ന സ്വപ്നം യാഥാര്‍ത്ഥ്യമാക്കുന്നതിന് നഗരസഭയോടൊപ്പം നാട്ടുകാരും വ്യവസായികളും ഉദാരമതികളും യു.എ.ഇ. കാസര്‍കോട്-തളങ്കര പടിഞ്ഞാര്‍ ജമാഅത്തും ആവേശത്തോടെ കൈകോര്‍ത്തു. പുതുതായി നിര്‍മ്മിച്ച ഇരുനില കെട്ടിടത്തില്‍ പുതിയ കാലഘട്ടത്തിനനുസരിച്ചുള്ള ഫര്‍ണീച്ചറുകള്‍ ഒരുക്കാന്‍ സ്ഥലത്തെ ഉദാരമതികളായ വ്യവസായികള്‍ ഉത്സാഹത്തോടെ രംഗത്ത് വരികയായിരുന്നു. രാവിലെ 9മണിക്ക് നടക്കുന്ന ഘോഷയാത്രക്ക് ശേഷമാണ് ഉദ്ഘാടന ചടങ്ങ്. നഗസസഭാ അധ്യക്ഷ ബീഫാത്തിമ ഇബ്രാഹിം അധ്യക്ഷത വഹിക്കും. ഡൈനിംഗ് ഹാള്‍ ഉദ്ഘാടനം സ്‌കൂള്‍ വികസന സമിതി ചെയര്‍മാന്‍ യഹ്‌യ തളങ്കരയും സ്മാര്‍ട്ട് ക്ലാസ് റൂം ഉദ്ഘാടനം നഗരസഭാ മുന്‍ ചെയര്‍മാന്‍ ടി.ഇ. അബ്ദുല്ലയും കമ്പ്യൂട്ടര്‍ റൂം ഉദ്ഘാടനം നഗരസഭാ വൈസ് ചെയര്‍മാന്‍ എല്‍.എ. മഹമൂദ് ഹാജിയും കെട്ടിട കരാറുകാരനുള്ള ഉപഹാര വിതരണം കെ.ടി.പി.ജെ. പ്രസിഡണ്ട് അസ്‌ലം പടിഞ്ഞാറും നിര്‍വ്വഹിക്കും. ഡി.ഡി.ഇ. ഗിരീഷ് ചോലയില്‍, ഡയറ്റ് പ്രിന്‍സിപ്പല്‍ പി.വി. കൃഷ്ണകുമാര്‍ മുഖ്യാതിഥികളായിരിക്കും. ഹെഡ്മിസ്ട്രസ് പുഷ്പാവതി റിപ്പോര്‍ട്ട് അവതരിപ്പിക്കും. നഗരസഭാംഗം മുജീബ് തളങ്കര സ്വാഗതം പറയും. പ്രമുഖ വ്യക്തികള്‍ സംബന്ധിക്കും. സ്‌കൂള്‍ വാര്‍ഷികാഘോഷം ഉച്ചക്ക് 2മണിക്ക് പി.ടി.എ. പ്രസിഡണ്ട് ഫിറോസ് പടിഞ്ഞാറിന്റെ അധ്യക്ഷതയില്‍ യഹ്‌യ തളങ്കര ഉദ്ഘാടനം ചെയ്യും. വൈകിട്ട് 6.30ന് പൂര്‍വ്വ വിദ്യാര്‍ത്ഥി സംഘടനയുടെ ഉദ്ഘാടനം ജില്ലാ പഞ്ചായത്ത് പ്രസിഡണ്ട് എ.ജി.സി. ബഷീര്‍ നിര്‍വ്വഹിക്കും. ഡി.വൈ.എസ്.പി. എം.വി. സുകുമാരന്‍ മുഖ്യ അതിഥിയായിരിക്കും. രാത്രി എട്ട് മണിക്ക് യുവര്‍ ചോയ്‌സ് ഓര്‍ക്കസ്ട്ര അവതരിപ്പിക്കുന്ന മാപ്പിള ഗാനമേള അരങ്ങേറും.



Recent News
  റമദാന്‍ 25-ാം രാവില്‍ സഅദിയ്യയില്‍ പ്രാര്‍ത്ഥനാ സമ്മേളനം; സ്വാഗത സംഘം രൂപീകരിച്ചു

  രാജ്യത്ത് സ്ത്രീകള്‍ക്കും കുട്ടികള്‍ക്കുമെതിരെ നടക്കുന്ന കാര്യങ്ങള്‍ ഭീതിയുണര്‍ത്തുന്നവ-ശാന്തമ്മ ഫിലിപ്പ്

  ജനപ്രതിനിധികളുടെ താല്‍പര്യക്കുറവ് മാപ്പിള കലാകേന്ദ്രം മൊഗ്രാലിന് നഷ്ടപ്പെടാന്‍ കാരണമായി -സി.പി.എം

  പരാതികള്‍ അന്വേഷിക്കുന്ന പൊലീസ് പിന്നീട് തിരിഞ്ഞുനോക്കുന്നില്ല; പരിഹാരമില്ലാതെ വയോജനങ്ങളുടെ പ്രശ്‌നങ്ങള്‍

  സി.പി.ഐ പാര്‍ട്ടി കോണ്‍ഗ്രസ്; പതാക ജാഥക്ക് കയ്യൂരില്‍ തുടക്കം

  ഡോ. സജേഷ് പി. തോമസിന് മേരിക്യൂറി അവാര്‍ഡ്

  പഴയകാല സഹപാഠികള്‍ 15 ലക്ഷം രൂപയുടെ പ്രൊജക്ട് ബെദിര പി.ടി.എം സ്‌കൂളിന് സമര്‍പ്പിച്ചു

  അണ്ടര്‍-19 ജില്ലാ ടീമിനെ അഭിജിത് നയിക്കും

  ജില്ലാ ഫുട്‌ബോള്‍ ചാമ്പ്യന്‍ഷിപ്പിന് തുടക്കമായി

  ഇശല്‍ ഗ്രാമത്തിന്റെ യശസ്സുയര്‍ത്തിയ പ്രതിഭകള്‍ക്ക് ആദരം

  സമാധാന സന്ദേശവുമായി ജെ.സി.ഐ കാസര്‍കോടിന്റെ സൈക്കിള്‍ റാലി 19ന്

  ദശവാര്‍ഷികാഘോഷവും അവാര്‍ഡ് ദാനവും നാളെ

  ഐ.എന്‍.എല്‍. വജ്ര ജൂബിലി ആഘോഷം 23ന്

  ചെമ്മനാട് ജമാഅത്ത് കമ്മറ്റി: സി.ടി. വീണ്ടും പ്രസിഡണ്ട് ; കെ.മുഹമ്മദ് കുഞ്ഞി മാസ്റ്റര്‍ ജന. സെക്ര.

  സ്‌കൂള്‍ ഉദ്ഘാടനം: തളങ്കര പടിഞ്ഞാറില്‍ കലാമേളയും ഗാനമേളയും ആസ്വദിക്കാനെത്തിയത് ആയിരങ്ങള്‍