updated on:2018-07-11 07:18 PM
കുണ്ടങ്കാറടുക്ക ഇന്റര്‍ലോക്ക് റോഡ് വീണ്ടും തകര്‍ന്നു; വിജിലന്‍സില്‍ പരാതി നല്‍കിയിട്ടും നടപടിയില്ല

www.utharadesam.com 2018-07-11 07:18 PM,
കുമ്പള: കുമ്പള കുണ്ടങ്കാറടുക്ക ഇന്റര്‍ലോക്ക് റോഡ് വീണ്ടും തകര്‍ന്നു. വിജിലന്‍സില്‍ പരാതി നല്‍കിയിട്ടും വേണ്ട നടപടിയുണ്ടായില്ലെന്ന് ആക്ഷേപം. ഒന്നരവര്‍ഷം മുമ്പാണ് 27ലക്ഷം രൂപ മുതല്‍മുടക്കി തീരദേശ ഹര്‍ബര്‍ പദ്ധതിയില്‍ ഉള്‍പ്പെടുത്തി റോഡ് നിര്‍മ്മിച്ചത്.
എഴുന്നൂറ് മീറ്റര്‍ റോഡിന്റെ പണി ആരംഭിക്കുമ്പോള്‍ തന്നെ പ്രവൃത്തിയില്‍കൃത്രിമം ആരോപിച്ച് നാട്ടുകാര്‍ പ്രവൃത്തി തടഞ്ഞിരുന്നു. കരാറുകാരന്‍ അഴിമതി കാണിക്കില്ലെന്ന് ഉറപ്പ് നല്‍കിയതിന് ശേഷമാണ് പണി തുടങ്ങാന്‍ നാട്ടുകാര്‍ അനുവദിച്ചത്. ആറുമാസത്തിനിടെ പല സ്ഥലത്തായി ഇന്റര്‍ലോക്ക് ഇളകിത്തെറിക്കാന്‍ തുടങ്ങിതോടെ നാട്ടുകാരുടെ പ്രതിഷേധം ശക്തമായി. അതിനിടെ റോഡില്‍ മണലിറക്കി തടിയൂരിയതായും ആക്ഷേപമുയര്‍ന്നു. ഇതുസംബന്ധിച്ച് ഡി.വൈ.എഫ്. ഐ. കുമ്പള വില്ലേജ് ജോ. സെക്രട്ടറി ജാഫര്‍ കാസര്‍കോട് വിജിലന്‍സിന് പരാതി നല്‍കുകയും ചെയ്തു. വിജിലന്‍സ് നടപടി എടുത്തതായി പറയുന്നുണ്ടെങ്കിലും ഇതിന്റെ ഒരു രേഖയും പരാതികാരന് ലഭിച്ചിട്ടില്ലെന്ന് പറയുന്നു. ശക്തമായ മഴയില്‍ ഇന്റര്‍ലോക്ക് ഇളകിക്കിടക്കുന്നതിനാല്‍ ഇരുചക്രവാഹനങ്ങള്‍ രാത്രികാലങ്ങളില്‍ അപകടത്തില്‍പ്പെടുന്നത് പതിവാണ്. നാട്ടുകാര്‍ ഒപ്പ് ശേഖരിച്ച് മന്ത്രിക്കും മറ്റ് ഉയര്‍ന്ന ഉദ്യോഗസ്ഥര്‍ക്കും പരാതി നല്‍കാന്‍ തീരുമാനിച്ചിട്ടുണ്ട്.



Recent News
  എയിംസ്: സര്‍വ്വ കക്ഷി സംഘം മുഖ്യമന്ത്രിയുമായി ചര്‍ച്ച നടത്തി

  ഡി.ഡി.ഇ ഓഫീസിലേക്ക് കെ.എസ്.ടി.എയുടെ കൂറ്റന്‍ മാര്‍ച്ച്

  എയിംസ് കാസര്‍കോട്ട് സ്ഥാപിച്ചാല്‍ പാവപ്പെട്ട രോഗികള്‍ക്ക് ആശ്വാസമാകും-എസ്.പി.ഉദയകുമാര്‍

  കൊളക്കബയല്‍ മാസ്റ്റര്‍ അന്തരിച്ചു

  മാലിക് ദീനാര്‍ പള്ളി ഭരണസമിതി: കൗണ്‍സില്‍ അംഗങ്ങളുടെ തിരഞ്ഞെടുപ്പ് പൂര്‍ത്തിയായി

  പടന്നക്കാട്ട് റെയില്‍വേ ട്രാക്കില്‍ വിള്ളല്‍; തീവണ്ടികള്‍ വൈകിയോടി

  ഇറങ്ങുന്നതിനിടെ ബസ് മുന്നോട്ടെടുത്തു; വാതിലിനിടയില്‍ കുടുങ്ങി യുവതിയുടെ വിരലറ്റു

  അമ്മക്ക് പിന്നാലെ മകള്‍ മരിച്ചു

  ഇന്ത്യന്‍ ജൂനിയര്‍ വനിതാ ഫുട്‌ബോള്‍ ക്യാമ്പില്‍ ഇടം നേടിയ മൂന്നു മലയാളികളും കാസര്‍കോട്ടുകാര്‍

  കാസര്‍കോട് റെയില്‍വേ സ്‌റ്റേഷനില്‍ 41.5 ലക്ഷം രൂപ ചെലവില്‍ ലിഫ്റ്റ് സ്ഥാപിക്കുന്നു

  ആരോഗ്യത്തോടെ ജീവിക്കുകയെന്നത് പൗരന്റെ മൗലികാവകാശം-എന്‍.എസ്.മാധവന്‍

  പെര്‍മുദെയില്‍ രണ്ട് പേരെ തലക്കടിച്ച് പരിക്കേല്‍പ്പിച്ച കേസിലെ പ്രതി അറസ്റ്റില്‍

  ഒന്നര വയസുള്ള കുട്ടി ആള്‍മറയില്ലാത്ത കിണറ്റില്‍ വീണ് മരിച്ചു

  വഖഫ് ശാക്തീകരണത്തിന് മഹല്ലുകള്‍ സജീവമാകണം-റഷീദലി തങ്ങള്‍

  കുട്ടികള്‍ക്കെതിരായ കുറ്റകൃത്യങ്ങള്‍; ജില്ലയില്‍ ഒരുവര്‍ഷത്തിനിടെ രജിസ്റ്റര്‍ ചെയ്തത് നൂറ് കേസുകള്‍