updated on:2018-12-02 06:33 PM
നിയമവിരുദ്ധമായ മിഠായി വില്‍പ്പന വ്യാപകം

www.utharadesam.com 2018-12-02 06:33 PM,
കാസര്‍കോട്: ജില്ലയില്‍ നിയമവിരുദ്ധമായ രീതിയിലുള്ള മിഠായി വില്‍പ്പന വ്യാപകമാകുന്നു. പിഞ്ചുകുഞ്ഞുങ്ങളെ ആകര്‍ഷിക്കുന്ന മിഠായികള്‍ പലതും നിയമവിധേയമല്ലെന്നും അപകടം ക്ഷണിച്ചുവരുത്തുന്നുവെന്നും വ്യക്തമാവുകയാണ്. ഇത്തരം മിഠായികള്‍ ഏറെയും എത്തുന്നത് ചൈനയില്‍ നിന്നാണെന്നാണ് വിവരം.
പല കമ്പനികള്‍ക്കും ലൈസന്‍സില്ലെന്നാണ് ഫുഡ് സേഫ്റ്റി വിഭാഗം പറയുന്നത്. ലൈറ്റുള്ളതും മറ്റു അലങ്കാര വസ്തുക്കള്‍ ഘടിപ്പിച്ചതുമായ വിവിധ തരത്തിലും നിറത്തിലുമുള്ള മിഠായികളാണ് കടകളില്‍ വില്‍പ്പന നടത്തുന്നത്. ഇന്നലെ ഇത്തരത്തില്‍ ലൈറ്റ് ഘടിപ്പിച്ച മിഠായി കഴിക്കുന്നതിനിടെ ലൈറ്റിന്റെ ബാറ്ററി വിഴുങ്ങിയ കുട്ടി ഗുരുതരാവസ്ഥയില്‍ ആസ്പത്രിയില്‍ കഴിയുകയാണ്. ഇതോടെയാണ് ഇത്തരം മിഠായികള്‍ കടകളില്‍ വില്‍ക്കുന്ന വിവരം പുറത്തുവന്നിരിക്കുന്നത്. അഞ്ച് രൂപ വിലയുള്ള ലൈറ്റ് അപ്പ് ലോലിപോപ്പ് മിഠായി കഴിച്ചാണ് കുട്ടി അവശനിലയിലായത്. ഇത്തരത്തില്‍ വ്യത്യസ്തമായ വിവിധ കമ്പനികളുടെ മിഠായികള്‍ ചൈനയില്‍ നിന്നും വിപണിയിലെത്തുന്നുണ്ട്. മിഠായിയുടെ കവറിന് പുറത്തുതന്നെ കമ്പനിയുടെ ലൈസന്‍സ് നമ്പര്‍ രേഖപ്പെടുത്തണമെന്നാണ് ഫുഡ് സേഫ്റ്റി വിഭാഗം പറയുന്നത്. അല്ലാത്ത തരത്തിലുള്ള മിഠായികള്‍ വില്‍ക്കുന്നത് നിയമവിരുദ്ധമാണ്. ഉദുമ പാക്യാര സ്വദേശിയായ നൗഷാദിന്റെ രണ്ടര വയസുള്ള കുട്ടിയാണ് മിഠായിക്കൊപ്പമുള്ള ലൈറ്റിന്റെ ചെറിയ ബാറ്ററി വിഴുങ്ങിയതിനെ തുടര്‍ന്ന് ആസ്പത്രിയില്‍ ചികിത്സയില്‍ കഴിയുന്നത്. കൊച്ചുകുട്ടികളെ ആകര്‍ഷിപ്പിക്കാന്‍ വേണ്ടിയാണ് മിഠായിയുടെ കോലിനുള്ളില്‍ ലൈറ്റ് ഘടിപ്പിക്കുന്നത്. ഇത് കൊച്ചുകുട്ടികളുടെ ജീവന്‍ തന്നെ അപകടത്തിലാക്കുന്ന സ്ഥിതിയില്‍ കാര്യങ്ങളെത്തുകയാണ്.



Recent News
  കൊളംബോയിലെ സ്‌ഫോടനത്തില്‍ കൊല്ലപ്പെട്ടവരില്‍ മൊഗ്രാല്‍ പുത്തൂര്‍ സ്വദേശിനിയും

  ഉമ്മയും കുഞ്ഞും തീവണ്ടി തട്ടി മരിച്ച സംഭവം: മൊഗ്രാല്‍ പ്രദേശം കണ്ണീരണിഞ്ഞു

  ടൂറിസ്റ്റ് ബസില്‍ നിന്ന് പുകയുയര്‍ന്നത് പരിഭ്രാന്തി പരത്തി

  കാണാതായ യുവാവ് തൂങ്ങിമരിച്ചനിലയില്‍

  ക്വാര്‍ട്ടേഴ്‌സിലെ കവര്‍ച്ച; 15 കാരന്‍ അറസ്റ്റില്‍

  ശ്രദ്ധാകേന്ദ്രമായ അഞ്ച് ലോക്‌സഭാ മണ്ഡലങ്ങള്‍

  തിരഞ്ഞെടുപ്പ് പ്രചാരണത്തിന് നാളെ കൊട്ടികലാശം

  അനുമോദനം ചൂടി രഞ്ജിനയും നിഥിന്‍രാജും; കാസര്‍കോടിന് അഭിമാനം

  മുന്നാട് സ്വദേശിക്ക് സൂര്യാഘാതമേറ്റു

  ട്രെയിന്‍ തട്ടി മരിച്ച നിലയില്‍

  ഹൊസങ്കടിയില്‍ കാറിടിച്ച് കര്‍ഷകന്‍ മരിച്ചു

  ജര്‍മ്മന്‍ ടൂറിസ്റ്റുകളെ അക്രമിച്ച് പണം തട്ടിയ സംഘത്തെ തിരിച്ചറിഞ്ഞു; അന്വേഷണം കര്‍ണാടകയിലേക്ക്

  കക്ക വാരുന്നതിനിടെ യുവാവിന് സൂര്യാഘാതമേറ്റു; ജില്ലാ ആസ്പത്രിയില്‍ ചെന്നെങ്കിലും മരുന്നില്ലാതെ മടങ്ങി

  കല്യോട്ട് സതീഷ്ചന്ദ്രന് വന്‍ വരവേല്‍പ്പ്

  കോണ്‍ഗ്രസ് എന്ന വടവൃക്ഷം