updated on:2019-02-11 08:39 PM
ബോട്ട് നടുക്കടലില്‍ കുടുങ്ങി; ഫിഷറീസ് വകുപ്പ് രക്ഷകരായി

www.utharadesam.com 2019-02-11 08:39 PM,
ബേക്കല്‍: മത്സ്യ ബന്ധനത്തിനായി ബേപ്പൂരില്‍ നിന്ന് പുറപ്പെട്ട ബോട്ട് ബേക്കല്‍ നടുക്കടലില്‍ കുടുങ്ങി. യന്ത്ര തകരാറിനെ തുടര്‍ന്നാണ് ബേക്കല്‍ കോട്ടക്ക് സമീപം പടിഞ്ഞാറു ഭാഗം 16 നോട്ടിക്കല്‍ മൈല്‍ ദൂരത്ത് 11 തൊഴിലാളികള്‍ ഉള്‍പ്പെട്ട ബോട്ട് കുടുങ്ങിയത്. വിവരമറിഞ്ഞ ബോട്ടുടമ ബേപ്പൂര്‍ ഫിഷറീസ് വകുപ്പ് മുഖേന കാസര്‍കോട് ഫിഷറീസ് ഡെപ്യൂട്ടി ഡയറക്ടറെ വിവരമറിയിക്കുകയായിരുന്നു. അസി. ഡയറക്ടര്‍ പി.വി സതീശന്റെ നിര്‍ദ്ദേശ പ്രകാരം ഇന്നലെ ഉച്ചയോടെ ഫിഷറീസ് റസ്‌ക്യൂ ബോട്ട് അഴിത്തലയില്‍ നിന്ന് പുറപ്പെട്ടു. വൈകിട്ട് 4.30 മണിയോടെ ബോട്ടിനെ കണ്ടെത്തി നീലേശ്വരത്തേക്ക് യാത്ര തിരിച്ചു. രാത്രി 8 മണിയോടെ നീലേശ്വരം അഴിത്തലയില്‍ ബോട്ട് കരയ്ക്കടുപ്പിക്കുകയായിരുന്നു. പൂന്തുറ സ്വദേശികളായ സുനില്‍ (47), മുത്തയ്യന്‍ (52), ജോസ് (44), തിരുവനന്തപുരം പൊഴിയൂര്‍ സ്വദേശികളായ രാജു (44), വര്‍ഗീസ് (45), ജസ്റ്റിന്‍ (28), തദ്ദേയൂസ് (42), അലക്‌സാണ്ടര്‍ (43), മുസ്തഫ ബേപ്പൂര്‍, കൊല്‍ക്കത്ത സ്വദേശികളായ സഞ്ജീവ് (23), സുപ്രഭാത്(22) എന്നിവരാണ് ബോട്ടിലുണ്ടായിരുന്നത്. ഫിഷറീസ് റസ്‌ക്യൂഗാര്‍ഡ് പി. മനു, ഒ. ധനീഷ്, ഡ്രൈവര്‍ നാരായണന്‍, കണ്ണന്‍ എന്നിവര്‍ രക്ഷാപ്രവര്‍ത്തനത്തിന് നേതൃത്വം നല്‍കി.



Recent News
  കെ.എം. അബ്ദുല്‍ റഹ്മാന്‍ നഗരസഭാ സ്റ്റാന്റിംഗ് കമ്മിറ്റി ചെയര്‍മാന്‍ സ്ഥാനം രാജിവെച്ചു

  ഇസ്സത്ത്‌നഗറില്‍ എട്ട് വീടുകള്‍ വെള്ളത്തിലായി

  ഇസ്സത്ത്‌നഗറില്‍ എട്ട് വീടുകള്‍ വെള്ളത്തിലായി

  വിദ്യാര്‍ത്ഥിയെ തട്ടിക്കൊണ്ടുപോയതിന് പിന്നില്‍ സ്വര്‍ണക്കടത്ത് സംഘമെന്ന് പൊലീസ്

  ഡി.വൈ.എഫ്.ഐ നേതാവിനെ അക്രമിച്ചു; കാര്‍ തകര്‍ത്തു

  റോഡിലെ കുഴി വെട്ടിക്കുന്നതിനിടെ പാല്‍വണ്ടി മറിഞ്ഞു

  ബാവിക്കര പ്രവൃത്തി മുടങ്ങി; ബണ്ടും അപ്രോച്ച് റോഡും തകര്‍ന്നു

  കനത്ത മഴയില്‍ മലയോരത്ത് വ്യാപക നാശനഷ്ടം

  ബദിയടുക്ക-ഏത്തടുക്ക-കിന്നിംഗാര്‍ റോഡ് പൂര്‍ണ്ണമായും തകര്‍ന്നു; യാത്രാ ദുരിതം

  താന്‍ സുരക്ഷിതനെന്ന് ബ്രിട്ടന്‍ പിടികൂടിയ ഇറാന്‍ കപ്പലില്‍ നിന്ന് ഉദുമ സ്വദേശി പ്രജിത്ത്

  കൊലക്കേസ് പ്രതിയെ വധിക്കാന്‍ ശ്രമിച്ച കേസില്‍ നിരവധി കേസുകളിലെ പ്രതിയടക്കം രണ്ടുപേര്‍ അറസ്റ്റില്‍

  കാറിലെത്തിയ സംഘം വിദ്യാര്‍ത്ഥിയെ തട്ടിക്കൊണ്ടു പോയി

  ഓവുചാലില്ല; ദേശീയപാതയിലേക്ക് വെള്ളംകയറുന്നത് ചട്ടഞ്ചാലില്‍ ഗതാഗത തടസമുണ്ടാക്കുന്നു

  കാലവര്‍ഷക്കെടുതിയില്‍ പരക്കെ നാശം; നിരവധി പ്രദേശങ്ങള്‍ ഉരുള്‍പൊട്ടല്‍ ഭീഷണിയില്‍

  ദേശീയപാതയിലെ കുഴിയില്‍ തട്ടി കാറിന്റെ ടയര്‍ ഊരിത്തെറിച്ചു