updated on:2018-08-06 07:15 PM
ഉപ്പളയിലെ കൊലപാതകം രാഷ്ട്രീയ പ്രേരിതമല്ല -അഡ്വ. പി.എസ് ശ്രീധരന്‍ പിള്ള

www.utharadesam.com 2018-08-06 07:15 PM,
കാസര്‍കോട്: ഉപ്പള സോങ്കാലിലെ സി.പി.എം പ്രവര്‍ത്തകന്‍ സിദ്ദീഖിന്റെ കൊലപാതകം രാഷ്ട്രീയ പ്രേരിതമല്ലെന്ന് ബി.ജെ.പി സംസ്ഥാന പ്രസിഡണ്ട് അഡ്വ. പി.എസ് ശ്രീധരന്‍ പിള്ള. കാസര്‍കോട് പ്രസ്‌ക്ലബ്ബിന്റെ 'മീറ്റ് ദി പ്രസ്' പരിപാടിയില്‍ സംസാരിക്കുകയായിരുന്നു അദ്ദേഹം. കുറ്റവാളികള്‍ക്കെതിരെ കര്‍ശനമായ നടപടി എടുക്കണം. മദ്യവില്‍പനയുമായി ബന്ധപ്പെട്ടുണ്ടായ തര്‍ക്കമാണ് ഉപ്പളയിലെ കൊലയ്ക്ക് കാരണം. സി.പി.എം മുതലെടുപ്പ് രാഷ്ട്രീയം ഒഴിവാക്കണം-ശ്രീധരന്‍ പിള്ള പറഞ്ഞു.
കാസര്‍കോട്ട് എയിംസ് അനുവദിച്ചുകിട്ടുന്നതിന് പാര്‍ട്ടി ശക്തമായ സമ്മര്‍ദ്ദം ചെലുത്തും. കാസര്‍കോടിന് ഒരു മെഡിക്കല്‍ കോളേജ് കൂടിയെ തീരു. 2014ല്‍ രാജ്യത്ത് 14 എയിംസ് കോളേജുകള്‍ തുടങ്ങാനുള്ള ശ്രമമുണ്ടായി. പക്ഷെ സ്ഥലം ലഭ്യമാവാത്തതിനാല്‍ കേരളത്തിന് എയിംസ് നഷ്ടമായി.
കാസര്‍കോട്ട് ജില്ലാ കലക്ടര്‍ ഇല്ലാതെ ഒരുമാസമായി. എന്തുകൊണ്ടാണിത്. ഐ.എ.എസുകാര്‍ക്ക് ക്ഷാമുണ്ടായിട്ടോ, അതോ പാര്‍ട്ടിക്കുള്ളിലെ ആഭ്യന്തര പ്രശ്‌നംമൂലമാണോ? എത്രയും പെട്ടെന്ന് ജില്ലാ കലക്ടറുടെ ഒഴിവ് നികത്താന്‍ നടപടിയുണ്ടാവണം.
കേരളത്തില്‍ ബി.ജെ.പിക്ക് അനന്തമായ സാധ്യത തെളിഞ്ഞുവരുന്നുണ്ടെന്നും മറ്റു പാര്‍ട്ടികളില്‍ നിന്ന് പ്രമുഖ നേതാക്കളടക്കം ബി.ജെ.പിയിലേക്ക് വരാന്‍ ഒരുങ്ങുകയാണ്. സി.പി.എമ്മിന്റെ ഗ്രാഫ് താഴോട്ട് തന്നെയാണ്. സി.പി.എം ആശാനും വിളക്കുമായി ഒതുങ്ങി -ശ്രീധരന്‍ പിള്ള പറഞ്ഞു.
കീഴാറ്റൂര്‍ വിഷയത്തിലും സി.പി.എമ്മിന്റെയും കേരള ഭരണകൂടത്തിന്റെയും നിഷേധാത്മക സമീപനാണ് ഉണ്ടായത്. ബി.ജെ.പി ജില്ലാ പ്രസിഡണ്ട് അഡ്വ. കെ. ശ്രീകാന്തും ഒപ്പമുണ്ടായിരുന്നു. പ്രസ്‌ക്ലബ്ബ് പ്രസിഡണ്ട് ടി.എ ഷാഫി അധ്യക്ഷത വഹിച്ചു. സെക്രട്ടറിയുടെ ചുമതല വഹിക്കുന്ന കെ.വി പത്മേഷ് സ്വാഗതം പറഞ്ഞു.



Recent News
  പോക്‌സോ കേസില്‍ യുവാവ് അറസ്റ്റില്‍

  കള്ളനോട്ട് കേസിലെ പ്രതിയെ പൊലീസ് കസ്റ്റഡിയില്‍ വാങ്ങി; പ്രിന്റ് ചെയ്ത മെഷീന്‍ കണ്ടെത്തി

  ഫോര്‍ട്ട് റോഡില്‍ തീപിടിത്തം

  വ്യാപാരിയില്‍ നിന്ന് 12 ലക്ഷം രൂപ വാങ്ങി വഞ്ചിച്ച കേസില്‍ ഒരാള്‍ അറസ്റ്റില്‍

  പിഞ്ചുകുഞ്ഞ് മരിച്ചത് തലക്കേറ്റ ക്ഷതം മൂലമെന്ന് പോസ്റ്റുമോര്‍ട്ടം റിപ്പോര്‍ട്ട്; രക്ഷിതാക്കളെ ചോദ്യം ചെയ്യും

  കാറില്‍ കടത്തുകയായിരുന്ന കര്‍ണാടക നിര്‍മ്മിത മദ്യവുമായി മുണ്ട്യത്തടുക്ക സ്വദേശി അറസ്റ്റില്‍

  സംസ്ഥാനത്തെ ഉന്നത വിദ്യാഭ്യാസ മേഖലയെ ലോക നിലവാരത്തിലേക്കുയര്‍ത്തുന്നതിന് ഇടപെടും-ഗവര്‍ണര്‍

  കെ.എം. അഹ്മദ് സ്മാരക മാധ്യമ പുരസ്‌കാരം കാര്‍ട്ടൂണിസ്റ്റ് ഗോപീകൃഷ്ണന് സമ്മാനിച്ചു

  സ്‌കൂള്‍ വിദ്യാര്‍ത്ഥിനിയെ പീഡിപ്പിച്ച കേസിലെ പ്രതിക്ക് 10 വര്‍ഷം കഠിനതടവ്

  അനധികൃത കടവുകള്‍ നശിപ്പിച്ചു

  പുഴയില്‍ കണ്ടെത്തിയ മൃതദേഹം മുഹമ്മദ് കുഞ്ഞിയുടേതാണെന്ന് ഉറപ്പാക്കുന്ന തെളിവുകള്‍ ലഭിച്ചെന്ന് പൊലീസ്

  ബൈക്ക് ഉപേക്ഷിച്ചനിലയില്‍

  നാടക സംവിധായകന്‍ ചന്ദ്രാലയം നാരായണന്‍ അന്തരിച്ചു

  ഉളിയത്തടുക്കയില്‍ സംഘര്‍ഷം; നിരവധി പേര്‍ക്ക് പരിക്ക്, വ്യാപാര സ്ഥാപനങ്ങള്‍ക്ക് നേരെയും അക്രമം

  അഹ്മദ് മാഷ് അനുസ്മരണവും പുരസ്‌കാരദാനവും ഇന്ന്