updated on:2018-06-11 06:40 PM
ഡെങ്കിപ്പനിക്ക് മുന്നില്‍ പകച്ച് ആരോഗ്യവകുപ്പ്; ജില്ലയിലെ ആസ്പത്രികള്‍ പനിബാധിതരെകൊണ്ട് നിറഞ്ഞു

www.utharadesam.com 2018-06-11 06:40 PM,
കാസര്‍കോട്: കാല വര്‍ഷ കെടുതികള്‍ക്കുപുറമെ ഡെങ്കിപ്പനി അടക്കമുള്ള പകര്‍ച്ചവ്യാധികളും വ്യാപകമായതോടെ ജനജീവിതം കടുത്ത ദുരിതത്തില്‍.
കാസര്‍കോട് ജില്ലയിലെ നഗരപ്രദേശങ്ങളിലും തീരദേശങ്ങളിലും പനിബാധിതരുടെ എണ്ണം ദിനം പ്രതി പെരുകുകയാണ്. ജൂണ്‍ ഒന്നു മുതല്‍ ഇന്നേ ദിവസംവരെയുള്ള കണക്കെടുത്താല്‍ ഏഴായിരത്തോളം പേര്‍ക്ക് പനിബാധിച്ചതായാണ് വിവരം. അറുന്നൂറോളം പേര്‍ ഡെങ്കിപ്പനി ബാധിച്ചു സര്‍ക്കാര്‍ ആസ്പത്രികളിലും സ്വകാര്യ ആസ്പത്രികളിലുമായി ചികിത്സയില്‍ കഴിയുകയാണ്. പനിബാധിതരെകൊണ്ട് കാഞ്ഞങ്ങാട്ടെ ജില്ലാ ആസ്പത്രിയും കാസര്‍കോട് ജനറല്‍ ആസ്പത്രിയും അടക്കമുള്ള സര്‍ക്കാര്‍ ആസ്പത്രികളും പ്രാഥമികാരോഗ്യ കേന്ദ്രങ്ങളും നിറഞ്ഞിരിക്കുന്നു. ഇത് കാരണം പനിബാധിതര്‍ക്ക് ചികിത്സയില്‍ കഴിയാന്‍ അവശ്യമായ കിടക്കകള്‍ ഇല്ലാത്ത സാഹചര്യമുണ്ടായിട്ടുണ്ട്. ഒരേ കിടക്കയില്‍ തന്നെ തിങ്ങി ഞെരുങ്ങി കിടക്കേണ്ട ഗതികേടിലാണ് രോഗികള്‍. സര്‍ക്കാര്‍ ആസ്പത്രികളില്‍ അവശ്യമായ ഡോക്ടര്‍മാരുടെയും ജീവനക്കാരുടെയും സേവനം ലഭ്യമാകുന്നില്ലെന്ന പരാതിയും ഇതിനിടയില്‍ നിലനില്‍ക്കുന്നുണ്ട്. ഡെങ്കിപ്പനിയെ പ്രതിരോധിക്കാന്‍ ആരോഗ്യ വകുപ്പ് കൈകൊള്ളുന്ന നടപടികള്‍ പൂര്‍ണ്ണ ഫലത്തില്‍ എത്തുന്നില്ല. കോടോം-ബേളൂര്‍, വെസ്റ്റ് എളേരി പഞ്ചായത്തുകളിലൊക്കെയും പനിബാധിച്ചു ആസ്പത്രികളിലാകുന്നവരുടെ എണ്ണം കൂടുതലാണ്. മാലോം, ദര്‍ഘാസ്, കാര്യോട്ടുചാല്‍, കണ്ണീര്‍വാടി എന്നിവിടങ്ങളില്‍ ഡെങ്കിപ്പനി ബാധിച്ചവര്‍ ഏറെയുണ്ട്. വെള്ളരിക്കുണ്ട് പ്രാഥമികാരോഗ്യ കേന്ദ്രത്തില്‍ ഇന്നലെ ചികിത്സ തേടിയെത്തിയവരില്‍ ഭൂരിഭാഗവും ഡെങ്കിപ്പനി ബാധിതരാണ്.
കോടോം-ബേളൂര്‍ പഞ്ചായത്തിലെ പത്താം വാര്‍ഡില്‍ ഡെങ്കിപ്പനി പ്രവര്‍ത്തനങ്ങള്‍ ആരോഗ്യ വകുപ്പ് തുടരുന്നുണ്ടെങ്കിലും പനി നിയന്ത്രണവിധേയമായിട്ടില്ല.



Recent News
  മംഗലാപുരം വിമാന ദുരന്തത്തിന് ഒമ്പതാണ്ട്; കണ്ണീരുണങ്ങാതെ നിരവധി കുടുംബങ്ങള്‍

  പൂമ്പാറ്റക്കൂട്ടം ഉണര്‍ത്തു ക്യാമ്പ് നവ്യാനുഭവമായി

  സര്‍ക്കാര്‍ ഭൂമിക്ക് കാത്തുനില്‍ക്കാതെ മുഹമ്മദലി യാത്രയായി

  കാഞ്ഞങ്ങാട് സംയുക്ത മുസ്‌ലിം ജമാഅത്തിന് എം.എ.യൂസഫലിയുടെ കാരുണ്യം

  വര്‍ഗീയ കൊലപാതക കേസുകളിലെ പ്രതികള്‍ നിയമത്തിന്റെ പഴുതില്‍ രക്ഷപ്പെടുന്നു

  മുള്ളേരിയയില്‍ ബസ് കാത്തിരിപ്പ് കേന്ദ്രമില്ല; യാത്രക്കാര്‍ ദുരിതത്തില്‍

  പൂവ് ചോദിച്ചപ്പോള്‍ പൂന്തോട്ടം ലഭിച്ചു; ആനന്ദ നിര്‍വൃതിയില്‍ ദയാബായി

  പ്ലാസ്റ്റിക് കവറുകളിലാക്കിയ മാലിന്യങ്ങള്‍ നീക്കം ചെയ്യാതെ പാതയോരങ്ങളില്‍ അതേപടി

  തീവ്ര ശുചീകരണ യത്‌നം: ചെറുവത്തൂരിലെ അഞ്ച് കുളങ്ങള്‍ക്ക് പുനര്‍ജന്മം

  കൊടുംചൂടില്‍ തെങ്ങുകളും കവുങ്ങുകളും കരിഞ്ഞുണങ്ങുന്നു

  ബി.ആര്‍.ഡി.സി പദ്ധതിപ്രകാരമുള്ള ജലവിതരണം നിര്‍ത്തി; ദുരിതത്തിലായത് ആയിരക്കണക്കിന് കുടുംബങ്ങള്‍

  പാതയോരങ്ങളില്‍ നശിക്കുന്നത് ലക്ഷങ്ങള്‍ വിലമതിക്കുന്ന മരത്തടികള്‍; അധികൃതര്‍ക്ക് മൗനം

  കുഴല്‍ കിണറായി; ജനറല്‍ ആസ്പത്രിയില്‍ കുടിവെള്ള ക്ഷാമത്തിന് പരിഹാരമാവുന്നു

  കാഞ്ഞങ്ങാട്-പാണത്തൂര്‍ സംസ്ഥാന പാതയില്‍ ഇരിയ അപകട കേന്ദ്രമാകുന്നു

  ചെക്ക് പോസ്റ്റുകള്‍ നാല്; പരിശോധന കാര്യക്ഷമമല്ല