updated on:2019-03-13 08:32 PM
ഭാര്യയും കാമുകനും പ്രതികളായ നീലേശ്വരത്തെ കബഡി താരത്തിന്റെ കൊലക്കേസില്‍ വിചാരണ തുടങ്ങി

www.utharadesam.com 2019-03-13 08:32 PM,
കാസര്‍കോട്: ഭാര്യയും കാമുകനും പ്രതികളായ നീലേശ്വരം കാര്യങ്കോട്ടെ കബഡി താരം കൊലക്കേസിന്റെ വിചാരണ ജില്ലാ അഡീഷണല്‍ സെഷന്‍സ് (മൂന്ന്) കോടതിയില്‍ ആരംഭിച്ചു.
കാര്യങ്കോട്ടെ പരേതനായ ഗോപാലന്റെ മകന്‍ സന്തോഷിനെ (39) കൊലപ്പെടുത്തിയ കേസിന്റെ വിചാരണയാണ് ആരംഭിച്ചത്. സന്തോഷിന്റെ മാതൃസഹോദരീ പുത്രനായ മനോജ് ഈ കേസിലെ ഒന്നാം പ്രതിയും സന്തോഷിന്റെ ഭാര്യ രഞ്ജുഷ രണ്ടാം പ്രതിയുമാണ്. 2015 ഡിസംബര്‍ 6 ന് രാത്രി 10.15 മണിയോടെയാണ് കേസിനാസ്പദമായ സംഭവം. വീട്ടിനകത്തെ കിടപ്പുമുറിയില്‍ ഉറങ്ങുകയായിരുന്ന സന്തോഷിനെ മനോജ് പ്ലാസ്റ്റിക് കയര്‍ കഴുത്തില്‍ മുറുക്കി കൊലപ്പെടുത്തുകയും രഞ്ജുഷ കുറ്റകൃത്യത്തിന് പ്രേരണ നല്‍കുകയും ചെയ്തുവെന്നാണ് കേസ്.
പരിസരവാസികളാണ് സന്തോഷിനെ വീട്ടിനകത്തെ കിടപ്പുമുറിയില്‍ മരിച്ച നിലയില്‍ കണ്ടെത്തിയിരുന്നത്. സംശയം തോന്നിയതിനെ തുടര്‍ന്ന് മൃതദേഹം പൊലീസ് ഇന്‍ക്വസ്റ്റിന് ശേഷം പരിയാരം മെഡിക്കല്‍ കോളേജില്‍ വിദഗ്ധ പോസ്റ്റുമോര്‍ട്ടത്തിന് വിധേയമാക്കിയപ്പോള്‍ കൊലപാതകമാണെന്ന് വ്യക്തമാവുകയായിരുന്നു. സാഹചര്യ തെളിവുകള്‍ വെച്ച് പൊലീസ് നടത്തിയ അന്വേഷണത്തില്‍ സന്തോഷിനെ കൊലപ്പെടുത്തിയത് മനോജാണെന്ന് തെളിഞ്ഞു. മനോജിനെ കസ്റ്റഡിയിലെടുത്ത് ചോദ്യം ചെയ്തതോടെ കുറ്റം സമ്മതിക്കുകയും സന്തോഷിന്റെ ഭാര്യ രഞ്ജുഷ കുറ്റകൃത്യത്തിന് കൂട്ടുനിന്നതായി വെളിപ്പെടുത്തുകയും ചെയ്തു. ഇതോടെ മനോജിനെ ഒന്നാം പ്രതിയും രഞ്ജുഷയെ രണ്ടാം പ്രതിയുമാക്കി നീലേശ്വരം പൊലീസ് കൊലക്കുറ്റത്തിന് കേസെടുക്കുകയും പ്രതികള്‍ അറസ്റ്റിലാവുകയും ചെയ്തു. നാട്ടിലെ അറിയപ്പെടുന്ന കബഡി താരമായ സന്തോഷ് മദ്യലഹരിയില്‍ ഭാര്യ രഞ്ജുഷയെ ഉപദ്രവിക്കാറുണ്ടായിരുന്നുവെന്നും ഈ വീട്ടില്‍ നിത്യ സന്ദര്‍ശകനായിരുന്ന മനോജിനോട് തന്റെ സങ്കടങ്ങള്‍ അറിയിച്ച രഞ്ജുഷ പിന്നീട് മനോജുമായി പ്രണയത്തിലാവുകയും ചെയ്‌തെന്നും കേസുമായി ബന്ധപ്പെട്ട് പൊലീസ് കോടതിയില്‍ സമര്‍പ്പിച്ച കുറ്റപത്രത്തില്‍ വ്യക്തമാക്കിയിട്ടുണ്ട്. സന്തോഷിന്റെ കൈകാലുകള്‍ തല്ലിയൊടിക്കാനാണ് രഞ്ജുഷ നിര്‍ദ്ദേശിച്ചതെങ്കിലും മനോജ് കൊലപാതകം തന്നെ നടത്തുകയായിരുന്നവെന്നും ആസ്പത്രിയില്‍ കഴിയുന്ന സന്തോഷിന്റെ മാതാവിനെ പരിചരിക്കാന്‍ ഭാര്യയും മക്കളും പോയ സമയത്താണ് കൊല നടന്നതെന്നും കുറ്റപത്രത്തില്‍ പറയുന്നു.



Recent News
  കാസര്‍കോട്ട് ഉണ്ണിത്താന് അട്ടിമറി വിജയം

  മഞ്ചേശ്വരത്ത് ഉണ്ണിത്താന്റെ ലീഡ് കുതിച്ചു; കല്യാശേരിയില്‍ ഇടത് മുന്നേറ്റം തടഞ്ഞു

  കാസര്‍കോട്ട് ഉണ്ണിത്താന്‍ മുന്നേറുന്നു

  സ്‌കൂട്ടറില്‍ കടത്തുകയായിരുന്ന മദ്യവുമായി യുവാവ് അറസ്റ്റില്‍

  ബന്തടുക്കയില്‍ കര്‍ണാടക മദ്യം പിടികൂടി; ഒരാള്‍ പിടിയില്‍

  ജര്‍മ്മന്‍ വിനോദ സഞ്ചാരികളെ അക്രമിച്ച് പണം കവര്‍ന്ന പ്രതികള്‍ പൊലീസിന്റെ കണ്ണുവെട്ടിച്ച് കോടതിയില്‍ ഹാജരായി

  കാണാതായ ഓട്ടോ ഡ്രൈവര്‍ തൂങ്ങിമരിച്ച നിലയില്‍

  രണ്ട് മാസം മുമ്പ് കാണാതായ യുവാവിനെ കണ്ടെത്താനായില്ല

  തൃശൂര്‍ നസീര്‍ 13 മണിക്കൂര്‍ തെരുവില്‍ കിടന്ന് പാടാന്‍ തയ്യാറെടുക്കുന്നു

  കുഴല്‍ക്കിണര്‍ സ്ഥലത്ത് സ്വകാര്യ വ്യക്തി വേലികെട്ടി; പട്ടികജാതി കോളനിയിലെ കുടുംബങ്ങള്‍ക്ക് കുടിവെള്ളം മുടങ്ങി

  പെരിയ ഇരട്ടക്കൊലക്കേസില്‍ വ്യക്തിവൈരാഗ്യമെന്ന പരാമര്‍ശത്തില്‍ സംശയം പ്രകടിപ്പിച്ച് ഹൈക്കോടതി; മൂന്നുപ്രതികളുടെ ജാമ്യഹരജിയില്‍ തീരുമാനം 28ന്

  ഹോംനേഴ്‌സിനെ കൊന്ന് കുഴിച്ചു മൂടിയ കേസ്; പൊലീസ് സര്‍ജന്‍ ഉള്‍പെടെ 17 സാക്ഷികളെ വിസ്തരിച്ചു

  ലോട്ടറി ടിക്കറ്റിന്റെ നമ്പര്‍ തിരുത്തി പണം തട്ടി

  അപകടത്തില്‍പെട്ട കാറില്‍ കഞ്ചാവ്; നിരവധി കഞ്ചാവ് കടത്തുകേസുകളിലെ പ്രതി അറസ്റ്റില്‍

  മകളെ പീഡിപ്പിച്ച കേസില്‍ പിതാവ് കുറ്റക്കാരന്‍; മാതാവിനെ വിട്ടയച്ചു