updated on:2019-02-03 06:16 PM
ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

www.utharadesam.com 2019-02-03 06:16 PM,
കാഞ്ഞങ്ങാട്: ജില്ലാ ആസ്പത്രിയില്‍ ദേശീയപാതയോരത്ത് പൊതു ശൗചാലയം. മിഡ്ടൗണ്‍ റോട്ടറിയാണ് ഒന്നേകാല്‍ ലക്ഷം രൂപ ചെലവില്‍ രണ്ടു മുറിയുള്ള ശൗചാലയം പണിതത്. ജില്ലയില്‍ ദേശീയപാതയോരത്തെ ആദ്യ പൊതു ശൗചാലയമെന്ന പ്രത്യേകതയുമുണ്ട്. സംസ്ഥാനത്ത് ഒന്നാം സ്ഥാനത്തോടെ കായകല്‍പം പുരസ്‌കാരം ജില്ലാ ആസ്പത്രിക്ക് ലഭിച്ചതില്‍ അനുബന്ധഘടകം കൂടിയാണ് ഈ ശൗചാലയമെന്ന് ജില്ലാ ആസ്പത്രി അധികൃതര്‍ പറഞ്ഞു.
സന്നദ്ധസംഘടനകളുടെ സഹകരണത്തോടെ ആസ്പത്രിയുമായി ബന്ധപ്പെട്ട അനുബന്ധ പ്രവൃത്തികള്‍ക്ക് കായകല്‍പം പുരസ്‌കാര നിര്‍ണയത്തിന് പ്രത്യേക പരിഗണനയുണ്ടായിരുന്നു.
ശൗചാലയം പണിയാനായി ജില്ലാ ആസ്പത്രി അധികൃതര്‍ മിഡ്ടൗണ്‍ റോട്ടറി ഭാരവാഹികളെ സമീപിച്ചപ്പോള്‍ റോട്ടറി പ്രവൃത്തി ഏറ്റെടുത്തത് ആസ്പത്രിക്ക് ഈ വിഭാഗത്തില്‍ മാര്‍ക്ക് നേടാന്‍ സഹായകമായി. ദേശീയപാതയില്‍ ആവശ്യത്തിനു പൊതുശൗചാലയങ്ങള്‍ ഇല്ലാത്തത് വലിയ അസൗകര്യമാണ് ഉണ്ടാക്കുന്നത്. സ്ത്രീയാത്രക്കാരാണ് കൂടുതല്‍ ദുരിതം അനുഭവിക്കുന്നത്. ഇതിനു പരിഹാരം കാണാന്‍ സര്‍ക്കാര്‍ തലത്തില്‍ പല പദ്ധതികളും ആവിഷ്‌കരിച്ചുവെങ്കിലും ഒന്നും നടപ്പായില്ല.
ജില്ലാ ആസ്പത്രി പരിസരത്ത് ശൗചാലയം വരുന്നത് യാത്രക്കാര്‍ക്ക് കുറച്ചെങ്കിലും ആശ്വാസമാവും. അടുത്ത് തന്നെ ശൗചാലയം പൊതുജനങ്ങള്‍ക്ക് തുറന്നു കൊടുക്കുമെന്ന് ജില്ലാ ആസ്പത്രി സൂപ്രണ്ട് ഡോ.എസ്.സ്റ്റാന്‍ലി, ആര്‍.എം.ഒ ഡോ.റിജിത് കൃഷ്ണന്‍, മിഡ്ടൗണ്‍ റോട്ടറി പ്രസിഡണ്ട് ബി.മുകുന്ദ് പ്രഭു, സെക്രട്ടറി എം.ശിവദാസ്, ട്രഷറര്‍ എ.രാജീവന്‍ എന്നിവര്‍ അറിയിച്ചു.



Recent News
  പ്രതിസന്ധി തറികളുടെ താളം തെറ്റിച്ചപ്പോള്‍ തൊഴില്‍ നഷ്ടപ്പെട്ട രാമസ്വാമിക്ക് ഇപ്പോള്‍ വര്‍ണ്ണപൂക്കള്‍ കൂട്ട്

  എന്‍ഡോസള്‍ഫാന്‍: താന്‍ എന്നും ദുരിതബാധിതര്‍ക്കൊപ്പം: പ്രസ്താവന വളച്ചൊടിച്ച് മുതലെടുപ്പിന് ശ്രമം -ജില്ലാ കലക്ടര്‍

  കൊറഗ വിഭാഗത്തിലെ ആദ്യ എം.ഫില്‍കാരി ബീഡി തെറുക്കുകയാണ്

  കാസര്‍കോടിന്റെ പൊരിവെയിലത്ത് കുറേ നാള്‍ എം.ജെ രാധാകൃഷ്ണന്‍ ഉണ്ടായിരുന്നു

  ചേരിപ്പാടി സ്‌കൂളിലേക്ക് സ്‌നേഹ സമ്മാനവുമായി ജര്‍മ്മന്‍ ദമ്പതികളെത്തി

  കുക്കു എന്ന് വിളിക്കുമ്പോള്‍ പറന്നുവന്ന് ബഷീറിന്റെ കൈകളിലിരിക്കും ഈ കറുത്ത കുയില്‍

  ദേശീയപാതയോരങ്ങളില്‍ വ്യാപകമായി മാലിന്യം തള്ളുന്നു; അധികാരികള്‍ മൗനത്തില്‍

  ഒടുവില്‍ നഗരസഭ കനിഞ്ഞു; കെ.പി.ആര്‍.റാവു റോഡിന് ശാപമോക്ഷമാവുന്നു

  രണ്ടുപതിറ്റാണ്ടോളമായി കാത്തിരിപ്പ്; മൊഗ്രാല്‍ കാടിയംകുളം കുടിവെള്ള പദ്ധതി യാഥാര്‍ത്ഥ്യമായില്ല

  ബേക്കല്‍ ജംഗ്ഷനില്‍ വെള്ളം കെട്ടികിടക്കുന്നത് ദുരിതമാകുന്നു

  ബഷീര്‍ നിറഞ്ഞ് ഇമ്മിണി ബല്യ രണ്ട് ക്ലാസ് മുറികള്‍

  മഴപ്പൊലിമ നാടിന്റെ ഉത്സവമായി

  സന്ധ്യമയങ്ങിയാല്‍ കെ.എസ്.ആര്‍.ടി.സി. ബസുകള്‍ കുമ്പള സ്റ്റാന്റില്‍ കയറുന്നില്ല; യാത്രക്കാര്‍ വലയുന്നു

  മാലിന്യപ്രശ്‌നം: ചെര്‍ക്കള ടൗണ്‍ കന്നുകാലികളും തെരുവ് നായ്ക്കളും കയ്യടക്കി

  മഴ കുറയുന്നു; പുതച്ചുറങ്ങാന്‍ ആര്‍ക്കും കമ്പിളി വേണ്ട