updated on:2018-07-13 02:03 PM
അവശേഷിച്ച ആനൂകൂല്യവും നിര്‍ത്തലാക്കുന്നു; സീമെന്‍സിന്റെ ജീവിതം ദുരിതക്കടലില്‍

www.utharadesam.com 2018-07-13 02:03 PM,
കാസര്‍കോട്: അവശേഷിച്ച ആനുകൂല്യവും നിര്‍ത്തലാക്കി അധികാരികള്‍ സീമെന്‍സിനെ ദുരിതക്കടലിലേക്ക് തള്ളിയിടുന്നു. മിമ പ്രകാരമുള്ള ആനൂകൂല്യങ്ങളാണ് നിര്‍ത്തലാക്കുന്നത്. മറ്റ് യാതൊരു തരത്തിലുള്ള ആനൂകൂല്യങ്ങളും ഈ വിഭാഗത്തിന് സര്‍ക്കാരില്‍ നിന്ന് ലഭിക്കുന്നില്ല. മറ്റുള്ള പ്രവാസികളില്‍ നിന്ന് വ്യത്യസ്തമായി രാജ്യത്ത് ചരക്ക് ഗതാഗതം, എല്‍.പി.ജി., അസംസ്‌കൃത എണ്ണ, വിദേശ നാണ്യം എന്നീ മേഖലകളില്‍ സീമെന്‍സ് സ്തുത്യര്‍ഹമായ സേവനമാണ് നിര്‍വ്വഹിക്കുന്നത്.
മിമ നിര്‍ത്തലാക്കിയതിനെതിരെ ശക്തമായ സമരപരിപാടികള്‍ സംഘടിപ്പിക്കുമെന്നും കോടതിയെ സമീപിക്കുമെന്നും ഓള്‍ കേരള സീമെന്‍സ് അസോസിയേഷന്‍ മുന്നറിയിപ്പ് നല്‍കി. സീമെന്‍സ് ജോലിയില്‍ നിന്നും വിരമിച്ചവര്‍ക്ക് 60 വയസ്സിന് ശേഷം നല്‍കുന്ന ആനുകൂല്യമാണ് മിമ. ഇതാണ് നിര്‍ത്തലാക്കാന്‍ പോകുന്നത്. 500 കോടിയിലധികം നിക്ഷേപമുള്ള എസ്.ഡബ്‌ള്യു.എഫ്.എസ്. ഇതിനുവേണ്ടി വെറും 3 കോടി രൂപമാത്രം ചിലവാക്കുന്നതില്‍ ദുരൂഹതയുണ്ടെന്ന് അസോസിയേഷന്‍ ആരോപിച്ചു. മുംബൈയിലുള്ള മലയാളി മര്‍ച്ചന്റ്‌സ് നേവി അസോസിയേഷന്‍ എ.കെ.എസ്.എ.യുമായി ലയിപ്പിക്കാമെന്ന കരാര്‍ ലംഘനം അതീവഗൗരവമേറിയതാണ്. ഇതിന്റെ സാമ്പത്തിക തിരിമറി സര്‍ക്കാര്‍ അന്വേഷിക്കണം. എന്‍.യു.എസ്.ഐ. എന്ന മുംബൈ യൂണിയന്‍ കോട്ടിക്കുളം ക്ലബ്ബുമായി കൂടിച്ചേര്‍ന്ന് കൈകൊള്ളുന്ന തീരുമാനങ്ങള്‍ പ്രതിഷേധാര്‍ഹമാണെന്ന് അസോസിയേഷന്‍ കുറ്റപ്പെടുത്തി. ഇന്നലെ ഉപ്പളയില്‍ നടന്ന സീമെന്‍സ്മാരുടെ സമ്മേളനത്തില്‍ പ്രക്ഷോഭത്തിന് തീരുമാനമെടുത്തു. രാജ്യത്തുടനീളം എല്ലാ തുറമുഖനഗരങ്ങളിലും പ്രക്ഷോഭം സംഘടിപ്പിക്കും. ഇന്ന് രാവിലെ മുതല്‍ ഗോവയില്‍ സീമെന്‍സ്മാര്‍ ധര്‍ണ്ണയിലാണ്.



Recent News
  വൃദ്ധ ദമ്പതികളെ പുറത്താക്കി വീട് ജപ്തിചെയ്തു; ജോര്‍ജ്ജ് ഒരു രാത്രി കഴിച്ചുകൂട്ടിയത് വീട്ടുമുറ്റത്ത്

  കെ.എസ്.ടി.പി. റോഡരികില്‍ സൂര്യകാന്തി വിരിഞ്ഞു; നാട്ടുകാര്‍ക്ക് കൗതുകം

  ആക്ഷേപഹാസ്യത്തിന്റെ മേമ്പൊടികളുമായി ടി.കെ പ്രഭാകരന്റെ കാര്‍ട്ടൂണുകള്‍ പ്രദര്‍ശിപ്പിച്ചു

  അധികൃതര്‍ തിരിഞ്ഞുനോക്കുന്നില്ല; പ്രദേശത്തേക്ക് വഴിയൊരുക്കാന്‍ നാട്ടുകാര്‍ തന്നെ രംഗത്ത്

  ദേശീയപാതയോരത്ത് പൊതു ശൗചാലയം ഒരുക്കി മിഡ് ടൗണ്‍ റോട്ടറി

  ആരും തിരിഞ്ഞു നോക്കുന്നില്ല; ചികിത്സക്ക് പോലും നിവൃത്തിയില്ലാതെ മരച്ചുവട്ടില്‍ വയോധികന്റെ അന്തിയുറക്കം

  മെഗാ മോഹിനിയാട്ടവുമായി നിഷിത നാരായണന്‍

  വൃക്കരോഗികള്‍ക്ക് തണലേകാന്‍ അതിജീവനം ചാരിറ്റബിള്‍ സൊസൈറ്റി

  കാസര്‍കോട് നഗരത്തില്‍ അനധികൃത മണ്ണ് കടത്ത് സജീവം

  ദീര്‍ഘവീക്ഷണമില്ലാതെ പദ്ധതി നടപ്പാക്കല്‍; നശിക്കുന്നത് ലക്ഷങ്ങളുടെ ഉപകരണങ്ങള്‍

  ലോക്‌സഭാ തിരഞ്ഞെടുപ്പില്‍ ശബരിമല വിഷയം പ്രചാരണത്തില്‍ നിറഞ്ഞുനില്‍ക്കും

  റെയില്‍വെ സ്റ്റേഷന്‍ റോഡിന് ഇരുവശത്തും അനധികൃത പാര്‍ക്കിംഗ്

  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം