updated on:2018-10-10 06:40 PM
ഉടമ എന്ന പേര് ചുമക്കുന്ന അടിമകളാണ് ബസുടമകള്‍- എന്‍.എ. നെല്ലിക്കുന്ന്

www.utharadesam.com 2018-10-10 06:40 PM,
കാസര്‍കോട്: ഉടമ എന്ന പേര് ചുമക്കുന്ന അടിമകളാണ് ഇന്ന് ബസുടമകളെന്നും എന്നാല്‍ കേരളീയ ജീവിതത്തില്‍ ഒഴിച്ചുകൂടാനാവാത്ത ഒരു അവിഭാജ്യ ഘടകമാണ് സ്വകാര്യ ബസുടമകളും ജീവനക്കാരുമെന്ന് എന്‍.എ. നെല്ലിക്കുന്ന് എം.എല്‍.എ. പറഞ്ഞു.
കേരള സ്റ്റേറ്റ് പ്രൈവറ്റ് ബസ് ഓപ്പറേറ്റേര്‍സ് ഫെഡറേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ കാസര്‍കോട് പുതിയ ബസ് സ്റ്റാന്റ് പരിസരത്ത് നടത്തിയ ധര്‍ണ്ണാസമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഉടമകള്‍ ഉന്നയിച്ച ആവശ്യങ്ങള്‍ തികച്ചും ന്യായമാണെന്നും ജനങ്ങള്‍ക്കു വേണ്ടി സര്‍വ്വീസ് നടത്തുന്ന സ്വകാര്യബസുകള്‍ നിലനില്‍ക്കേണ്ടത് അനിവാര്യമാണെന്നും അദ്ദേഹം പറഞ്ഞു. സ്വകാര്യ ബസ് വ്യവസായം നേരിടുന്ന പ്രതിസന്ധികള്‍ ഏറ്റവും ഗുരുതരമായ അവസ്ഥയാണ് ഇന്നുള്ളതെന്ന് മുഖ്യപ്രഭാഷണം നടത്തിയ ഫെഡറേഷന്‍ സംസ്ഥാന ട്രഷറര്‍ ഹംസ എരിക്കുന്നന്‍ പറഞ്ഞു.
ജില്ലാ പ്രസിഡണ്ട് കെ. ഗിരീഷിന്റെ അധ്യക്ഷതയില്‍ ചേര്‍ന്ന യോഗത്തില്‍ ജില്ലാ ജനറല്‍ സെക്രട്ടറി സത്യന്‍ പൂച്ചക്കാട് സ്വാഗതവും സ്റ്റേറ്റ് കൗണ്‍സില്‍ അംഗം ടി. ലക്ഷ്മണന്‍ നന്ദിയും പറഞ്ഞു. സി.എ. മുഹമ്മദ്കുഞ്ഞി (സെന്‍ട്രല്‍ കൗണ്‍സില്‍ അംഗം), സ്റ്റേറ്റ് കൗണ്‍സില്‍ അംഗങ്ങളായ വി.എം. ശ്രീപതി, പി.എ. മുഹമ്മദ്കുഞ്ഞി, എം. ഹസൈനാര്‍, തിമ്മപ്പഭട്ട് (ജില്ലാ വൈസ് പ്രസിഡണ്ട്), എന്‍.എം. ഹസൈനാര്‍ (പ്രസിഡണ്ട്, കാസര്‍കോട് താലൂക്ക്), സി. രവി (പ്രസിഡണ്ട്, ഹോസ്ദുര്‍ഗ് താലൂക്ക്), സുബ്ബണ്ണ ആള്‍വ (പ്രസിഡണ്ട്, മഞ്ചേശ്വരം താലൂക്ക്) സംസാരിച്ചു.



Recent News
  അക്രമത്തിനിരയായ ബേക്കൂര്‍ സ്വദേശി മരിച്ചു; മരുമകനടക്കം നാല് പ്രതികള്‍ ഒളിവില്‍

  ഭക്ഷ്യവിഷബാധ; പത്തുപേര്‍കൂടി ആസ്പത്രിയില്‍

  ഒടയംചാലില്‍ കടകളില്‍ കവര്‍ച്ച; ലക്ഷം രൂപയും മലഞ്ചരക്ക് സാധനവും കവര്‍ന്നു

  സ്വര്‍ണവില കുതിച്ചുയരുന്നു

  കോളേജില്‍ നിന്ന് ടി.സി.നല്‍കി പറഞ്ഞുവിട്ട ഡിഗ്രി വിദ്യാര്‍ത്ഥി തൂങ്ങിമരിച്ച നിലയില്‍

  പുതിയ ബസ്സ്റ്റാന്റില്‍ ഗാന്ധി സ്‌ക്വയര്‍ മാതൃകയില്‍ പദ്ധതി തയ്യാറാക്കുന്നു

  ഗോവയില്‍ നിന്ന് കാസര്‍കോട്ടേക്ക് രാസപദാര്‍ത്ഥം കലര്‍ത്തിയ മത്സ്യം ഒഴുകുന്നു

  കാലവര്‍ഷം കനത്തതോടെ ജില്ലയില്‍ വ്യാപകമായി റോഡുകള്‍ തകര്‍ന്നു; അപകടങ്ങള്‍ പതിവാകുന്നു

  ലളിത കലാസദനം വീണ്ടും ഉണര്‍ന്നു; റബ്ഡി കാണാന്‍ നിരവധി പേരെത്തി

  തെരുവത്ത് ഹാഷിം സ്ട്രീറ്റ് ഹൊസമനക്കാടിലെ റോഡില്‍ കൈയെത്തും ദൂരത്ത് വൈദ്യുതി കമ്പികള്‍

  ജാനകി വധക്കേസിന്റെ വിചാരണ ആഗസ്റ്റ് 8ന് ആരംഭിക്കും

  എ.എം ദാമോദരന്‍ നായര്‍ അന്തരിച്ചു

  ഫോണ്‍ വഴി മദ്യവില്‍പ്പന; യുവാവ് അറസ്റ്റില്‍

  കര്‍ണാടക നിര്‍മ്മിത മദ്യവുമായി രണ്ടുപേര്‍ അറസ്റ്റില്‍

  അഞ്ചു വയസ്സുകാരന്റെ മരണം മുറിയനാവിയെ ദുഃഖസാന്ദ്രമാക്കി