updated on:2018-09-08 06:23 PM
സൈക്കിളില്‍ ഐസ് വില്‍പനയുമായി സൂര്യ അരനൂറ്റാണ്ടിലേക്ക്

www.utharadesam.com 2018-09-08 06:23 PM,
കാസര്‍കോട്: ഐസേ... പാല്‍പ്പറോട്ട് (പാല്‍ ഐസ്) ഈ വിളി കേള്‍ക്കാത്തവര്‍ വിരളം. നഗരത്തില്‍, നാട്ടിന്‍ പുറങ്ങളില്‍, സ്‌കൂളിന്റെ പരിസരത്തൊക്കെ ഈ വിളി അന്നത്തെ പോലെ ഇന്നും മുഴങ്ങുന്നു. ഇത് സൂര്യ. പ്രായം 58ലെത്തി. വീട്ടിലെ ദാരിദ്ര്യം മൂലം ഒമ്പതാം വയസില്‍ തുടങ്ങിയതാണ് സൈക്കിളില്‍ ഐസ് വില്‍പന. അത് ഇന്നും മുടങ്ങാതെ, മുടക്കാതെ തുടരുന്നു. പഴയ സൈക്കിളില്‍ മുന്നില്‍ ഒരു മണി തൂക്കി, പിന്നില്‍ വലിയ പെട്ടിയില്‍ അകത്ത് നിറയെ ഐസ്, വിവിധ തരം നിറങ്ങളില്‍, രുചികളില്‍. തളങ്കര മുസ്ലിം ഹൈസ്‌ക്കുളിന് പുറത്തായിരുന്നു സൂര്യയുടെ ഐസ് വില്‍പനയുടെ തുടക്കം. അന്ന് തളങ്കരയില്‍ നിന്നും ടൗണില്‍ നിന്നും ഐസുകള്‍ വാങ്ങി പെട്ടിയില്‍ നിറച്ച് സ്‌കൂളിന് മുന്നില്‍ എത്തും. അന്ന് പിടിയുള്ള ഐസിന്റെ വില വെറും പത്ത് പൈസയായിരുന്നു. 15 പൈസ കൊടുത്താല്‍ പാല്‍ ഐസ് കിട്ടും. അന്ന് നൂറ് രൂപ കൊടുത്ത് തളങ്കരയില്‍ നിന്നും ഒരാളോട് സൈക്കിള്‍ വാങ്ങുകയായിരുന്നു. ജീവിതത്തില്‍ ഒപ്പം നിന്ന ആ സൈക്കിള്‍ ഉപേക്ഷിക്കാന്‍ സൂര്യയ്ക്ക് മനസ്സ് വന്നില്ല. റിപ്പയര്‍ ചെയ്ത് ഇപ്പോഴും അതേ സൈക്കിളില്‍ തന്നെയാണ് വില്‍പന.
മറ്റ് തൊഴിലൊന്നും അറിയാത്തതിനാല്‍ ഈ ജോലി ചെയ്താണ് ഭാര്യയേയും കോളേജ് വിദ്യാര്‍ത്ഥിനിയായ ഏക മകളേയും പോറ്റുന്നത്. ചെറുപ്പത്തില്‍ തന്നെ ദാരിദ്ര്യത്തിന്റെ കൈപ്പറിഞ്ഞ സൂര്യയ്ക്ക് നിരാശയില്ല, കാരണം ഞാന്‍ വില്‍ക്കുന്നത് മധുരമാണ്-ചിരിയോടെ സൂര്യ പറയുന്നു.
തലമുറകള്‍ക്ക് തന്റെ പെട്ടിയില്‍ നിന്ന് രുചിയുള്ള ഐസ് നല്‍കിയ കാസര്‍കോട് കൊറക്കോട് സ്വദേശിയായ സൂര്യയ്ക്ക് ജീവിത പ്രാരാബ്ധങ്ങളും പ്രായവും ബുദ്ധിമുട്ടിക്കുന്നുണ്ടെങ്കിലും ആരോഗ്യം അനുവദിക്കുന്നത് വരെ ഈ സൈക്കിളില്‍ തന്നെ ഐസ് വില്‍പന നടത്താന്‍ കഴിഞ്ഞാല്‍ മതിയെന്ന ആഗ്രഹമേയുള്ളൂ.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം