updated on:2018-10-12 06:33 PM
ബെള്ളൂരില്‍ കല്ലുവെട്ട് യന്ത്രത്തിന്റെ ചെയ്‌നില്‍ കുടുങ്ങി തൊഴിലാളി മരിച്ചു

www.utharadesam.com 2018-10-12 06:33 PM,
മുള്ളേരിയ: കല്ലുവെട്ട് യന്ത്രത്തിന്റെ ചെയ്‌നില്‍ കുടുങ്ങി തൊഴിലാളി മരിച്ചു. ബെള്ളൂര്‍ പഞ്ചായത്തിലെ കുളകപ്പാറ ചെങ്കല്‍ക്വാറിയില്‍ ഇന്നലെ രാവിലെ 11 മണിയോടെയായിരുന്നു അപകടം. തൊഴിലാളി കുളകപ്പാറ കൊല്ല്യയിലെ ഗോപാല ഹെഗ്‌ഡെ(48)യാണ് മരിച്ചത്. ഇന്നലെ രാവിലെ ജോലിക്കെത്തി അല്‍പസമയം കഴിഞ്ഞായിരുന്നു അപകടം.
ജോലിക്കിടെ യന്ത്രത്തിന്റെ ചങ്ങലയില്‍ കൈകുടുങ്ങുകയായിരുന്നു. പിന്നീട് ശരീരവും യന്ത്രത്തില്‍ കുടുങ്ങി. കൂടെയുണ്ടായിരുന്നവര്‍ ഏറെ ശ്രമഫലമായി പുറത്തെടുത്ത് കര്‍ണാടക പുത്തൂരിലെ ആസ്പത്രിയില്‍ എത്തിച്ചെങ്കിലും ഉച്ചയോടെ മരണപ്പെടുകയായിരുന്നു. പുത്തൂരിലെ സ്വകാര്യ വ്യക്തിയുടെ ഉടമസ്ഥതയിലുള്ളതാണ് ക്വാറി. ഇത് അനധികൃതമായാണ് പ്രവര്‍ത്തിക്കുന്നതത്രെ. ബെള്ളൂര്‍ പഞ്ചായത്തിലെ വിവിധ ഭാഗങ്ങളില്‍ അനധികൃത ക്വാറികള്‍ പ്രവര്‍ത്തിച്ചുവരുന്നതായി പരാതിയുണ്ട്. ഇവിടങ്ങളില്‍ തൊഴിലാളികള്‍ക്ക് സുരക്ഷിതത്വമില്ലെന്നും പരാതിയുണ്ട്.
ആദൂര്‍ പൊലീസ് ഇന്‍ക്വസ്റ്റ് നടത്തിയ ശേഷം മൃതദേഹം രാത്രിയോടെ സംസ്‌കരിച്ചു.
അതേസമയം ഗോപാലഹെഗ്‌ഡെയുടെ കുടുംബത്തിന് അര്‍ഹമായ നഷ്ടപരിഹാരം നല്‍കണമെന്നാവശ്യപ്പെട്ട് സി.പി.എം പ്രവര്‍ത്തകരുടെ നേതൃത്വത്തില്‍ പ്രതിഷേധമറിയിച്ചു. പിന്നീട് മധ്യസ്ഥശ്രമത്തിന് ശേഷമാണ് പ്രതിഷേധമടങ്ങിയത്.
ഗോപാലയുടെ ഭാര്യ രമണി അസുഖംമൂലം കിടപ്പിലാണ്. മകന്‍: ലക്ഷ്മികാന്ത്. സഹോദരങ്ങള്‍: നാരായണന്‍, ഗിരിജ.



Recent News
  ഇരട്ടക്കൊലയില്‍ ഞെട്ടിത്തരിച്ച് ജില്ല; അന്വേഷണത്തിന് പ്രത്യേക സംഘം

  മണ്ണിടിഞ്ഞ് ബാവിക്കര തടയണ നിര്‍മ്മാണം മുടങ്ങി

  ടാങ്കര്‍ ലോറിയില്‍ കൊണ്ടുവന്ന് പുഴയില്‍ മാലിന്യം തള്ളുന്നതിനിടെ രണ്ടുപേര്‍ അറസ്റ്റില്‍

  മേല്‍പറമ്പില്‍ പൊലീസ് സ്റ്റേഷന്‍ തുടങ്ങി

  വീട്ടമ്മയുടെ സ്വര്‍ണ്ണമാല സ്‌കൂട്ടറിലെത്തിയ 2പേര്‍ തട്ടിപ്പറിച്ചു; പ്രതികളെ കുറിച്ച് സൂചന

  5 വിദ്യാര്‍ത്ഥികളെ മര്‍ദ്ദിച്ചതായി മദ്രസാ അധ്യാപകനെതിരെ പരാതി

  പുല്‍വാമ ഭീകരാക്രമണം; സൈനികര്‍ക്ക് പോലും സുരക്ഷ ഉറപ്പാക്കുന്നതില്‍ മോദി സര്‍ക്കാര്‍ പരാജയപ്പെട്ടതിന്റെ തെളിവ് -കാനം

  കാറിടിച്ച് കൊല്‍ക്കത്ത സ്വദേശിക്ക് ഗുരുതരം

  ബൈക്കിലെത്തിയ 2 പേര്‍ മാലതട്ടിപ്പറിച്ച ശേഷം തള്ളിയിട്ടു; വീട്ടമ്മക്ക് പരിക്ക്

  റീ ടാറിംഗിന് പകരം അറ്റകുറ്റപ്പണി; ദേശീയപാതയില്‍ ചതിക്കുഴികള്‍ പ്രത്യക്ഷപ്പെട്ടു തുടങ്ങി, അപകടം അരികെ

  ട്രാവല്‍സ് ഉടമയില്‍ നിന്ന് 18.65 ലക്ഷം വാങ്ങി വഞ്ചിച്ചതിന് കേസ്

  ജോലിക്കിടെ ടവര്‍ ഒടിഞ്ഞ് വൈദ്യുതി കമ്പിയിലേക്ക് തെറിച്ച് വീണു; ഷോക്കേറ്റ് തൊഴിലാളിക്ക് ഗുരുതരം

  ഡ്രൈവര്‍ മദ്യലഹരിയിലോടിച്ച വാന്‍ അപകടത്തില്‍പ്പെട്ടു; മൂന്ന് പേര്‍ക്ക് പരിക്ക്

  യുവാവ് മരക്കൊമ്പില്‍ തൂങ്ങിമരിച്ച നിലയില്‍

  എം.എം.കെ. ഉറുമി അന്തരിച്ചു