updated on:2019-04-13 08:02 PM
പട്ടാപ്പകല്‍ ക്വാര്‍ട്ടേഴ്‌സ് കുത്തിത്തുറന്ന് 15 പവന്‍ ആഭരണവും പണവും കവര്‍ന്നു

www.utharadesam.com 2019-04-13 08:02 PM,
കാസര്‍കോട്: അടുക്കത്ത് ബയലില്‍ പട്ടാപ്പകല്‍ ക്വാര്‍ട്ടേഴ്‌സ് കുത്തിത്തുറന്ന് 15 പവന്‍ സ്വര്‍ണ്ണാഭരണവും പതിനായിരം രൂപയും മൊബൈല്‍ ഫോണും കവര്‍ന്നു.
അടുക്കത്ത് ബയല്‍ ഗുഡ്ഡെ ടെമ്പിള്‍ റോഡിലെ പ്രഭാത് ക്വാര്‍ട്ടേഴ്‌സില്‍ താമസിക്കുന്ന പരപ്പ സ്വദേശിനി റുഖിയയുടെ മുറിയിലാണ് കവര്‍ച്ച നടന്നത്. റുഖിയയും രണ്ട് മക്കളുമാണ് ഇവിടെ താമസിക്കുന്നത്.
റുഖിയ ഇന്നലെ രാവിലെ 6.30ഓടെ സമീപത്തുള്ള ക്വാര്‍ട്ടേഴ്‌സ് ഉടമയുടെ വീട്ടില്‍ ജോലിക്ക് പോയിരുന്നു. മകള്‍ ഫാജിദ 10മണിയോടെ ക്വാര്‍ട്ടേഴ്‌സ് മുറി പൂട്ടി തയ്യല്‍ പരിശീലന ക്ലാസിന് പോയതായിരുന്നു. മറ്റൊരു മകള്‍ ഫൈറൂസ ബന്ധുവീട്ടിലായിരുന്നു. വൈകിട്ട് റുഖിയ എത്തിയപ്പോഴാണ് മുറിയുടെ വാതില്‍പ്പൂട്ട് പൊളിച്ച നിലയില്‍ കാണുന്നത്.
അകത്തെ അലമാരയില്‍ സൂക്ഷിച്ച ആഭരണങ്ങളും പണവുമാണ് കവര്‍ന്നത്. പുറത്തുണ്ടായിരുന്ന കമ്പിപ്പാര ഉപയോഗിച്ചാണ് പൂട്ട് തകര്‍ത്തതെന്നാണ് കരുതുന്നത്. വിവരമറിഞ്ഞ് വിരലടയാള വിദഗ്ധരും ഡോഗ് സ്‌ക്വാഡും പരിശോധന നടത്തി.
കാസര്‍കോട് എസ്.ഐ ഷാജി പട്ടേരിയുടെ നേതൃത്വത്തിലാണ് അന്വേഷണം നടക്കുന്നത്. ക്വാര്‍ട്ടേഴ്‌സ് ഉടമയുടെ വീട്ടിലെ സി.സി.ടിവിയില്‍ മോഷ്ടാവിന്റേത് എന്ന് കരുതുന്ന ദൃശ്യം പതിഞ്ഞിട്ടുണ്ട്. ഇത് അടിസ്ഥാനമാക്കിയാണ് അന്വേഷണം.



Recent News
  കന്നഡ സാഹിത്യകാരന്‍ ഡി.കെ ചൗട്ട ഓര്‍മ്മയായി

  ക്ഷീര കര്‍ഷകന്‍ തൂങ്ങിമരിച്ച നിലയില്‍

  തെങ്ങില്‍ നിന്ന് വീണ് മരിച്ചു

  റിട്ട. പ്രധാനാധ്യാപകന്‍ മകളുടെ വീട്ടില്‍ കുഴഞ്ഞു വീണു മരിച്ചു

  വാഹനാപകടത്തില്‍ പരിക്കേറ്റ യുവാവ് മരിച്ചു

  ആസ്പത്രിയിലെത്തിക്കാന്‍ വാഹനം ലഭിച്ചില്ല; യുവാവ് യഥാസമയം ചികിത്സ ലഭിക്കാതെ മരിച്ചു

  അന്തരിച്ച സി.പി.എം. നേതാവ് ബി.മാധവ ബെള്ളൂരിന്റെ പുത്രന്‍

  നിര്‍മ്മാണത്തിലിരിക്കുന്ന പാതയുടെ വശം മഴയില്‍ തകര്‍ന്നു

  കുമ്പളയില്‍ മരം കടപുഴകി വീണ് നാല് വൈദ്യുതി തൂണുകള്‍ തകര്‍ന്നു

  മദ്യവില്‍പ്പനക്കിടെ പൊലീസ് കസ്റ്റഡിയിലെടുത്ത യുവാവിനെ ഒരു സംഘം ബലമായി മോചിപ്പിച്ചു

  സ്‌കൂള്‍ വിദ്യാര്‍ത്ഥിനിയെ ശല്യം ചെയ്തതിന് നാലുപേര്‍ക്കെതിരെ കേസ്

  സ്‌കൂളിന്റെ സണ്‍ഷേഡില്‍ നിന്ന് വീണ് വിദ്യാര്‍ത്ഥിക്ക് പരിക്ക്

  ഓട്ടോയില്‍ കടത്തിയ 65 ലിറ്റര്‍ മദ്യവുമായി ഒരാള്‍ അറസ്റ്റില്‍; ഡ്രൈവര്‍ ഓടി രക്ഷപ്പെട്ടു

  കോളേജ് വിദ്യാര്‍ത്ഥിയെ കാണാനില്ലെന്ന് പരാതി

  കൈക്കൂലി: രണ്ട് ഡോക്ടര്‍മാര്‍ അവധിയില്‍; ഡി.എം.ഒ. അന്വേഷണം തുടങ്ങി