updated on:2018-10-08 08:03 PM
മഞ്ചേശ്വരത്ത് സി.പി.എം ഏരിയാ കമ്മിറ്റി അംഗവും ലോക്കല്‍ സെക്രട്ടറിയും അടക്കം എട്ടുപേരെ അക്രമിച്ചു

www.utharadesam.com 2018-10-08 08:03 PM,
മഞ്ചേശ്വരം: മഞ്ചേശ്വരം പാവൂര്‍ പൊയ്യയില്‍ സി.പി.എം നേതാവിന്റെ വീട്ടില്‍ കയറി ബി.ജെ.പി. പ്രവര്‍ത്തകര്‍ നടത്തിയ അക്രമത്തില്‍ ഏരിയാ കമ്മിറ്റി അംഗവും ലോക്കല്‍ സെക്രട്ടറിയുമടക്കം എട്ടു പേര്‍ക്ക് പരിക്കേറ്റു. സംഭവുമായി ബന്ധപ്പെട്ട് മഞ്ചേശ്വരം പൊലീസ് 11 പേര്‍ക്കെതിരെ കേസെടുത്തു.
സി.പി.എം. മഞ്ചേശ്വരം ഏരിയ കമ്മിറ്റി അംഗം പാവൂര്‍ പൊയ്യയിലെ ബൂബ (51), ബൂബന്റെ ഭാര്യയും വോര്‍ക്കാടി പഞ്ചായത്ത് മുന്‍ അംഗവുമായ ഹരിണാക്ഷി (35), മകനും ഡി.വൈ.എഫ്.ഐ. പ്രവര്‍ത്തകനുമായ അക്ഷയ് (23), സി.പി.എം വോര്‍ക്കാടി ലോക്കല്‍ കമ്മിറ്റി സെക്രട്ടറി നവീന്‍കുമാര്‍ (30), ഡി.വൈ.എഫ്.ഐ. വില്ലേജ് സെക്രട്ടറി മഹേഷ് (28), ചരന്‍രാജ് (23), നിധിന്‍ (22), ദീക്ഷിത്ത് (18) എന്നിവര്‍ക്കാണ് അക്രമത്തില്‍ പരിക്കേറ്റത്. ഇവരെ കുമ്പള സഹകരണ ആസ്പത്രിയില്‍ പ്രവേശിപ്പിച്ചു. ഇന്നലെ രാത്രി ഏഴ് മണിയോടെയാണ് സംഭവം.
മജിര്‍പ്പളയില്‍ ഇന്നലെ ബി.ജെ.പിയുടെ പ്രതിഷേധ പ്രകടനം നടന്നിരുന്നു. പ്രകടനം കഴിഞ്ഞ് മടങ്ങിയ ഒരു സംഘം പൊയ്യയില്‍ ക്ഷേത്ര പരിസരം വൃത്തിയാക്കിക്കൊണ്ടിരുന്ന ദീക്ഷിത്ത്, നിധിന്‍, നവീന്‍കുമാര്‍ എന്നിവരെ മാരകായുധമായി അക്രമിച്ചു. സംഘത്തിന്റെ പിടിയില്‍ നിന്ന് രക്ഷപ്പെട്ട് ഓടിയ ഇവര്‍ ബൂബന്റെ വീട്ടില്‍ അഭയംപ്രാപിക്കുകയായിരുന്നു. എന്നാല്‍ പിന്തുടര്‍ന്നെത്തിയ അമ്പതോളം വരുന്ന സംഘം വീട്ടില്‍ കയറി ബൂബനേയും കുടുംബത്തേയും അക്രമിക്കുകയായിരുന്നു. നിലവിളികേട്ട് ഓടിക്കൂടിയ നാട്ടുകാരാണ് അക്രമത്തില്‍ പരിക്കേറ്റവരെ ആസ്പത്രിയില്‍ എത്തിച്ചത്.
കഴിഞ്ഞ ദിവസം മജിര്‍പള്ളയില്‍ നടന്ന സി.പി.എം പൊതുയോഗത്തില്‍ ബൂബ ബി.ജെ.പി-ആര്‍.എസ്.എസ് എന്നിവയ്‌ക്കെതിരെ വിമര്‍ശനം ഉന്നയിച്ചിരുന്നു. ഇതിന്റെ പേരില്‍ ബൂബക്ക് നേരെ ചില ബി.ജെ.പി. പ്രവര്‍ത്തകര്‍ ഭീഷണി മുഴക്കിയതായി പറയുന്നു. അക്രമത്തില്‍ കിരണ്‍, അങ്കിത്ത്, ദിരാജ്, ശോഭിത്ത്, സജിത്ത്, ഭരത്, കര്‍ത്തന്‍, വിജാന്ത് എന്നിവര്‍ ഉള്‍പ്പെടെ 11 പേര്‍ക്കെതിരെ മഞ്ചേശ്വരം പൊലീസ് കേസെടുത്തു.



Recent News
  ഇരട്ടക്കൊലയില്‍ ഞെട്ടിത്തരിച്ച് ജില്ല; അന്വേഷണത്തിന് പ്രത്യേക സംഘം

  മണ്ണിടിഞ്ഞ് ബാവിക്കര തടയണ നിര്‍മ്മാണം മുടങ്ങി

  ടാങ്കര്‍ ലോറിയില്‍ കൊണ്ടുവന്ന് പുഴയില്‍ മാലിന്യം തള്ളുന്നതിനിടെ രണ്ടുപേര്‍ അറസ്റ്റില്‍

  മേല്‍പറമ്പില്‍ പൊലീസ് സ്റ്റേഷന്‍ തുടങ്ങി

  വീട്ടമ്മയുടെ സ്വര്‍ണ്ണമാല സ്‌കൂട്ടറിലെത്തിയ 2പേര്‍ തട്ടിപ്പറിച്ചു; പ്രതികളെ കുറിച്ച് സൂചന

  5 വിദ്യാര്‍ത്ഥികളെ മര്‍ദ്ദിച്ചതായി മദ്രസാ അധ്യാപകനെതിരെ പരാതി

  പുല്‍വാമ ഭീകരാക്രമണം; സൈനികര്‍ക്ക് പോലും സുരക്ഷ ഉറപ്പാക്കുന്നതില്‍ മോദി സര്‍ക്കാര്‍ പരാജയപ്പെട്ടതിന്റെ തെളിവ് -കാനം

  കാറിടിച്ച് കൊല്‍ക്കത്ത സ്വദേശിക്ക് ഗുരുതരം

  ബൈക്കിലെത്തിയ 2 പേര്‍ മാലതട്ടിപ്പറിച്ച ശേഷം തള്ളിയിട്ടു; വീട്ടമ്മക്ക് പരിക്ക്

  റീ ടാറിംഗിന് പകരം അറ്റകുറ്റപ്പണി; ദേശീയപാതയില്‍ ചതിക്കുഴികള്‍ പ്രത്യക്ഷപ്പെട്ടു തുടങ്ങി, അപകടം അരികെ

  ട്രാവല്‍സ് ഉടമയില്‍ നിന്ന് 18.65 ലക്ഷം വാങ്ങി വഞ്ചിച്ചതിന് കേസ്

  ജോലിക്കിടെ ടവര്‍ ഒടിഞ്ഞ് വൈദ്യുതി കമ്പിയിലേക്ക് തെറിച്ച് വീണു; ഷോക്കേറ്റ് തൊഴിലാളിക്ക് ഗുരുതരം

  ഡ്രൈവര്‍ മദ്യലഹരിയിലോടിച്ച വാന്‍ അപകടത്തില്‍പ്പെട്ടു; മൂന്ന് പേര്‍ക്ക് പരിക്ക്

  യുവാവ് മരക്കൊമ്പില്‍ തൂങ്ങിമരിച്ച നിലയില്‍

  എം.എം.കെ. ഉറുമി അന്തരിച്ചു