updated on:2018-10-11 06:26 PM
നവരാത്രി ആഘോഷങ്ങളെ ഭക്തിസാന്ദ്രമാക്കി ലക്ഷ്മീശയുടെ ദേവീ വിഗ്രഹങ്ങള്‍

www.utharadesam.com 2018-10-11 06:26 PM,
കാസര്‍കോട്: നവരാത്രി ആഘോഷങ്ങളെ ഭക്തിസാന്ദ്രമാക്കാന്‍ ലക്ഷ്മീശ രൂപ കല്‍പ്പന ചെയ്ത ദേവീ വിഗ്രഹങ്ങളെത്തി. കാസര്‍കോട് നെല്ലിക്കുന്ന് സ്വദേശിയായ ലക്ഷ്മീശ അമ്പത്തിമൂന്നാമത്തെ വയസിലും ഉത്സവപറമ്പുകളില്‍ വില്‍പ്പന നടത്തുന്നതിനായി കളിമണ്‍വിഗ്രഹങ്ങള്‍ രൂപപ്പെടുത്തുന്ന തിരക്കിലാണ്. ഇക്കഴിഞ്ഞ വിനായകചതുര്‍ഥി ആഘോഷവേളകളില്‍ കാസര്‍കോട്ടെയും പരിസരങ്ങളിലെയും ക്ഷേത്രങ്ങള്‍ കേന്ദ്രീകരിച്ചുള്ള ഉത്സവങ്ങളില്‍ വില്‍പ്പനക്കെത്തിയ ലക്ഷ്മീശയുടെ കളിമണ്ണുകൊണ്ടുണ്ടാക്കിയ ഗണേശവിഗ്രഹങ്ങള്‍ക്ക് ആവശ്യക്കാരേറെയായിരുന്നു. നല്ല ശില്‍പ്പചാതുരിയും ഭംഗിയുമുള്ള വിവിധ നിറങ്ങളോടുകൂടിയ കണ്ണഞ്ചിപ്പിക്കുന്ന വിഗ്രഹങ്ങള്‍ വാര്‍ത്തെടുക്കാന്‍ കഴിയുന്ന ലക്ഷ്മീശയുടെ കരവിരുത് കാഴ്ചക്കാരെ അത്ഭുതപ്പെടുത്തുന്നു. നവരാത്രി മഹോത്സവം തുടങ്ങിയതോടെ ആഘോഷം നടക്കുന്ന കാസര്‍കോട്ടെ ക്ഷേത്രങ്ങളിലെല്ലാം ലക്ഷ്മീശയുടെ വിഗ്രഹങ്ങളും വിശ്വാസികളെ ആകര്‍ഷിക്കുകയാണ്. ശാരദാദേവിയുടെ കളിമണ്‍ വിഗ്രഹങ്ങളാണ് ലക്ഷ്മീശ രൂപപ്പെടുത്തുന്നത്.
ദേവീക്ഷേത്രങ്ങളിലെ ഉത്സവങ്ങള്‍ക്ക് പകിട്ടേകാന്‍ ഇക്കുറിയും ലക്ഷ്മീശയുടെ വിഗ്രഹങ്ങളുണ്ടാകും. ലക്ഷ്മീശ ദേവി ദേവന്മാരുടെ വിഗ്രഹങ്ങള്‍ നിര്‍മ്മിക്കാന്‍ തുടങ്ങിയിട്ട് കാല്‍നൂറ്റാണ്ടിലേറെ കാലമായി. ഇദ്ദേഹം അറിയപ്പെടുന്ന ഒരു ചിത്രകാരന്‍ കൂടിയാണ്. ക്ഷേത്രങ്ങളിലെ മതിലുകളിലും മറ്റും നന്നായി ചിത്രം വരക്കും. ഓയില്‍പെയിന്റിംഗില്‍ സവിശേഷമായ പ്രാവീണ്യം കരസ്ഥമാക്കിയിട്ടുണ്ട്. കുമ്പളയിലെ പ്രമുഖ ചിത്രകാരനായ എം.ജി.കെ ആചാര്യയില്‍ നിന്നാണ് ലക്ഷ്മീശ ചിത്രകലയുടെ വിവിധ വശങ്ങള്‍ സ്വായത്തമാക്കിയത്. കാസര്‍കോട് ജില്ലയിലെയും ദക്ഷിണകര്‍ണ്ണാടകയിലെയും നിരവധി ക്ഷേത്രങ്ങള്‍ക്ക് വേണ്ടി ലക്ഷ്മീശ ദേവീദേവന്‍മാരുടെ ചിത്രങ്ങള്‍ വരച്ചിട്ടുണ്ട്. ലക്ഷ്മീശയുടെ സഹോദരന്‍ യോഗീശയും മികച്ച ചിത്രകാരനാണ്. ഉപജീവനമാര്‍ഗം എന്നതിലുപരി ലക്ഷ്മീശക്ക് കളിമണ്‍ വിഗ്രഹനിര്‍മ്മാണം ആത്മാര്‍പ്പണം തന്നെയാണ്. തികഞ്ഞ ആത്മീയ നിഷ്ഠയോടെ വിശ്വാസപൂര്‍വം ചെയ്യുന്ന ജോലിയായതിനാല്‍ തനിക്കിതില്‍ ഏറെ സംതൃപ്തിയുണ്ടെന്ന് ലക്ഷ്മീശ പറയുന്നു. ഭാര്യ വാണിശ്രീ ഭര്‍ത്താവിന് ആവശ്യമായ പ്രോത്സാഹനവും പിന്തുണയും നല്‍കുന്നുണ്ട്. കോളേജ് വിദ്യാര്‍ത്ഥിയായ മകന്‍ കാര്‍ത്തികിനും ചിത്രകലയില്‍ താത്പര്യമുണ്ട്.



Recent News
  അക്രമത്തിനിരയായ ബേക്കൂര്‍ സ്വദേശി മരിച്ചു; മരുമകനടക്കം നാല് പ്രതികള്‍ ഒളിവില്‍

  ഭക്ഷ്യവിഷബാധ; പത്തുപേര്‍കൂടി ആസ്പത്രിയില്‍

  ഒടയംചാലില്‍ കടകളില്‍ കവര്‍ച്ച; ലക്ഷം രൂപയും മലഞ്ചരക്ക് സാധനവും കവര്‍ന്നു

  സ്വര്‍ണവില കുതിച്ചുയരുന്നു

  കോളേജില്‍ നിന്ന് ടി.സി.നല്‍കി പറഞ്ഞുവിട്ട ഡിഗ്രി വിദ്യാര്‍ത്ഥി തൂങ്ങിമരിച്ച നിലയില്‍

  പുതിയ ബസ്സ്റ്റാന്റില്‍ ഗാന്ധി സ്‌ക്വയര്‍ മാതൃകയില്‍ പദ്ധതി തയ്യാറാക്കുന്നു

  ഗോവയില്‍ നിന്ന് കാസര്‍കോട്ടേക്ക് രാസപദാര്‍ത്ഥം കലര്‍ത്തിയ മത്സ്യം ഒഴുകുന്നു

  കാലവര്‍ഷം കനത്തതോടെ ജില്ലയില്‍ വ്യാപകമായി റോഡുകള്‍ തകര്‍ന്നു; അപകടങ്ങള്‍ പതിവാകുന്നു

  ലളിത കലാസദനം വീണ്ടും ഉണര്‍ന്നു; റബ്ഡി കാണാന്‍ നിരവധി പേരെത്തി

  തെരുവത്ത് ഹാഷിം സ്ട്രീറ്റ് ഹൊസമനക്കാടിലെ റോഡില്‍ കൈയെത്തും ദൂരത്ത് വൈദ്യുതി കമ്പികള്‍

  ജാനകി വധക്കേസിന്റെ വിചാരണ ആഗസ്റ്റ് 8ന് ആരംഭിക്കും

  എ.എം ദാമോദരന്‍ നായര്‍ അന്തരിച്ചു

  ഫോണ്‍ വഴി മദ്യവില്‍പ്പന; യുവാവ് അറസ്റ്റില്‍

  കര്‍ണാടക നിര്‍മ്മിത മദ്യവുമായി രണ്ടുപേര്‍ അറസ്റ്റില്‍

  അഞ്ചു വയസ്സുകാരന്റെ മരണം മുറിയനാവിയെ ദുഃഖസാന്ദ്രമാക്കി