updated on:2018-12-01 08:25 PM
ആവര്‍ത്തിക്കപ്പെടുന്ന ഗുഹ ദുരന്തം: നടപടികളെകുറിച്ച് പൊലീസ് ആലോചിക്കുന്നു

www.utharadesam.com 2018-12-01 08:25 PM,
പെര്‍മുദെ: ബായാര്‍ പൊസഡിഗുംപെയില്‍ തെങ്ങ് കയറ്റ തൊഴിലാളി ഗുഹയില്‍ (സുരങ്കത്തില്‍) ശ്വാസംമുട്ടി മരിച്ച സംഭവത്തെ തുടര്‍ന്ന് ഇത്തരം ഗുഹകളെ കുറിച്ച് പഠിക്കാനും സുരക്ഷിതത്വം ഉറപ്പുവരുത്താനും പൊലീസ് നടപടികള്‍ ആരംഭിച്ചു. ഈ ഭാഗങ്ങളില്‍ നിരവധി ഗുഹകളുണ്ടെന്നാണ് വിവരം. കുന്നില്‍ നിന്ന് ഊറിവരുന്ന വെള്ളം ശേഖരിക്കാന്‍ കുന്നിന്‍ ചെരിവില്‍ നിര്‍മ്മിക്കുന്ന ചെറിയ തുരങ്കങ്ങളാണിവ. പഴയകാലങ്ങളില്‍ ഇവ ഉപയോഗിച്ചിരുന്നുവെങ്കിലും ഇപ്പോള്‍ മിക്കതും ഉപയോഗിക്കാറില്ല.
വ്യാഴാഴ്ച വൈകിട്ട് മുള്ളന്‍പന്നിയെ പിടിക്കാന്‍ ഗുഹയില്‍ കയറിയപ്പോഴാണ് പൊസഡിഗുംപെ സ്വദേശി നാരായണ നായക് (41) ശ്വാസംമുട്ടി മരിച്ചത്. കൂട്ടുകാരെ ഗുഹാമുഖത്ത് നിര്‍ത്തി അകത്തുകടന്ന നാരായണ നായക് ഗുഹക്കകത്ത് മണ്ണിടിഞ്ഞതിനെ തുടര്‍ന്ന് ശ്വാസംമുട്ടി മരണപ്പെടുകയായിരുന്നു. മണിക്കൂറുകള്‍ക്ക് ശേഷം ഇന്നലെ വൈകിട്ടാണ് മൃതദേഹം പുറത്തെടുത്തത്.
ഇത്തരം ഗുഹകളില്‍ അപകടമുണ്ടാകുന്നത് ആവര്‍ത്തിക്കപ്പെടുന്ന സാഹചര്യത്തിലാണ്, ഉപയോഗപ്രദമല്ലാത്ത ഗുഹകളെ എന്തുചെയ്യണമെന്ന് പഠിക്കാന്‍ പൊലീസ് നടപടി തുടങ്ങിയത്. ഗുഹകളില്‍ മൃഗവേട്ട തടയുന്നത് അടക്കമുള്ള കാര്യങ്ങളാണ് പൊലീസ് പഠിക്കുന്നുണ്ട്. 10 വര്‍ഷം മുമ്പ് സമാനമായ രീതിയില്‍ ധര്‍മ്മത്തടുക്കയില്‍ മൂന്നുപേര്‍ ഗുഹയില്‍ ശ്വാസംമുട്ടി മരിച്ചിരുന്നു. പന്നിയെ പിടിക്കാന്‍ ഗുഹയില്‍ കയറിയവര്‍ മുളക് പൊടിയിട്ട് പുകച്ചപ്പോഴാണ് ശ്വാസംമുട്ടല്‍ അനുഭവപ്പെട്ടതും മൂന്നുപേരും മരണപ്പെട്ടതും. ഇതിന് ശേഷം ഈ ഭാഗങ്ങളില്‍ ആളുകള്‍ ഗുഹയ്ക്കകത്ത് കയറുന്നത് കുറവായിരുന്നു.
ഇന്നലെ പൊസഡിഗുംപെയില്‍ നാരായണനായകും രണ്ടു സുഹൃത്തുക്കളും ഗുഹയ്ക്ക് സമീപം നില്‍ക്കുമ്പോള്‍ മുള്ളന്‍പന്നി അതിനകത്ത് കയറുന്നത് കണ്ട് പിടികൂടാന്‍ വേണ്ടി നാരായണനായക് അകത്തുകയറുകയായിരുന്നു. ശരീരത്തില്‍ കയറ് കെട്ടിയാണ് കയറിയത്. അപകടമുണ്ടാവുകയാണെങ്കില്‍ താന്‍ ശബ്ദം വെക്കുമെന്നും അപ്പോള്‍ കയര്‍ വലിക്കണമെന്നും നാരായണ നായക് സുഹൃത്തുക്കളോട് പറഞ്ഞിരുന്നു. എന്നാല്‍ ഒരു മണിക്കൂര്‍ കഴിഞ്ഞിട്ടും തിരികെ വരാത്തതിനെ തുടര്‍ന്ന് സുഹൃത്തുക്കളിലൊരാള്‍ ഗുഹക്കകത്ത് കയറിയപ്പോള്‍ മണ്ണിടിഞ്ഞ നിലയില്‍ കാണുകയായിരുന്നു. ശ്വാസംമുട്ടല്‍ അനുഭവപ്പെട്ടതിനെ തുടര്‍ന്ന് ഇയാള്‍ പെട്ടെന്ന് തന്നെ പിന്‍വലിഞ്ഞു. പിന്നീട് ഫയര്‍ഫോഴ്‌സ് അധികൃതരെത്തി ഗുഹപരിശോധിച്ചപ്പോഴാണ് മണ്ണിടിഞ്ഞിടത്ത് കാല്‍പാദം കാണുന്നത്. രാത്രി വൈകി രക്ഷാപ്രവര്‍ത്തനം അസാധ്യമായതിനാല്‍ ഇന്നലെ രാവിലെ വീണ്ടും ആരംഭിച്ചുവെങ്കിലും മൃതദേഹം പുറത്തെടുക്കാന്‍ കഴിഞ്ഞത് വൈകിട്ടോടെയാണ്.



Recent News
  ഇരട്ടക്കൊല: ചുരുളഴിയുന്നു സി.പി.എം. പ്രാദേശിക നേതാവ് ഉള്‍പ്പെടെ ഏഴുപേര്‍ പിടിയില്‍

  കെ.എസ്.ആര്‍.ടി.സി ബസ് സ്‌കൂട്ടറിലിടിച്ച് യുവതി മരിച്ചു; 2പേര്‍ക്ക് ഗുരുതരം

  റഹ്മാന്‍ തായലങ്ങാടിക്ക് റഹീം മേച്ചേരി പുരസ്‌കാരം സമ്മാനിച്ചു

  നായന്മാര്‍മൂല സ്വദേശി അസുഖത്തെ തുടര്‍ന്ന് മരിച്ചു

  വീട്ടമ്മ കുഴഞ്ഞു വീണുമരിച്ചു

  സി.ഐ.ടി.യു നേതാവ് കുഴഞ്ഞു വീണു മരിച്ചു

  ഇരട്ടക്കൊലയില്‍ ഞെട്ടിത്തരിച്ച് ജില്ല; അന്വേഷണത്തിന് പ്രത്യേക സംഘം

  മണ്ണിടിഞ്ഞ് ബാവിക്കര തടയണ നിര്‍മ്മാണം മുടങ്ങി

  ടാങ്കര്‍ ലോറിയില്‍ കൊണ്ടുവന്ന് പുഴയില്‍ മാലിന്യം തള്ളുന്നതിനിടെ രണ്ടുപേര്‍ അറസ്റ്റില്‍

  മേല്‍പറമ്പില്‍ പൊലീസ് സ്റ്റേഷന്‍ തുടങ്ങി

  വീട്ടമ്മയുടെ സ്വര്‍ണ്ണമാല സ്‌കൂട്ടറിലെത്തിയ 2പേര്‍ തട്ടിപ്പറിച്ചു; പ്രതികളെ കുറിച്ച് സൂചന

  5 വിദ്യാര്‍ത്ഥികളെ മര്‍ദ്ദിച്ചതായി മദ്രസാ അധ്യാപകനെതിരെ പരാതി

  പുല്‍വാമ ഭീകരാക്രമണം; സൈനികര്‍ക്ക് പോലും സുരക്ഷ ഉറപ്പാക്കുന്നതില്‍ മോദി സര്‍ക്കാര്‍ പരാജയപ്പെട്ടതിന്റെ തെളിവ് -കാനം

  കാറിടിച്ച് കൊല്‍ക്കത്ത സ്വദേശിക്ക് ഗുരുതരം

  ബൈക്കിലെത്തിയ 2 പേര്‍ മാലതട്ടിപ്പറിച്ച ശേഷം തള്ളിയിട്ടു; വീട്ടമ്മക്ക് പരിക്ക്