updated on:2018-10-10 08:44 PM
പൈതൃകനഗരി: പുലിക്കുന്നിന് സാധ്യതയേറി; എം.എല്‍.എയും കലക്ടറും സ്ഥലം സന്ദര്‍ശിച്ചു

www.utharadesam.com 2018-10-10 08:44 PM,
കാസര്‍കോട്: ജില്ലാ ആസ്ഥാനത്തെ പ്രധാന ഭാഗങ്ങളിലൊന്നായ പുലിക്കുന്നിനെ പൈതൃക നഗരിയാക്കുന്നതിനെ കുറിച്ച് ജില്ലാ ഭരണകൂടം ആലോചിക്കുന്നു. സാംസ്‌കാരിക വകുപ്പിന്റെ നിര്‍ദ്ദേശപ്രകാരം, എല്ലാ ജില്ലകളിലും ഓരോ പൈതൃക നഗരി നിര്‍മ്മിക്കുന്നതിന്റെ ഭാഗമായി ഉചിതമായ ഇടം കണ്ടെത്തുന്നതിന് തുടക്കം കുറിച്ച ജില്ലാ ഭരണകൂടം പുലിക്കുന്നിനെയാണ് നോട്ടമിടുന്നത്. ജില്ലാ കലക്ടര്‍ ഡോ. ഡി. സജിത്ത് ബാബു പുലിക്കുന്ന് സന്ദര്‍ശിച്ചു.
പുലിക്കുന്നിന്റെ സാധ്യത ആരായുന്നതിന്റെ ഭാഗമായി എന്‍.എ നെല്ലിക്കുന്ന് എം.എല്‍.എയേയും നഗരസഭാ അധ്യക്ഷ ബീഫാത്തിമ ഇബ്രാഹിമിനേയും ജില്ലാ കലക്ടര്‍ സന്ദര്‍ശന വേളയില്‍ കൂടെകൂട്ടിയിരുന്നു. മൂവരും പുലിക്കുന്ന് ഉചിതമായ സ്ഥലമാണെന്ന നിഗമനത്തിലാണ് എത്തിയത്.
ഒരുപാട് ചരിത്രങ്ങള്‍ക്ക് സാക്ഷ്യം വഹിച്ച, നഗരസഭാ കാര്യാലയവും ടൗണ്‍ ഹാളും ജില്ലാ-മുനിസിപ്പല്‍ ലൈബ്രറികളും ഗസ്റ്റ് ഹൗസും സ്ഥിതിചെയ്യുന്ന പുലിക്കുന്ന് നഗരത്തിലെ ഏറ്റവും തിരക്കേറിയ എം.ജി റോഡിനോട് ചേര്‍ന്നുള്ള റോഡുകളിലൊന്നാണ്.
എല്‍.ഐ.സി ഓഫീസ് മുതല്‍ പുലിക്കുന്ന് ഫെറി വരെയുള്ള റോഡാണ് ജില്ലാ കലക്ടറുടെ നേതൃത്വത്തില്‍ സന്ദര്‍ശിച്ചത്.
'പുലിക്കുന്ന് ഞങ്ങള്‍ സന്ദര്‍ശിച്ചു. പൈതൃക നഗരി സൃഷ്ടിക്കാന്‍ ഉചിതമായ ഇടമാണെന്ന് തോന്നുന്നു. എല്ലാ ജില്ലാ ആസ്ഥാനങ്ങളിലും ഇത്തരം പൈതൃക നഗരങ്ങള്‍ നിര്‍മ്മിക്കാന്‍ ഉചിതമായ ഇടം കണ്ടെത്തണമെന്ന് സാംസ്‌കാരിക വകുപ്പ് ആവശ്യപ്പെട്ടിട്ടുണ്ട്. ഇതിന്റെ ഭാഗമായാണ് എം.എല്‍.എയേയും നഗരസഭാ ചെയര്‍പേഴ്‌സനേയും കൂട്ടി പുലിക്കുന്ന് സന്ദര്‍ശിച്ചത്' -ജില്ലാ കലക്ടര്‍ ഉത്തരദേശത്തോട് പറഞ്ഞു.
'ആളുകള്‍ക്ക് വൈകുന്നേരങ്ങളില്‍ വന്നിരിക്കാനും നല്ല പാട്ടുകള്‍ കേള്‍ക്കാനും സാംസ്‌കാരിക ചടങ്ങുകള്‍ സംഘടിപ്പിക്കാനും ഒക്കെയായി നഗരത്തോട് ചേര്‍ന്ന് ഒരിടം സൃഷ്ടിക്കുക എന്നതാണ് ലക്ഷ്യം. പുലിക്കുന്നിന്റെ സാധ്യത കൂടുതല്‍ പഠിച്ച ശേഷം സര്‍ക്കാറിന് റിപ്പോര്‍ട്ട് സമര്‍പ്പിക്കും' അദ്ദേഹം കൂട്ടിചേര്‍ത്തു.
പൈതൃക നഗരിക്ക് ഉചിതമായ സ്ഥലം പുലിക്കുന്നാണെന്ന വിലയിരുത്തലുമായി, പുലിക്കുന്നിലെ ചരിത്ര പശ്ചാത്തലം വിശദീകരിച്ച് 'ഉത്തരേദശം' തിങ്കളാഴ്ച ലേഖനം പ്രസിദ്ധീകരിച്ചിരുന്നു.
1984 മെയ് 24ന് അന്നത്തെ മുഖ്യമന്ത്രി കെ. കരുണാകരന്‍ കാസര്‍കോട് ജില്ല പ്രഖ്യാപിച്ചത് പുലിക്കുന്നില്‍ വെച്ചായിരുന്നു.
പൈതൃക നഗരത്തോട് അനുബന്ധിച്ച് വീഥികളില്‍ കലാരൂപങ്ങളും സ്മാരകങ്ങളും സ്ഥാപിക്കും.



Recent News
  ഇരട്ടക്കൊലയില്‍ ഞെട്ടിത്തരിച്ച് ജില്ല; അന്വേഷണത്തിന് പ്രത്യേക സംഘം

  മണ്ണിടിഞ്ഞ് ബാവിക്കര തടയണ നിര്‍മ്മാണം മുടങ്ങി

  ടാങ്കര്‍ ലോറിയില്‍ കൊണ്ടുവന്ന് പുഴയില്‍ മാലിന്യം തള്ളുന്നതിനിടെ രണ്ടുപേര്‍ അറസ്റ്റില്‍

  മേല്‍പറമ്പില്‍ പൊലീസ് സ്റ്റേഷന്‍ തുടങ്ങി

  വീട്ടമ്മയുടെ സ്വര്‍ണ്ണമാല സ്‌കൂട്ടറിലെത്തിയ 2പേര്‍ തട്ടിപ്പറിച്ചു; പ്രതികളെ കുറിച്ച് സൂചന

  5 വിദ്യാര്‍ത്ഥികളെ മര്‍ദ്ദിച്ചതായി മദ്രസാ അധ്യാപകനെതിരെ പരാതി

  പുല്‍വാമ ഭീകരാക്രമണം; സൈനികര്‍ക്ക് പോലും സുരക്ഷ ഉറപ്പാക്കുന്നതില്‍ മോദി സര്‍ക്കാര്‍ പരാജയപ്പെട്ടതിന്റെ തെളിവ് -കാനം

  കാറിടിച്ച് കൊല്‍ക്കത്ത സ്വദേശിക്ക് ഗുരുതരം

  ബൈക്കിലെത്തിയ 2 പേര്‍ മാലതട്ടിപ്പറിച്ച ശേഷം തള്ളിയിട്ടു; വീട്ടമ്മക്ക് പരിക്ക്

  റീ ടാറിംഗിന് പകരം അറ്റകുറ്റപ്പണി; ദേശീയപാതയില്‍ ചതിക്കുഴികള്‍ പ്രത്യക്ഷപ്പെട്ടു തുടങ്ങി, അപകടം അരികെ

  ട്രാവല്‍സ് ഉടമയില്‍ നിന്ന് 18.65 ലക്ഷം വാങ്ങി വഞ്ചിച്ചതിന് കേസ്

  ജോലിക്കിടെ ടവര്‍ ഒടിഞ്ഞ് വൈദ്യുതി കമ്പിയിലേക്ക് തെറിച്ച് വീണു; ഷോക്കേറ്റ് തൊഴിലാളിക്ക് ഗുരുതരം

  ഡ്രൈവര്‍ മദ്യലഹരിയിലോടിച്ച വാന്‍ അപകടത്തില്‍പ്പെട്ടു; മൂന്ന് പേര്‍ക്ക് പരിക്ക്

  യുവാവ് മരക്കൊമ്പില്‍ തൂങ്ങിമരിച്ച നിലയില്‍

  എം.എം.കെ. ഉറുമി അന്തരിച്ചു