updated on:2018-07-12 08:59 PM
കാറില്‍ മദ്യക്കടത്ത്; പ്രതി അറസ്റ്റില്‍

www.utharadesam.com 2018-07-12 08:59 PM,
കുമ്പള: മദ്യക്കടത്തിനിടെ പൊലീസിനെ കണ്ട് കാറും മദ്യവും ഉപേക്ഷിച്ച് രക്ഷപ്പെട്ട കേസിലെ പ്രതിയെ കുമ്പള എസ്.ഐ ടി.വി അശോകനും സംഘവും അറസ്റ്റ് ചെയ്തു. കുഞ്ചത്തൂരിലെ യോഗേഷ് (37) ആണ് അറസ്റ്റിലായത്. ഒരുമാസം മുമ്പ് കുമ്പള സി.ഐയും സംഘവും കൈക്കമ്പയില്‍ നടത്തിയ വാഹന പരിശോധനക്കിടെ കാര്‍ നിര്‍ത്താതെ കണ്ണാടിപ്പാറ-ബന്തിയോട്-ആരിക്കാടി-ബംബ്രാണ വഴി ഓടിച്ചുപോവുകയായിരുന്നു. പൊലീസ് പിന്തുടരുന്നതിനിടെ കഞ്ചിക്കട്ടയില്‍ കാര്‍ ഉപേക്ഷിച്ച് രണ്ടുപേര്‍ ഓടി രക്ഷപ്പെടുകയായിരുന്നു. കാറും മദ്യവും പൊലീസ് കസ്റ്റഡിയിലെടുത്തിരുന്നു.