updated on:2018-04-12 06:34 PM
പള്ളം റെയില്‍വെ അണ്ടര്‍ബ്രിഡ്ജ് 13 ന് നാടിന് സമര്‍പ്പിക്കും

www.utharadesam.com 2018-04-12 06:34 PM,
കാസര്‍കോട്: കാസര്‍കോട് പള്ളത്ത് പുതുതായി പണി കഴിപ്പിച്ച റെയില്‍വെ അണ്ടര്‍ബ്രിഡ്ജ് നാളെ വൈകീട്ട് നാടിന് സമര്‍പ്പിക്കും. 2.6 കോടി രൂപ ചെലവിലാണ് നാട്ടുകാരുടെ ചിരകാല അഭിലാഷമായ പള്ളം അടിപ്പാത പൂര്‍ത്തിയാക്കിയത്. 3.6 മീറ്റര്‍ ഉയരവും 4.5 മീറ്റര്‍ വീതിയുമുള്ള അടിപ്പാതക്ക് 23 മീറ്റര്‍ നീളത്തില്‍ അപ്രോച്ചു റോഡും നിര്‍മ്മിച്ചിട്ടുണ്ട്. മഴവെള്ളം ഒഴുകി പോകാന്‍ പ്രത്യേക സജ്ജീകരണങ്ങള്‍ അടിപ്പാതയില്‍ ഏര്‍പ്പെടുത്തിയിട്ടുണ്ട്. കാസര്‍കോട് ജില്ലയില്‍ പള്ളം അണ്ടര്‍ബ്രിഡ്ജിന് പുറമേ ആരിക്കാടി, തൃക്കരിപ്പൂര്‍ എന്നിവിടങ്ങളിലാണ് റെയില്‍വേ അണ്ടര്‍ ബ്രിഡ്ജ് നിര്‍മ്മിച്ചത്.
റെയില്‍പ്പാത ഇരട്ടിപ്പിച്ചതോടെ പള്ളം കസബ, കടപ്പുറം തുടങ്ങിയ സ്ഥലങ്ങളിലെ ജനങ്ങള്‍ക്ക് പള്ളം റെയില്‍വേ ഗേറ്റില്‍ കൂടുതല്‍ സമയം തളച്ചിടപ്പെടുന്ന അവസ്ഥ ഇതോടെ ഒഴിവായിക്കിട്ടും. ആദ്യം ഓവര്‍ ബ്രിഡ്ജ് നിര്‍മ്മിക്കാനായിരുന്നു തീരുമാനിച്ചത്. നിരവധി പേരുടെ സ്ഥലങ്ങള്‍ നഷ്ടപ്പെടാനും അസൗകര്യങ്ങള്‍ ഉണ്ടാവാനും സാധ്യതയുണ്ടായതിനാല്‍ നാട്ടുകാര്‍ എതിര്‍പ്പ് പ്രകടിപ്പിച്ചു. നാട്ടുകാര്‍, പള്ളി-ക്ഷേത്ര കമ്മിറ്റി ഭാരവാഹികര്‍ ജനപ്രതിനിധികള്‍ക്ക് നിവേദനം നല്‍കി. തുടര്‍ന്ന് പി. കരുണാകരന്‍ എം. പി,. സ്ഥലം എം.എല്‍.എ. എന്‍. എ. നെല്ലിക്കുന്ന് എന്നിവര്‍ റെയില്‍വേ മന്ത്രിയടക്കമുള്ളവരുടെ ശ്രദ്ധയില്‍പ്പെടുത്തിയതിനെ തുടര്‍ന്ന് അണ്ടര്‍ ബ്രിഡ്ജ് നിര്‍മ്മിക്കാന്‍ തീരുമാനിക്കുകയായിരുന്നു.
നാളെ വൈകിട്ട് നാലരയ്ക്ക് പി. കരുണാകരന്‍ എം.പി. ഉദ്ഘാടനം ചെയ്യും. എന്‍.എ. നെല്ലിക്കുന്ന് എം.എല്‍.എ അധ്യക്ഷത വഹിക്കും. നഗരസഭ ചെയര്‍പേഴ്‌സണ്‍ ബീഫാത്തിമ ഇബ്രാഹിം, നഗരസഭാ കൗണ്‍സിലര്‍ ഹാരിസ് ബെന്നു. റെയില്‍വേ ഉദ്യോഗസ്ഥര്‍ തുടങ്ങിയവര്‍ സംബന്ധിക്കും.



Recent News
  ഇവിടെ കുട്ടികള്‍ക്ക് അവധിക്കാലമല്ല; ഇത് വായനയുടെ വസന്തകാലം

  തിരഞ്ഞെടുപ്പ്; കലക്ടറേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു

  1418-ാം സ്ഥാപക വാര്‍ഷിക നിറവില്‍ തളങ്കര മാലിക് ദീനാര്‍ വലിയ പള്ളി

  ചെങ്കള ശിഹാബ് തങ്ങള്‍ ഇസ്ലാമിക് അക്കാദമി ഉദ്ഘാടനം ചെയ്തു

  സിവില്‍ സ്റ്റേഷന്‍ ക്ഷണിക്കുന്നു; പുതിയ വോട്ടിങ് സംവിധാനം കാണാന്‍

  എന്‍.എം.സി.സി. ഡിജിറ്റല്‍ മാര്‍ക്കറ്റിംഗ് പരിശീലനം സംഘടിപ്പിച്ചു

  സ്ഥാനാര്‍ത്ഥി പ്രഖ്യാപനത്തിന് മുമ്പെ എന്‍.ഡി.എ. തിരഞ്ഞെടുപ്പ് കമ്മിറ്റി ഓഫീസ് തുറന്നു

  ഇടത് കോട്ടകളില്‍ കയറിയിറങ്ങി രാജ്‌മോഹന്‍ ഉണ്ണിത്താന്‍

  ആവശ്യത്തിന് ബസുകളില്ല; കാസര്‍കോട്-മാന്യ- മുണ്ട്യത്തടുക്ക റൂട്ടില്‍ യാത്രാദുരിതം

  എന്‍ഡോസള്‍ഫാന്‍ ഇരകള്‍ക്ക് നീതിനിഷേധം; കലക്ടറേറ്റ് മാര്‍ച്ച് നാളെ

  അജ്ഞാതന്റെ മയ്യത്ത് ഖബറടക്കാന്‍ പൊലീസിന് തുണയായി ദീനാര്‍ ഐക്യവേദി പ്രവര്‍ത്തകര്‍

  ജെ.സി.ഐ. കാസര്‍കോട് സൗജന്യ മെഗാ മെഡിക്കല്‍ ക്യാമ്പ് നടത്തി

  ബിലാത്തിക്കുഴല്‍ പ്രദര്‍ശിപ്പിച്ചു; അണിയറ പ്രവര്‍ത്തകര്‍ക്ക് ആദരം

  ലോക്‌സഭാ തിരഞ്ഞെടുപ്പ്; പരിശോധന കര്‍ശനമാക്കി

  എന്‍ഡോസള്‍ഫാന്‍ ദുരിതബാധിതരുടെ കലക്ടറേറ്റ് മാര്‍ച്ച് 19ന്