updated on:2018-06-13 06:17 PM
തകര്‍ന്നുവീഴുന്നതില്‍ ഏറെയും കാലപ്പഴക്കമുള്ളതും ദ്രവിച്ചതുമായ വെദ്യുതി പോസ്റ്റുകള്‍

www.utharadesam.com 2018-06-13 06:17 PM,
കാസര്‍കോട്: ശക്തമായ കാറ്റിലും മഴയിലും ജില്ലയിലെ വിവിധ ഭാഗങ്ങളില്‍ തകര്‍ന്നു വീഴുന്ന വൈദ്യുതി പോസ്റ്റുകളില്‍ ഭൂരിഭാഗവും ദ്രവിച്ചതും കാലപ്പഴക്കം സംഭവിച്ചതും. അപകടാവസ്ഥയിലുള്ള ഇലക്ട്രിക് പോസ്റ്റുകള്‍ മാറ്റിയിടണമെന്ന വിവിധ പ്രദേശങ്ങളിലെ ആളുകളുടെ ആവശ്യം ബന്ധപ്പെട്ടവര്‍ അവഗണിക്കുകയായിരുന്നു. കാസര്‍കോട്, കുമ്പള, മഞ്ചേശ്വരം, ബദിയടുക്ക, കാഞ്ഞങ്ങാട്, നീലേശ്വരം, ചെറുവത്തൂര്‍, തൃക്കരിപ്പൂര്‍, ചീമേനി, വെള്ളരിക്കുണ്ട്, രാജപുരം, ചിറ്റാരിക്കാല്‍ തുടങ്ങിയ ഭാഗങ്ങളിലൊക്കെയും നിരവധി വൈദ്യുതി പോസ്റ്റുകളാണ് നിലം പതിച്ചത്. ഇതോടൊപ്പം വൈദ്യുതി കമ്പികളും വീണു കിടക്കുന്നു. കാറ്റില്‍ മരച്ചില്ലകള്‍ വീണും പലയിടങ്ങളിലും വൈദ്യുതി കമ്പികള്‍ പൊട്ടിയിട്ടുണ്ട്. വൈദ്യുതി തൂണുകളും കമ്പികളും റോഡിലേക്ക് വീഴുന്നത് അപകട സാധ്യത വര്‍ധിപ്പിക്കുകയാണ്. വാഹന ഗതാഗതവും കാല്‍നടയാത്രയും ഇക്കാരണത്താല്‍ ഭീഷണിയിലാണ്. വൈദ്യുതി തൂണുകള്‍ ദ്രവിച്ച നിലയില്‍ ഇപ്പോഴും തുടരുന്നതിനാല്‍ പൊതു ജനങ്ങളുടെ ജീവന്‍ അപകടത്തിലാകുന്ന സ്ഥിതിയാണുള്ളത്. ഭീമനടി നല്ലോമ്പുഴ കെ.എസ്.ഇ.ബി. സബ്ഡിവിഷന് കീഴില്‍ മാത്രം66 ഇലക്ട്രിക് പോസ്റ്റുകളാണ് തകര്‍ന്നു വീണത്. വൈദ്യുതി വിതരണം ഇതോടെ താറുമാണാണ്. അപകടാവസ്ഥയിലുള്ള പോസ്റ്റുകള്‍ മാറ്റി സ്ഥാപിക്കാന്‍ ബന്ധപ്പെട്ടവര്‍ നടപടിയെടുക്കാതിരുന്നതാണ് ഇത്തരമൊരു അവസ്ഥക്ക് കാരണം. തകര്‍ന്നു വീണ വൈദ്യുതി തൂണുകളും പൊട്ടി വീണ കമ്പികളും യഥാസമയം മാറ്റുന്നതില്‍ വരുന്ന കാലതാമസവും ജനങ്ങളുടെ പ്രതിഷേധത്തിന് കാരണമാകുന്നു. കെ.എസ്.ഇ.ബി. ഓഫീസുകളില്‍ ആവശ്യത്തിന് ജീവനക്കാരില്ലാത്തത് അറ്റകുറ്റപ്പണികള്‍ വേഗത്തില്‍ നടത്തുന്നതിന് തടസ്സമാവുകയാണ്. സ്ഥിരം ജീവനക്കാരെയും കരാര്‍ ജീവനക്കാരെയും ഉപയോഗിച്ച് വൈദ്യുതി ബന്ധം പുനസ്ഥാപിക്കാനുള്ള നടപടികള്‍ തുടരുകയാണെന്നാണ് കെ.എസ്.ഇ.ബി. അധികൃതര്‍ പറയുന്നത്.



Recent News
  എ.എസ്.ഐയെ അക്രമിച്ച കേസിലെ പ്രതികളെ അറസ്റ്റ് ചെയ്യാത്തതില്‍ പൊലീസുകാര്‍ക്കിടയില്‍ മുറുമുറുപ്പ്

  വിപ്ലവ വീര്യത്തിന്റെ മണ്ണിന് ലെനിന്‍ രാജേന്ദ്രനെ മറക്കാനാവില്ല

  പണവുമായി കരാറുകാരന്‍ സ്ഥലംവിട്ടു; ഭക്ഷണവും വെള്ളവുമില്ലാതെ തൊഴിലാളി അലഞ്ഞത് അഞ്ചുദിവസം

  ബദിയടുക്കയില്‍ അഗ്നിശമന യൂണിറ്റിന് നീക്കിവെച്ച സ്ഥലം അങ്ങനെത്തന്നെയുണ്ട്

  പ്രതി നയിച്ചിരുന്നത് ആര്‍ഭാട ജീവിതം

  ശുചിത്വ ബോധവല്‍ക്കരണവുമായി മാട്ടവയല്‍ കലാനിലയത്തിന്റെ യക്ഷഗാനം

  നഗരത്തിലെ ഓവുചാലുകളുടെ സ്ലാബുകള്‍ തകര്‍ന്നു; കാല്‍ നടയാത്രക്കാര്‍ക്ക് ഭീഷണി

  ഓര്‍മ്മകളില്‍ എം.എല്‍.എ; അവര്‍ക്കിനി സ്‌കൂള്‍ ബസില്‍ യാത്ര

  ഒരു കാല്‍ നഷ്ടമായ അബ്ദുല്‍റഹ്മാന്‍ ഉദാരമതികളുടെ കനിവ് തേടുന്നു

  കുമ്പളയില്‍ ആരോഗ്യ വകുപ്പ് അധികൃതരുടെ വക കൊതുക് വളര്‍ത്തല്‍ കേന്ദ്രം

  പാലങ്ങള്‍ അപകടാവസ്ഥയില്‍; യാത്ര ഭീതിയോടെ

  നിരാലംബരായ അമ്മമാരുടെ കണ്ണീരൊപ്പാന്‍ കനിവിന്റെ ദാഹജലവുമായി പൊലീസ്

  ചെര്‍ക്കളയിലെ പുതിയ ട്രാഫിക് സര്‍ക്കിള്‍ നിര്‍മ്മാണം അനിശ്ചിതത്വത്തില്‍

  ദിവസ വേതനക്കാരെ പിരിച്ചുവിടല്‍: ജില്ലയില്‍ 50 കെ.എസ്.ആര്‍.ടി.സി സര്‍വ്വീസുകള്‍ മുടങ്ങി

  വീട്ടില്‍ നിന്ന് കൃഷിയിടത്തിലേക്കുള്ള യാത്ര തുരങ്കത്തിലൂടെ; നാരായണ ഭട്ട് കൗതുകമാവുന്നു