updated on:2019-06-09 06:59 PM
തൃക്കരിപ്പൂരിലെ കവര്‍ച്ചക്കേസ് പ്രതിയെ തെളിവെടുപ്പിന് കാസര്‍കോട്ട് കൊണ്ടുവന്നു; 17 പവന്‍ സ്വര്‍ണം കണ്ടെടുത്തു

www.utharadesam.com 2019-06-09 06:59 PM,
കാസര്‍കോട്: തൃക്കരിപ്പൂരില്‍ നിന്ന് സ്വര്‍ണവും പണവും കവര്‍ന്ന കേസിലെ പ്രതിയെ പൊലീസ് തെളിവെടുപ്പിനായി കാസര്‍കോട്ടേക്ക് കൊണ്ടുവന്നു. ബീരിച്ചേരി ജി.എല്‍.പി സ്‌കൂളിന് സമീപം മേനോക്ക് റോഡിലെ തുരുത്തിക്കാരന്‍ എം. ഷാഹുല്‍ ഹമീദ് ഹാജിയുടെ വീട്ടില്‍ നിന്നും കവര്‍ന്ന 22 പവന്‍ സ്വര്‍ണാഭരണങ്ങള്‍ കവര്‍ന്ന കേസില്‍ പ്രതിയായ ബീരിച്ചേരിയിലെ എന്‍.പി മുഹമ്മദ് ഫര്‍സാനെയാണ് തെളിവെടുപ്പിന് കൊണ്ടുവന്നത്.
പ്രതിയുടെ സഹായത്തോടെ 17 പവന്‍ സ്വര്‍ണം കാസര്‍കോട്ടുനിന്ന് പൊലീസ് കണ്ടെടുത്തു. ഹമീദ് ഹാജിയുടെ വീട്ടില്‍ നിന്ന് 22 പവന്‍ സ്വര്‍ണവും 25,000 രൂപയുമാണ് കവര്‍ച്ച ചെയ്യപ്പെട്ടത്.
ഫര്‍സാന്‍ കാസര്‍കോട്ടെ ഒരു ജ്വല്ലറി ജീവനക്കാരന് വിറ്റ 17 പവന്‍ സ്വര്‍ണമാണ് കണ്ടെടുത്തത്. പ്രതിയെ പൊലീസ് കോടതിയില്‍ നിന്നും കസ്റ്റഡിയില്‍ വാങ്ങി ചോദ്യം ചെയ്തതോടെ സ്വര്‍ണം എവിടെ വില്‍പ്പന നടത്തിയെന്നതുസംബന്ധിച്ച് വിവരം ലഭിക്കുകയായിരുന്നു. ബാക്കി സ്വര്‍ണവും പണവും കണ്ടെത്താന്‍ അന്വേഷണം ഊര്‍ജിതമാക്കിയിട്ടുണ്ട്. ഷാഹുല്‍ ഹമീദ് ഹാജിയും ഭാര്യ എന്‍.പി കുഞ്ഞാമിനയും മാത്രമാണ് വീട്ടില്‍ താമസം. കിടപ്പു മുറിയോടു ചേര്‍ന്നു പ്രത്യേകം അറയില്‍ സൂക്ഷിച്ച 22 പവന്‍ സ്വര്‍ണാഭരണങ്ങളും മറ്റൊരു മുറിയിലെ അലമാരയില്‍ നിന്നു 25,000 രൂപയുമാണ് കവര്‍ന്നത്. ബന്ധുവായ മുഹമ്മദ് ഫര്‍സാന്‍ ഈ വീടുമായി ബന്ധം സ്ഥാപിച്ചിരുന്നതായി പൊലീസിന് വിവരം ലഭിച്ചിരുന്നു. ഇയാളുടെ നീക്കങ്ങള്‍ നിരീക്ഷിച്ചതോടെയാണ് പ്രതി ആരാണെന്നതുസംബന്ധിച്ച് പൊലീസിന് വ്യക്തമായ സൂചന ലഭിച്ചത്.
സ്വര്‍ണം കവര്‍ന്നത് എപ്പോഴാണെന്നതിനെക്കുറിച്ചു വീട്ടുകാര്‍ക്ക് ധാരണയുണ്ടായിരുന്നില്ല. പണത്തിന്റെ ആവശ്യത്തിനായി അലമാര തുറന്നപ്പോള്‍ കാണാതിരുന്നതിനെ തുടര്‍ന്ന് സ്വര്‍ണം സൂക്ഷിച്ച പ്രത്യേക അറ കൂടി പരിശോധിച്ചപ്പോഴാണ് ആഭരണങ്ങള്‍ മോഷണം പോയെന്ന് വ്യക്തമായത്.



Recent News
  കാഞ്ഞങ്ങാട്ട് വീണ്ടും കവര്‍ച്ച; നിര്‍ത്തിയിട്ട ഓട്ടോയില്‍ നിന്ന് ഡ്രൈവറുടെ സീറ്റ് പൊളിച്ചെടുത്തു കൊണ്ടുപോയി

  ദിനേശ് മഠപ്പുര അന്തരിച്ചു

  കൊട്ട്യാടിയില്‍ ബസും ഓട്ടോയും കൂട്ടിയിടിച്ച് ഒരു കുടുംബത്തിലെ നാലു പേര്‍ക്ക് പരിക്ക്

  ബുള്ളറ്റിലെത്തിയ സംഘത്തിന്റെ കല്ലേറില്‍ കെ.എസ്.ആര്‍.ടി.സി ബസിന്റെ ഗ്ലാസ് തകര്‍ന്നു

  തുരങ്കത്തില്‍ കുരുങ്ങിയ പോത്തിനെ ഫയര്‍ഫോഴ്‌സ് സംഘം സാഹസികമായി രക്ഷപ്പെടുത്തി

  കാതുകളിലൂടെ പരന്നൊഴുകി തീവണ്ടിപ്പാട്ടുകൂട്ട്

  വലയില്‍ കുടുങ്ങി മരണത്തോടടുത്ത കടലാമയ്ക്ക് യുവാക്കള്‍ നല്‍കിയത് പുതുജീവന്‍

  വര്‍ഗീയത തുടച്ചുമാറ്റാന്‍ സാംസ്‌കാരികാവബോധത്തിന് ഊന്നല്‍ നല്‍കണം-മന്ത്രി കടന്നപ്പള്ളി

  പൊലീസ് കസ്റ്റഡിയില്‍ തുരുമ്പെടുക്കുന്ന വാഹനങ്ങളില്‍ കൊതുകുകള്‍ പെരുകുന്നു

  ശാപമോക്ഷം കാത്ത് ബദിയടുക്ക ടൗണ്‍ ഹാള്‍ കെട്ടിടം

  ഓട്ടോയിടിച്ച് ജനറല്‍ ആസ്പത്രി സെക്യൂരിറ്റി ജീവനക്കാരന് പരിക്ക്

  മര ഉരുപ്പടികള്‍ തീവെച്ച് നശിപ്പിച്ച നിലയില്‍

  മദ്രസാ പ്രവേശനോത്സവത്തിനിടെ ജമാഅത്ത് പ്രസിഡണ്ട് കുഴഞ്ഞുവീണ് മരിച്ചു

  ഭീതി ഒഴിയുന്നില്ല; വീണ്ടും ചുമര്‍ തുരന്നു, കാഞ്ഞങ്ങാട്ട് നാല് കടകളില്‍ കവര്‍ച്ച

  മരം വീണ് 15 ഓളം ഇലക്ട്രിക് പോസ്റ്റുകള്‍ തകര്‍ന്നു; പോസ്റ്റുകള്‍ നിര്‍മ്മിച്ചത് നേര്‍ത്ത കമ്പികൊണ്ട്