updated on:2019-04-12 08:01 PM
ആദൂര്‍ ആറ്റക്കോയ തങ്ങളുടെ മയ്യത്ത് ഖബറടക്കി

www.utharadesam.com 2019-04-12 08:01 PM,
ആദൂര്‍: പ്രമുഖ സൂഫിവര്യന്‍ ആദൂരിലെ സയ്യിദ് ആറ്റക്കോയ തങ്ങള്‍ എന്ന സയ്യിദ് ടി.വി. അബൂബക്കര്‍ അസ്സഖാഫ് (ആറ്റു തങ്ങള്‍ -82) അന്തരിച്ചു. ഇന്നലെ ഉച്ചക്ക് ആദൂരിലെ തായത്തെ വളപ്പ് വസതിയിലായിരുന്നു അന്ത്യം. എരുമാട് അന്ത്യവിശ്രമം കൊള്ളുന്ന സയ്യിദ് ഹസന്‍ സഖാഫ് തങ്ങളുടെ പേരമകന്‍ സയ്യിദ് ഹുസൈന്‍ തങ്ങളുടെ മകനാണ്. ഉമ്മ: കുഞ്ഞാറ്റബീവി. സഹോദരങ്ങള്‍: സയ്യിദ് ഉമ്പു തങ്ങള്‍ സഖാഫ് ആദൂര്‍, സയ്യിദത്ത് ഫാത്തിമ ബീവി ഉള്ളാള്‍(കുഞ്ഞിത്ത), സയ്യിദത്ത് ആമിന ബീവി (പൂവി), പരേതയായ സയ്യിദത്ത് നഫീസത്തുല്‍ മിസ്‌രിയ ബീവി മൊഗ്രാല്‍. മയ്യത്ത് ഇന്ന് രാവിലെ ആദൂര്‍ കെണിയം കണ്ടത്തില്‍ മറവ് ചെയ്തു. മരണ വിവരമറിഞ്ഞ് കേരള - കര്‍ണാടക എന്നിവിടങ്ങളില്‍ നിന്ന് മത, രാഷ്ട്രീയ, സാമൂഹ്യ നേതാക്കളടക്കം ആയിരങ്ങളാണ് ആദൂരിലെ വീട്ടിലേക്ക് ഒഴുകിയെത്തിയത്. വിവിധ പ്രശ്‌നങ്ങള്‍ക്ക് പരിഹാരം തേടിയെത്തുന്നവര്‍ക്ക് ആശ്രയ കേന്ദ്രമായിരുന്നു ആറ്റുതങ്ങള്‍. ദിവസവും നിരവധി പേരാണ് അദ്ദേഹത്തെ കാണാനും സങ്കടങ്ങള്‍ പറയാനും ആദൂരിലെ വീട്ടിലെത്തിയിരുന്നത്. ലളിതമായ ജീവിതം നയിച്ചിരുന്ന ആറ്റു തങ്ങളുടെ ഉപദേശം തേടി പണ്ഡിതന്മാരടക്കം എത്താറുണ്ടായിരുന്നു.
നിര്യാണത്തില്‍ കാന്തപുരം എ.പി. അബൂബക്കര്‍ മുസ്ലിയാര്‍ അനുശോചനം അറിയിച്ചു. ആറ്റുതങ്ങളുമായി വലിയ ബന്ധമാണ് തനിക്ക് ഉണ്ടായിരുന്നതെന്ന് കാന്തപുരം മലേഷ്യയില്‍ നിന്ന് അറിയിച്ചു.



Recent News
  കഞ്ചാവ് കേസില്‍ പൊലീസിനെ വെട്ടിച്ച് രക്ഷപ്പെട്ട പ്രതി കീഴടങ്ങി

  റോഡരികില്‍ കണ്ട 18കാരിയെ ആശ്രമത്തിലേക്ക് മാറ്റി

  ചികിത്സയിലായിരുന്ന യുവാവ് മരിച്ചു

  മുഖ്യമന്ത്രി ഇന്ന് കാസര്‍കോട്ട്

  പറഞ്ഞ വാക്ക് ഹൈബി ഈഡന്‍ പാലിച്ചു; കൃപേഷിന്റെ വീട്ടില്‍ പാലുകാച്ചി

  മാണിമൂലയില്‍ സ്വകാര്യ ബസിടിച്ച് കാല്‍നട യാത്രക്കാരന്‍ മരിച്ചു

  വാമഞ്ചൂര്‍ ചെക്ക് പോസ്റ്റിന് സമീപം ജര്‍മ്മന്‍ ടൂറിസ്റ്റുകളെ അക്രമിച്ച് പണം തട്ടി

  സാറയൊരു സ്റ്റാറാ...

  യുവാവ് തൂങ്ങിമരിച്ച നിലയില്‍

  കുളിമുറിയില്‍ ഒളിപ്പിച്ച വിദേശ മദ്യം പിടിച്ചു; ഒരാള്‍ അറസ്റ്റില്‍

  ആറുവയസുകാരിയെ പീഡിപ്പിക്കാന്‍ ശ്രമിച്ച കേസില്‍ ജ്വല്ലറി ഉടമയ്ക്ക് 5 വര്‍ഷം കഠിനതടവ്

  അടുക്കത്ത്ബയല്‍ ക്വാര്‍ട്ടേഴ്‌സിലെ കവര്‍ച്ചക്ക് പിന്നില്‍ 15 കാരനെന്ന് തിരിച്ചറിഞ്ഞു

  കാഞ്ഞങ്ങാട്ട് തേപ്പ് തൊഴിലാളി തീവണ്ടി തട്ടി മരിച്ചു

  പോക്‌സോ കേസില്‍ പ്രതിയായ സൈനികനെ കോടതി 10 വര്‍ഷം കഠിനതടവിന് ശിക്ഷിച്ചു

  അപകടത്തില്‍ ഓട്ടോ ഡ്രൈവര്‍ മരിച്ചു