updated on:2018-04-12 04:20 PM
കാസര്‍കോടിനോട് അവഗണനയെന്ന് ആസിഫ്; അഞ്ചുഗോള്‍ തന്റെ ജീവിതത്തിലെ മറക്കാനാവാത്ത നേട്ടമെന്ന് രാഹുല്‍

www.utharadesam.com 2018-04-12 04:20 PM,
കാസര്‍കോട്: കേരള സന്തോഷ് ട്രോഫി ടീമില്‍ ഇത്തവണ കാസര്‍കോട് ജില്ലയില്‍ നിന്നുള്ള കെ.പി രാഹുലിന് പുറമെ മറ്റു ഏതാനും താരങ്ങള്‍ കൂടി ഇടം നേടേണ്ടതായിരുന്നുവെന്നും എന്നാല്‍ ടീം സെലക്ഷന്‍ വേളയില്‍ ചിലര്‍ കാസര്‍കോട് ജില്ലയോട് കാണിച്ച അവഗണന മൂലം ആ അവസരം നഷ്ടപ്പെടുകയായിരുന്നുവെന്നും മാനേജര്‍ പി.സി ആസിഫ്. സന്തോഷ് ട്രോഫിയില്‍ താന്‍ നേടിയ അഞ്ച് ഗോളുകള്‍ ജീവിതത്തിലെ ഒരിക്കലും മറക്കാനാവാത്ത നേട്ടമാണെന്ന് സന്തോഷ് ട്രോഫി താരം കെ.പി രാഹുല്‍.
കാസര്‍കോട് പ്രസ്‌ക്ലബ്ബ് നല്‍കിയ സ്വീകരണത്തിലാണ് ഇരുവരും മനസ്സ് തുറന്നത്. കേരള ഫുട്‌ബോളിനെ നിയന്ത്രിക്കുന്ന ഒരു ശക്തിയാണ് ഇത്തവണ സന്തോഷ് ട്രോഫിയില്‍ കാസര്‍കോട്ട് നിന്നുള്ള കൂടുതല്‍ താരങ്ങള്‍ക്കുള്ള അവസരം നഷ്ടപ്പെടുത്തിയത്. സംസ്ഥാന സീനിയര്‍ ഫുട്‌ബോള്‍ ചാമ്പ്യന്‍പട്ടം നേടിയ ജില്ല എന്ന നിലയില്‍ കാസര്‍കോട്ടെ ഏഴുപേര്‍ സന്തോഷ് ട്രോഫി സെലക്ഷന്‍ ക്യാമ്പിനുണ്ടായിരുന്നുവെന്നു. ഇതില്‍ കുറഞ്ഞത് മൂന്നോ നാലോ പേര്‍ക്ക് സന്തോഷ് ട്രോഫിയില്‍ കളിക്കാന്‍ അവസരം ലഭിക്കേണ്ടതായിരുന്നു. എന്നാല്‍ ഒരുതരം അവഗണന കാസര്‍കോട്ടെ താരങ്ങളോടുണ്ടായി. എന്നാല്‍ ഈ അവഗണനയില്‍ കേരള ഫുട്‌ബോള്‍ അസോസിയേഷന് ഒരു ബന്ധവുമില്ലെന്നും ആസിഫ് കൂട്ടിച്ചേര്‍ത്തു.
14 വര്‍ഷങ്ങള്‍ക്ക് ശേഷം കിരീടം നേടിയ കേരള ടീമില്‍ കളിക്കാനും അഞ്ച് ഗോളുകള്‍ നേടാനും കഴിഞ്ഞത് വലിയ ഭാഗ്യമായി കരുതുന്നുവെന്നും ഇന്ത്യന്‍ ടീമില്‍ കളിക്കുക എന്നതാണ് തന്റെ ലക്ഷ്യമെന്നും അതിന് വേണ്ടിയുള്ള കഠിന പ്രയത്‌നത്തിലാണെന്നും കെ.പി രാഹുല്‍ പറഞ്ഞു.
ജില്ലാ പഞ്ചായത്ത് പ്രസിഡണ്ട് എ.ജി.സി ബഷീര്‍ അനുമോദന പരിപാടി ഉദ്ഘാടനം ചെയ്തു. പ്രസ്‌ക്ലബ്ബ് പ്രസിഡണ്ട് ടി.എ ഷാഫി അധ്യക്ഷത വഹിച്ചു. പി. സുരേഷന്‍, സണ്ണി ജോസഫ്, മുഹമ്മദ് ഹാഷിം, ഷാഫി തെരുവത്ത്, ഷുക്കൂര്‍ കോളിക്കര പ്രസംഗിച്ചു. കെ.വി പത്മേഷ് സ്വാഗതവും ഷൈജു പിലാത്തറ നന്ദിയും പറഞ്ഞു.



Recent News
  'കുട്ടികളില്‍ ക്രിമിനല്‍ വാസനകള്‍ വളര്‍ത്തുന്ന ആപ്പുകള്‍ നിരോധിക്കണം'

  ചെര്‍ക്കളം അബ്ദുല്ല സ്മാരക അവാര്‍ഡ് സമ്മാനിച്ചു

  ഇതര സംസ്ഥാനക്കാരായ കുട്ടികളെ ഉപയോഗിച്ച് ബാലവേല വ്യാപകം; കടുത്ത നടപടികളുമായി അധികൃതര്‍

  'കുമ്പളയിലെ ഗതാഗതക്കുരുക്ക് പരിഹരിക്കണം'

  ഇല്ലാത്തവന്റെ വേദന അറിയുന്നവരുടെ കാരുണ്യം ബൈത്തുറഹ്മകളായി ഉയരുന്നു -റഷീദലി ശിഹാബ് തങ്ങള്‍

  പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ കണ്‍വെന്‍ഷന്‍ 12ന്

  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇഖ്‌വാന്‍സ് ഒരു ലക്ഷം രൂപ നല്‍കി

  അതിര്‍ത്തി ഗ്രാമങ്ങളില്‍ വ്യാജ ടാക്‌സികള്‍ വ്യാപകമാകുന്നതായി പരാതി

  മകന്റെ വിവാഹ ചടങ്ങിലെ ചെലവ് ചുരുക്കി മെട്രോ മുഹമ്മദ് ഹാജി ആറ് ലക്ഷം രൂപ നല്‍കി

  രവീന്ദ്രന്‍ രാവണേശ്വരത്തിന്റെ 'മഡെ മഡെ സ്‌നാന' പ്രകാശനം ചെയ്തു

  പ്രളയ ദുരിതബാധിതരെ സഹായിക്കാന്‍ കുമ്പളയിലെ ഓട്ടോ ഡ്രൈവര്‍മാരും

  രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് കാഞ്ഞങ്ങാട്ട് സ്വീകരണം

  നെല്ലിക്കുന്ന് അന്‍വാറുല്‍ ഉലൂം സ്‌കൂള്‍ വിദ്യാര്‍ത്ഥികള്‍ 40ക്വിന്റല്‍ അരി നല്‍കി

  ദുരിതാശ്വാസ ക്യാമ്പുകളില്‍ സഹായവുമായി കാസര്‍കോട് സ്വദേശികളും

  മാലിന്യം നിക്ഷേപിക്കപ്പെട്ടിരുന്ന ഇടം ഉദ്യാനമാക്കി ദീനാര്‍ ഐക്യവേദി