updated on:2018-12-01 08:16 PM
മന്‍സൂര്‍ അലിവധക്കേസ്: ഒളിവില്‍ കഴിയുന്ന മുഖ്യപ്രതിയുടെ ജാമ്യക്കാരെ ഹാജരാക്കാന്‍ കോടതി നോട്ടീസ്

www.utharadesam.com 2018-12-01 08:16 PM,
കാസര്‍കോട്: തളങ്കര കടവത്ത് സ്വദേശി മന്‍സൂര്‍ അലി വധക്കേസില്‍ വിചാരണക്ക് ഹാജരാകാതെ ഒളിവില്‍ കഴിയുന്ന മുഖ്യപ്രതിയുടെ ജാമ്യക്കാരെ ഡിസംബര്‍ 31ന് ഹാജരാക്കാന്‍ കോടതി നോട്ടീസ് നല്‍കി. ജില്ലാ പ്രിന്‍സിപ്പാല്‍ സെഷന്‍സ് (മൂന്ന്) കോടതിയാണ് ജാമ്യക്കാരായ തമിഴ്‌നാട് പുതുക്കോടിയിലെ കറുപ്പയ്യയുടെ ഭാര്യ ആനന്ദി, അത്താണി അങ്കേരിയിലെ രാമസ്വാമി എന്നിവരെ ഹാജരാക്കാന്‍ പൊലീസിന് നോട്ടീസ് നല്‍കിയത്. മന്‍സൂര്‍ അലി വധക്കേസിലെ മുഖ്യപ്രതിയായ തമിഴ്‌നാട് അത്താണി അഗ്രഹാര കുടിയിരുപ്പ് കോളനിയിലെ മാരിമുത്തു എന്ന അഷ്‌റഫിനാണ് (35) ആനന്ദിയും രാമസ്വാമിയും ജാമ്യം നിന്നിരുന്നത്. കേസിന്റെ വിചാരണ വേളയില്‍ മാരിമുത്തു ഹാജരായിരുന്നില്ല. ഇതേ തുടര്‍ന്ന് മാരിമുത്തുവിനെതിരെ കോടതി അറസ്റ്റ് വാറണ്ട് പുറപ്പെടുവിക്കുകയും പ്രതിയെ ഹാജരാക്കാന്‍ ജാമ്യക്കാര്‍ക്ക് നോട്ടീസയക്കുകയും ചെയ്തിരുന്നു. എന്നാല്‍ മാരിമുത്തുവിനെ ഹാജരാക്കാന്‍ ഇവര്‍ക്കായില്ല. ഇതോടെ ജാമ്യക്കാര്‍ക്കെതിരെ കോടതി സ്വമേധയാ കേസെടുക്കുകയും ഇവരുടെ സ്വത്തുക്കള്‍ കണ്ടുകെട്ടാന്‍ ഉത്തരവിടുകയും ചെയ്തു. ഇതു സംബന്ധിച്ച നടപടി ക്രമങ്ങളുടെ ഭാഗമായാണ് ജാമ്യക്കാരെ ഹാജരാക്കാന്‍ കോടതി നിര്‍ദ്ദേശിച്ചിരിക്കുന്നത്. 2017 ജനുവരി 25 നാണ് സ്വര്‍ണ്ണ വ്യാപാരിയായ മന്‍സൂര്‍ അലിയെ തലക്കടിച്ച് കൊലപ്പെടുത്തിയ ശേഷം കിണറ്റില്‍ തള്ളിയത്. മാരിമുത്തു എന്ന മുഹമ്മദ് അഷ്‌റഫ്, കര്‍ണ്ണാടക ബണ്ടാള്‍ കറുവത്തട്ക്ക മീത്തനടുക്കയിലെ അബ്ദുല്‍ സലാം, കര്‍ണാടക ഹാസനിലെ രംഗണ്ണ എന്നിവരാണ് കേസിലെ പ്രതികള്‍. രണ്ടു മൂന്നും പ്രതികളും വിചാരണക്ക് ഹാജരായിരുന്നെങ്കിലും ഒന്നാം പ്രതി ഹാജരാകാത്തതിനാല്‍ കേസിന്റെ വിചാരണ മാറ്റിവെക്കുകയായിരുന്നു. കേസ് ഡിസംബര്‍ 14ന് കോടതി പരിഗണിക്കും.



Recent News
  കൊളംബോയിലെ സ്‌ഫോടനത്തില്‍ കൊല്ലപ്പെട്ടവരില്‍ മൊഗ്രാല്‍ പുത്തൂര്‍ സ്വദേശിനിയും

  ഉമ്മയും കുഞ്ഞും തീവണ്ടി തട്ടി മരിച്ച സംഭവം: മൊഗ്രാല്‍ പ്രദേശം കണ്ണീരണിഞ്ഞു

  ടൂറിസ്റ്റ് ബസില്‍ നിന്ന് പുകയുയര്‍ന്നത് പരിഭ്രാന്തി പരത്തി

  കാണാതായ യുവാവ് തൂങ്ങിമരിച്ചനിലയില്‍

  ക്വാര്‍ട്ടേഴ്‌സിലെ കവര്‍ച്ച; 15 കാരന്‍ അറസ്റ്റില്‍

  ശ്രദ്ധാകേന്ദ്രമായ അഞ്ച് ലോക്‌സഭാ മണ്ഡലങ്ങള്‍

  തിരഞ്ഞെടുപ്പ് പ്രചാരണത്തിന് നാളെ കൊട്ടികലാശം

  അനുമോദനം ചൂടി രഞ്ജിനയും നിഥിന്‍രാജും; കാസര്‍കോടിന് അഭിമാനം

  മുന്നാട് സ്വദേശിക്ക് സൂര്യാഘാതമേറ്റു

  ട്രെയിന്‍ തട്ടി മരിച്ച നിലയില്‍

  ഹൊസങ്കടിയില്‍ കാറിടിച്ച് കര്‍ഷകന്‍ മരിച്ചു

  ജര്‍മ്മന്‍ ടൂറിസ്റ്റുകളെ അക്രമിച്ച് പണം തട്ടിയ സംഘത്തെ തിരിച്ചറിഞ്ഞു; അന്വേഷണം കര്‍ണാടകയിലേക്ക്

  കക്ക വാരുന്നതിനിടെ യുവാവിന് സൂര്യാഘാതമേറ്റു; ജില്ലാ ആസ്പത്രിയില്‍ ചെന്നെങ്കിലും മരുന്നില്ലാതെ മടങ്ങി

  കല്യോട്ട് സതീഷ്ചന്ദ്രന് വന്‍ വരവേല്‍പ്പ്

  കോണ്‍ഗ്രസ് എന്ന വടവൃക്ഷം