updated on:2018-12-02 07:15 PM
ജില്ലയില്‍ മയക്കുമരുന്ന് വിപണനത്തിന് നിരവധി കേന്ദ്രങ്ങള്‍; മാഫിയകളുടെ വേരറുക്കാന്‍ പൊലീസ് അന്വേഷണം വ്യാപിപ്പിച്ചു

www.utharadesam.com 2018-12-02 07:15 PM,
കാസര്‍കോട്: ജില്ലയില്‍ മയക്കുമരുന്ന് മാഫിയാസംഘങ്ങള്‍ പിടിമുറുക്കുന്നു. അന്താരാഷ്ട്ര ബന്ധങ്ങളുള്ള മയക്കുമരുന്ന് സംഘത്തിന്റെ കേരളത്തിലെ പ്രധാന വിപണനകേന്ദ്രമായി കാസര്‍കോട് മാറുന്നതായാണ് സൂചനകള്‍. കഴിഞ്ഞ ദിവസം ക്രിസ്റ്റല്‍ രൂപത്തിലുള്ള മയക്കുമരുന്നുമായി പൊലീസ് പിടിയിലായ തളങ്കരയിലെ മുഹമ്മദ് അദിനാനിനെ വിശദമായി ചോദ്യം ചെയ്തപ്പോള്‍ ഞെട്ടിക്കുന്ന വിവരങ്ങളാണ് പുറത്തുവന്നിരിക്കുന്നത്. കാസര്‍കോട് ടൗണ്‍ പ്രിന്‍സിപ്പല്‍ എസ്.ഐ അജിത് കുമാറിന്റെ നേതൃത്വത്തിലുള്ള പൊലീസ് സംഘം തളങ്കര പടിഞ്ഞാറില്‍ നിന്നാണ് രഹസ്യവിവരത്തിന്റെ അടിസ്ഥാനത്തില്‍ കഴിഞ്ഞ ദിവസം അദിനാനിനെ കുടുക്കിയത്. അദിനാനുമായി ബന്ധമുള്ള കാസര്‍കോട്ടെ മറ്റുചില യുവാക്കളെ കുറിച്ചുകൂടി പൊലീസിന് വിവരം ലഭിച്ചിട്ടുണ്ട്. അദിനാന് മയക്കുമരുന്ന് എത്തിച്ചത് തളങ്കര സ്വദേശിയായ ഒരു യുവാവാണെന്ന് ചോദ്യം ചെയ്യലില്‍ വ്യക്തമായി. അദിനാന്‍ പിടിയിലായതോടെ ഇയാള്‍ മുംബൈക്ക് കടന്നതായാണ് സൂചന. മുംബൈ, ഗോവ എന്നിവിടങ്ങളില്‍ നിന്നാണ് പ്രധാനമായും മയക്കുമരുന്ന് കാസര്‍കോട്ടെത്തുന്നതെന്ന് പൊലീസ് ഉറപ്പിച്ചിട്ടുണ്ട്. കാസര്‍കോടിന്റെ തീരപ്രദേശത്തെ ആളൊഴിഞ്ഞ വീടുകളും കെട്ടിടങ്ങളുമാണ് മയക്കുമരുന്ന് സംഘത്തിന്റെ പ്രധാന കേന്ദ്രങ്ങള്‍. ഇതിനുപുറമെ നഗരത്തിലെ ഇടവഴികളിലും ഇത്തരം സംഘങ്ങള്‍ തമ്പടിക്കുന്നുണ്ട്. മയക്കുമരുന്ന് വിപണനത്തിന്റെ പ്രധാന കേന്ദ്രങ്ങളെക്കുറിച്ച് പൊലീസ് അന്വേഷണം നടത്തിവരികയാണ്. കാസര്‍കോട്ടെ രണ്ട് പ്രധാന സ്‌കൂളുകളിലെ വിദ്യാര്‍ത്ഥികള്‍ ക്രിസ്റ്റല്‍ രൂപത്തിലുള്ള മയക്കുമരുന്നുകള്‍ ഉപയോഗിച്ചുവരികയാണെന്ന് അദിനാന്‍ പൊലീസിനോട് സമ്മതിച്ചിട്ടുണ്ട്. പാര്‍ടി ഡ്രഗ് ആയാണ് എം.ഡി.എം.എ. ഉപയോഗിക്കുന്നത്. കേന്ദ്ര നാഡീവ്യൂഹത്തെ മന്ദീഭവിപ്പിക്കുന്ന രാസപദാര്‍ത്ഥമാണ് ഈ മയക്കുമരുന്നിലുള്ളത്. ഒരു മില്ലിഗ്രാം എം.ഡി.എം.എ.യ്ക്ക് 24 മണിക്കൂര്‍ ലഹരി നല്‍കാന്‍ കഴിയുമെന്നാണ് അധികൃതര്‍ പറയുന്നത്. അതുകൊണ്ടുതന്നെ വിദ്യാര്‍ത്ഥികള്‍ അടക്കമുള്ളവര്‍ ഈ മയക്കുമരുന്നിന് വേഗത്തില്‍ അടിമകളാകുന്നു. ലോകവ്യാപകമായി നിരോധിച്ച മയക്കുമരുന്നിന്റെ വിപണനം കാസര്‍കോട്ട് സജീവമായതിനെ പൊലീസ് ഗൗരവത്തോടെയാണ് കാണുന്നത്.



Recent News
  കൈക്കൂലി: രണ്ട് ഡോക്ടര്‍മാര്‍ അവധിയില്‍; ഡി.എം.ഒ. അന്വേഷണം തുടങ്ങി

  ഗവ.ഗേള്‍സ് സ്‌കൂളിന്റെ ഗേറ്റ് രാത്രിയിലും തുറന്നിട്ട നിലയില്‍

  യുവതിയെ മര്‍ദ്ദിച്ചു

  വീട്ടമ്മയെ മാനഹാനിപ്പെടുത്താന്‍ ശ്രമിച്ച കേസിലെ പ്രതി അറസ്റ്റില്‍

  മുത്തലിബ് വധക്കേസിന്റെ വിചാരണക്ക് ഹാജരാകാത്ത മൂന്നാം പ്രതിക്കെതിരെ അറസ്റ്റ് വാറണ്ട് ; സാക്ഷികളും എത്തിയില്ല

  13 കാരിയെ പീഡിപ്പിച്ചകേസില്‍ അമ്മയുടെ സുഹൃത്തിന് 10 വര്‍ഷം കഠിനതടവ്

  ബായാറില്‍ യുവാവിനെ വധിക്കാന്‍ ശ്രമിച്ച കേസില്‍ 3 പ്രതികള്‍ കൂടി അറസ്റ്റില്‍

  യുവാവ് ഹൃദയാഘാതം മൂലം മരിച്ചു

  ചികിത്സാ പിഴവെന്ന് ആരോപണം; 3 മാസം പ്രായമുള്ള കുഞ്ഞ് മരിച്ചു

  13കാരിയെ പീഡിപ്പിച്ച കേസില്‍ രണ്ടാനച്ഛന്‍ കുറ്റക്കാരന്‍

  മെഹ്ബൂബ് തീയേറ്ററിലെ ജനറേറ്ററില്‍ തീപിടിത്തം

  ചട്ടഞ്ചാല്‍ സ്വദേശി മലേഷ്യയില്‍ രക്തസമ്മര്‍ദം മൂലം മരിച്ചു

  ഡോക്ടര്‍മാരുടെ സമരം; ജില്ലയില്‍ ആസ്പത്രികളുടെ പ്രവര്‍ത്തനം സ്തംഭിച്ചു, രോഗികള്‍ വലഞ്ഞു

  മോഷ്ടിച്ച ബൈക്കുമായി പിടിയിലായ യുവാവ് റിമാണ്ടില്‍

  കാഞ്ഞങ്ങാട്ട് കവര്‍ച്ചാപരമ്പര തുടരുന്നു; കടകളും ക്ഷേത്ര ഭണ്ഡാരവും കുത്തിത്തുറന്ന് മോഷണം