updated on:2019-02-07 08:34 PM
ഖത്തറിലേക്ക് ഹാഷിഷ് ഓയില്‍ കൊടുത്തയച്ച് യുവാവിനെ ജയിലിലാക്കിയ കേസില്‍ ഒരു പ്രതി കൂടി അറസ്റ്റില്‍

www.utharadesam.com 2019-02-07 08:34 PM,
കാസര്‍കോട്: ഖത്തറിലേക്ക് ഹാഷിഷ് ഓയില്‍ കൊടുത്തുവിട്ട് യുവാവിനെ ജയിലിലാക്കിയ കേസില്‍ ഒരു പ്രതിയെ കൂടി അറസ്റ്റിലായി. കാഞ്ഞങ്ങാട് ആറങ്ങാടി നിലാംഗരയിലെ ക്വാര്‍ട്ടേഴ്‌സില്‍ താമസിക്കുന്ന കെ.കെ. റാസിഖിനെ (28)യാണ് കാസര്‍കോട് ടൗണ്‍ എസ്.ഐ. അജിത് കുമാറിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.
2018 നവംബറിലാണ് സംഭവം നടന്നത്. അണങ്കൂരിലെ മുനീര്‍ അഹ്മദ് ശിഹാബാണ്(21) ചതിയിലകപ്പെട്ട് ഖത്തറിലെ ജയിലിലായത്. ശിഹാബിന്റെ പിതാവ് ടി.എച്ച്. അബ്ദുല്ലയുടെ പരാതിയില്‍ നാലു പേര്‍ക്കെതിരെ വഞ്ചനാകുറ്റത്തിന് കേസെടുക്കുകയും കാഞ്ഞങ്ങാട് ഒഴിഞ്ഞവളപ്പ് അഞ്ചില്ലത്ത് ഹൗസില്‍ അഹ്മദ് കബീര്‍, (24) അണങ്കൂര്‍ ടി.വി. സ്‌റ്റേഷന്‍ റോഡിലെ അബ്ദുല്‍റിയാസ് (21) എന്നിവര്‍ അറസ്റ്റിലാവുകയും ചെയ്തു. മടിക്കൈ കുട്ടിച്ചാല്‍ അരിയാക്കണ്ടത്തെ കെ. റാഷിദിനെ പിടികിട്ടാനുണ്ട്. കബീറിന്റെ നേതൃത്വത്തിലുള്ള സംഘം മരുന്നാണെന്ന് പറഞ്ഞ് നാലു കിലോ ഹാഷിഷ് ഓയില്‍ കൊടുത്തുവിട്ട് ശിഹാബിനെ കെണിയില്‍ വീഴ്ത്തുകയായിരുന്നു. നവംബര്‍ 23ന് രാത്രിയില്‍ കരിപ്പൂര്‍ എയര്‍പോര്‍ട്ടില്‍ നിന്നുള്ള വിമാനത്തിലാണ് ശിഹാബ് ഖത്തറിലേക്ക് പോയത്. പിറ്റേ ദിവസം പുലര്‍ച്ചെ ഖത്തര്‍ എയര്‍പോര്‍ട്ടിലെത്തിയ ശിഹാബിനെ ഹാഷിഷ് ഓയിലുമായി പൊലീസ് അറസ്റ്റു ചെയ്യുകയായിരുന്നു.
കാഞ്ഞങ്ങാട് പുതിയ കോട്ടയില്‍ നിന്നും ഖത്തറിലുള്ള ഒരു രോഗിക്ക് മരുന്നാണെന്ന് പറഞ്ഞാണ് ഹാഷിഷ് ഓയില്‍ കൊടുത്തുവിട്ടത്.



Recent News
  കനത്ത മഴയില്‍ മലയോരത്ത് വ്യാപക നാശനഷ്ടം

  ബദിയടുക്ക-ഏത്തടുക്ക-കിന്നിംഗാര്‍ റോഡ് പൂര്‍ണ്ണമായും തകര്‍ന്നു; യാത്രാ ദുരിതം

  താന്‍ സുരക്ഷിതനെന്ന് ബ്രിട്ടന്‍ പിടികൂടിയ ഇറാന്‍ കപ്പലില്‍ നിന്ന് ഉദുമ സ്വദേശി പ്രജിത്ത്

  കൊലക്കേസ് പ്രതിയെ വധിക്കാന്‍ ശ്രമിച്ച കേസില്‍ നിരവധി കേസുകളിലെ പ്രതിയടക്കം രണ്ടുപേര്‍ അറസ്റ്റില്‍

  കാറിലെത്തിയ സംഘം വിദ്യാര്‍ത്ഥിയെ തട്ടിക്കൊണ്ടു പോയി

  ഓവുചാലില്ല; ദേശീയപാതയിലേക്ക് വെള്ളംകയറുന്നത് ചട്ടഞ്ചാലില്‍ ഗതാഗത തടസമുണ്ടാക്കുന്നു

  കാലവര്‍ഷക്കെടുതിയില്‍ പരക്കെ നാശം; നിരവധി പ്രദേശങ്ങള്‍ ഉരുള്‍പൊട്ടല്‍ ഭീഷണിയില്‍

  ദേശീയപാതയിലെ കുഴിയില്‍ തട്ടി കാറിന്റെ ടയര്‍ ഊരിത്തെറിച്ചു

  വനത്തില്‍ കണ്ടെത്തിയ അസ്ഥികൂടം വിദഗ്ധ പരിശോധനക്ക് പരിയാരത്തേക്ക്

  പൈവളിഗെ സ്വദേശിനിയെ കൊലപ്പെടുത്തിയ കേസില്‍ സയനൈഡ് മോഹന് ജീവപര്യന്തം

  ഗള്‍ഫുകാരന്‍ അസുഖത്തെ തുടര്‍ന്ന് മരിച്ചു

  കനത്ത മഴയില്‍ ജില്ലയില്‍ വ്യാപക നാശനഷ്ടം

  ചെങ്കള സര്‍വ്വീസ് സഹകരണ ബാങ്ക് തര്‍ക്കം: യു.ഡി.എഫ് സംസ്ഥാന ഘടകത്തിന് വിട്ടു

  കാസര്‍കോട്ട് മഞ്ഞപ്പിത്തം പടരുന്നു; 16 പേര്‍ ചികിത്സതേടി

  പുലിക്കുന്ന് ഇന്റര്‍ലോക്ക് റോഡ് ഉദ്ഘാടനം ചെയ്തു