updated on:2018-10-10 02:12 PM
കാറഡുക്ക-എന്‍മകജെ തന്ത്രത്തില്‍ കുറ്റിക്കോലിലും ബി.ജെ.പി വീണു, വൈസ് പ്രസിഡണ്ട് പുറത്തായി

www.utharadesam.com 2018-10-10 02:12 PM,
കുറ്റിക്കോല്‍: കാറഡുക്ക-എന്‍മകജെ തന്ത്രം പരീക്ഷിച്ച കുറ്റിക്കോലിലും സി.പി.എം നീക്കം വിജയിച്ചു. പഞ്ചായത്ത് വൈസ് പ്രസിഡണ്ട് ബി.ജെ.പിയിലെ പി. ദാമോദരനെതിരെ സി.പി.എം കൊണ്ടുവന്ന അവിശ്വാസ പ്രമേയം വിജയിച്ചു. പി. ഗോപിനാഥനാണ് നോട്ടീസ് നല്‍കിയത്. സി.പി.എമ്മിലെ മറ്റ് അംഗങ്ങളായ കെ.എന്‍. രാജന്‍, എന്‍.ടി. ലക്ഷ്മി, പി. ദിവാകരന്‍, കെ. മണികണ്ഠന്‍, ഓമനാ ബാലകൃഷ്ണന്‍ എന്നിവര്‍ ഒപ്പിട്ട നോട്ടീസാണ് ഇന്ന് രാവിലെ ചര്‍ച്ചക്കെടുത്തത്. സി.പി.ഐയിലെ ഏക അംഗം എച്ച്. നിര്‍മ്മലകുമാരി നോട്ടീസില്‍ ഒപ്പുവെച്ചിട്ടില്ലെങ്കിലും അവിശ്വാസ പ്രമേയത്തെ പിന്തുണക്കുകയായിരുന്നു. ഭരണപക്ഷത്തെ ചില അംഗങ്ങള്‍ അവിശ്വാസ പ്രമേയത്തിന് അനുകൂലമായി വോട്ടുചെയ്യുമെന്ന സി.പി.എമ്മിന്റെ കണക്കുകൂട്ടല്‍ ഫലിച്ചു.
കോണ്‍ഗ്രസ് വിമത അംഗമായ പഞ്ചായത്ത് ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി അധ്യക്ഷ സമീറ ഖാദറും സ്വതന്ത്രനായ സുനീഷ് ജോസഫും പ്രമേയത്തിന് അനുകൂലമായി വോട്ട് ചെയ്തു. കോണ്‍ഗ്രസ് വിമത വിഭാഗത്തിലെ മൂന്നംഗങ്ങളും ആര്‍.എസ്.പി അംഗവും ഹാജരായില്ല. ബി.ജെ.പി അംഗങ്ങളായ പി. ദാമോദരന്‍, ധര്‍മ്മാവതി, ആര്‍. രഞ്ജിനി എന്നിവര്‍ ഹാജരായി പ്രമേയത്തിന് പ്രതികൂലമായി വോട്ട് ചെയ്തു. 16 അംഗ ഭരണസമിതിയില്‍ ബി.ജ.പിയുടെ പിന്തുണയോടെയാണ് കോണ്‍ഗ്രസിലെ വിമത വിഭാഗം ഇപ്പോള്‍ ഭരണം നടത്തുന്നത്. ലിസി തോമസാണ് പ്രസിഡണ്ട്.
ഇതിന് മുമ്പ് ഒരു തവണ പി. ദാമോദരനെതിരെ അവിശ്വാസ പ്രമേയം കൊണ്ടുവന്നെങ്കിലും ക്വാറം തികയാത്തതിനാല്‍ പ്രമേയം അസാധുവാകുകയായിരുന്നു. പ്രസിഡണ്ടിനെതിരെ അവിശ്വാസം കൊണ്ടുവരാതെ വൈസ് പ്രസിഡണ്ടിനെതിരെ കൊണ്ടുവന്നത് മലയോരത്ത് ചര്‍ച്ച വിഷയമായിരുന്നു. ബി.ജെ.പിയെ ഭരണത്തില്‍ നിന്നൊഴിവാക്കി കോണ്‍ഗ്രസ് വിമത വിഭാഗവുമായി സഹകരിച്ച് മുന്നോട്ട് പോകാമെന്ന തന്ത്രവും സി.പി.എം സ്വീകരിക്കാനിടയുണ്ട്. സി.പി.എമ്മിന് വൈസ് പ്രസിഡണ്ട് സ്ഥാനം കൊടുക്കുന്നതില്‍ വിമത വിഭാഗത്തിന് എതിര്‍പ്പില്ലെന്നാണ് അറിയുന്നത്.



Recent News
  ഇരട്ടക്കൊലയില്‍ ഞെട്ടിത്തരിച്ച് ജില്ല; അന്വേഷണത്തിന് പ്രത്യേക സംഘം

  മണ്ണിടിഞ്ഞ് ബാവിക്കര തടയണ നിര്‍മ്മാണം മുടങ്ങി

  ടാങ്കര്‍ ലോറിയില്‍ കൊണ്ടുവന്ന് പുഴയില്‍ മാലിന്യം തള്ളുന്നതിനിടെ രണ്ടുപേര്‍ അറസ്റ്റില്‍

  മേല്‍പറമ്പില്‍ പൊലീസ് സ്റ്റേഷന്‍ തുടങ്ങി

  വീട്ടമ്മയുടെ സ്വര്‍ണ്ണമാല സ്‌കൂട്ടറിലെത്തിയ 2പേര്‍ തട്ടിപ്പറിച്ചു; പ്രതികളെ കുറിച്ച് സൂചന

  5 വിദ്യാര്‍ത്ഥികളെ മര്‍ദ്ദിച്ചതായി മദ്രസാ അധ്യാപകനെതിരെ പരാതി

  പുല്‍വാമ ഭീകരാക്രമണം; സൈനികര്‍ക്ക് പോലും സുരക്ഷ ഉറപ്പാക്കുന്നതില്‍ മോദി സര്‍ക്കാര്‍ പരാജയപ്പെട്ടതിന്റെ തെളിവ് -കാനം

  കാറിടിച്ച് കൊല്‍ക്കത്ത സ്വദേശിക്ക് ഗുരുതരം

  ബൈക്കിലെത്തിയ 2 പേര്‍ മാലതട്ടിപ്പറിച്ച ശേഷം തള്ളിയിട്ടു; വീട്ടമ്മക്ക് പരിക്ക്

  റീ ടാറിംഗിന് പകരം അറ്റകുറ്റപ്പണി; ദേശീയപാതയില്‍ ചതിക്കുഴികള്‍ പ്രത്യക്ഷപ്പെട്ടു തുടങ്ങി, അപകടം അരികെ

  ട്രാവല്‍സ് ഉടമയില്‍ നിന്ന് 18.65 ലക്ഷം വാങ്ങി വഞ്ചിച്ചതിന് കേസ്

  ജോലിക്കിടെ ടവര്‍ ഒടിഞ്ഞ് വൈദ്യുതി കമ്പിയിലേക്ക് തെറിച്ച് വീണു; ഷോക്കേറ്റ് തൊഴിലാളിക്ക് ഗുരുതരം

  ഡ്രൈവര്‍ മദ്യലഹരിയിലോടിച്ച വാന്‍ അപകടത്തില്‍പ്പെട്ടു; മൂന്ന് പേര്‍ക്ക് പരിക്ക്

  യുവാവ് മരക്കൊമ്പില്‍ തൂങ്ങിമരിച്ച നിലയില്‍

  എം.എം.കെ. ഉറുമി അന്തരിച്ചു