updated on:2018-08-07 06:55 PM
അബൂബക്കര്‍ സിദ്ധീഖ് വധം: കത്തി കണ്ടെത്തി, പ്രതികളെ പൊലീസ് കസ്റ്റഡിയില്‍ വാങ്ങും

അശ്വത്
www.utharadesam.com 2018-08-07 06:55 PM,
ഉപ്പള: ഡി.വൈ.എഫ്.ഐ. പ്രവര്‍ത്തകന്‍ സോങ്കാല്‍ പ്രതാപ് നഗറിലെ അബൂബക്കര്‍ സിദ്ധീഖി(22)നെ കുത്തിക്കൊലപ്പെടുത്തിയ കേസില്‍ അറസ്റ്റിലായ രണ്ട് പ്രതികളെ ഇന്ന് കോടതയില്‍ ഹാജരാക്കി. ഉപ്പള പ്രതാപ് നഗറിലെ അശ്വത്(38), ശാന്തിഗുരിയില്‍ വാടക ക്വാര്‍ട്ടേഴ്‌സില്‍ താമസിക്കുന്ന കാര്‍ത്തിക്(23) എന്നിവരാണ് അറസ്റ്റിലായത്. സിദ്ധീഖിനെ കുത്താന്‍ ഉപയോഗിച്ച കത്തി കണ്ടെത്തി. ഞായറാഴ്ച രാത്രി 11 മണിയോടെയാണ് പ്രതാപ് നഗറിലെ വീടിന് അല്പം അകലെ വെച്ച് സിദ്ധീഖ് കൊല്ലപ്പെട്ടത്. പൊതു സ്ഥലത്ത് മദ്യ വില്‍പ്പന നടത്തുന്നതിനെച്ചൊല്ലിയുണ്ടായ സംഘട്ടനത്തില്‍ ഏര്‍പ്പെട്ടവരെ പിടിച്ച് മാറ്റുന്നതിനിടെയാണ് സിദ്ധീഖിന് കുത്തേറ്റത്. തുടര്‍ന്ന് മംഗളൂരുവിലെ ആസ്പത്രിയില്‍ വെച്ചാണ് മരിച്ചത്.
ഇന്നലെ ഉച്ചയോടെ ശാന്തിഗുരി കുന്നിന് മുകളില്‍വെച്ചാണ് പ്രതികളെ പൊലീസ് അറസ്റ്റ് ചെയ്തത്. ഇന്നലെ വൈകിട്ട് ഒന്നാം പ്രതി അശ്വതിനെ കൊലനടന്ന സ്ഥലത്തെത്തിച്ച് തെളിവെടുപ്പ് നടത്തി. സി.ഐ.മാരായ കെ. പ്രേംസദന്‍, സി.ബി തോമസ് എന്നിവരുടെ നേതൃത്വത്തിലായിരുന്നു തെളിവെടുപ്പ്. കൊല നടന്ന സ്ഥലത്തിന് സമീപമുള്ള കുറ്റിക്കാട്ടില്‍ നിന്നാണ് കത്തി കണ്ടെത്തിയത്. പ്രതികള്‍ സഞ്ചരിച്ച രണ്ട് ബൈക്കുകള്‍ പൊലീസ് കസ്റ്റഡിയിലെടുത്തിട്ടുണ്ട്. കൃത്യം നടത്തിയത് അറസ്റ്റിലായ രണ്ട് പേരാണെന്നും കൂടുതല്‍ ചോദ്യം ചെയ്യുന്നതിന് ഇവരെ കസ്റ്റഡിയില്‍ വാങ്ങുമെന്നും പൊലീസ് പറഞ്ഞു. കൊല്ലപ്പെട്ട സിദ്ധീഖിന്റെ മൃതദേഹം ഇന്നലെ രാത്രിയോടെ സോങ്കാല്‍ പ്രതാപ് നഗര്‍ ബദരിയ ജുമാമസ്ജിദ് അങ്കണത്തില്‍ ഖബറടക്കി. മൃതദേഹം ഒരു നോക്ക് കാണാന്‍ നാടിന്റെ നാനാ ഭാഗത്ത് നിന്നുമുള്ള ആയിരങ്ങള്‍ എത്തിയിരുന്നു. പരിയാരം മെഡിക്കല്‍ കോളേജ് ആസ്പത്രിയില്‍ പോസ്റ്റുമോര്‍ട്ടം നടത്തിയ ശേഷം പി. കരുണാകരന്‍ എം.പി., ഇ.പി. ജയരാജന്‍ എം.എല്‍.എ., സി.പി.എം. ജില്ലാ സെക്രട്ടറി എം.വി. ബാലകൃഷ്ണന്‍ തുടങ്ങിയവരുടെ നേതൃത്വത്തില്‍ ഏറ്റുവാങ്ങിയാണ് സോങ്കാലിലെ വീട്ടിലേക്ക് കൊണ്ടുവന്നത്. പരിയാരം, പിലാത്തറ, പയ്യന്നൂര്‍, കാലിക്കടവ്, ചെറുവത്തൂര്‍, നീലേശ്വരം, കാഞ്ഞങ്ങാട്, പാലക്കുന്ന്, കാസര്‍കോട്, കുമ്പള, ഉപ്പള എന്നിവിടങ്ങളില്‍ പൊതുദര്‍ശനത്തിന് വെച്ചു. തുടര്‍ന്ന് സോങ്കാലിലെ വീട്ടില്‍ പൊതു ദര്‍ശനത്തിന് വെച്ച ശേഷമാണ് മയ്യത്ത് ഖബറടക്കിയത്.



Recent News
  ചിത്രം തെളിഞ്ഞു; അങ്കംമുറുകി

  കാറില്‍ ആയുധങ്ങളുമായി 17 കാരന്‍ ഉള്‍പ്പെടെ രണ്ടുപേര്‍ അറസ്റ്റില്‍

  ലോക്‌സഭാ തിരഞ്ഞെടുപ്പ് മോദിക്കും പിണറായിക്കുമെതിരെയുള്ള യുദ്ധം-മുല്ലപ്പള്ളി

  കുമ്പളയില്‍ ക്ഷേത്രത്തിന്റെ വാതില്‍ കുത്തിത്തുറന്ന് വെള്ളിയാഭരണങ്ങള്‍ കവര്‍ന്നു

  പള്ളി ഇമാമിനെ അക്രമിച്ച സംഭവത്തില്‍ രണ്ടു പേര്‍ക്കതിരെ കേസ്; പ്രതികളെക്കുറിച്ച് സൂചന

  കല്യോട്ടെ ഇരട്ടക്കൊല: പ്രതിയെ കസ്റ്റഡിയില്‍ വിട്ട് കോടതി ഉത്തരവുണ്ടായിട്ടും ഏറ്റെടുക്കാന്‍ ഉദ്യോഗസ്ഥനെത്തിയില്ല

  പണവും മൊബൈല്‍ ഫോണും കവര്‍ന്ന കേസിലെ പ്രതി അറസ്റ്റില്‍

  മത്സ്യ വില്‍പ്പനക്ക് ഉപയോഗിക്കുന്ന മോട്ടോര്‍ സൈക്കിള്‍ തകര്‍ത്ത നിലയില്‍

  കണക്കുകളെ കീറിമുറിച്ച് ജയപരാജയ ചര്‍ച്ച

  സതീഷ്ചന്ദ്രന്റെ തിരഞ്ഞെടുപ്പ് പ്രചരണത്തിന് മുഖ്യമന്ത്രി പിണറായി എത്തുന്നു

  മോദി ഭരണം തുടര്‍ന്നാല്‍ ഭരണഘടന തന്നെ ഇല്ലാതാവും-ഹൈദരലി തങ്ങള്‍

  ലോക്‌സഭാ തിരഞ്ഞെടുപ്പ്; കാസര്‍കോട്ട് ഒരുക്കങ്ങള്‍ അവസാന ഘട്ടത്തിലെന്ന് ജില്ലാ കലക്ടര്‍

  രേഖകളുണ്ടായാലും പിഴയടക്കണം; ഹൈവേ പൊലീസ് പരിശോധനക്കെതിരെ വിമര്‍ശനം

  കര്‍ണാടകയില്‍ നിന്ന് കാണാതായ 17കാരനെ തേടി പൊലീസ് കാസര്‍കോട്ട്

  ബൈക്കില്‍ നിന്ന് വീണ് പരിക്കേറ്റ കര്‍ഷകന്‍ മരിച്ചു