updated on:2018-07-10 05:52 PM
കെ.എസ്.ആര്‍.ടി.സി. ബസ് കര്‍ണാടക പൊലീസ് പിടിച്ചുവെച്ചു; കേരള ട്രാന്‍സ്‌പോര്‍ട്ട് കോര്‍പ്പറേഷന് വന്‍ സാമ്പത്തിക നഷ്ടം

www.utharadesam.com 2018-07-10 05:52 PM,
കാസര്‍കോട്: ഗതാഗത നിയമം ലംഘിച്ചതിന് കെ.എസ്.ആര്‍.ടി.സി. ബസ് കര്‍ണാടക പൊലീസ് പിടിച്ചുവെച്ചു. കാസര്‍കോട്ട് നിന്ന് മംഗളൂരുവിലേക്ക് പോയ കെ.എസ്.ആര്‍.ടി.സി. ബസാണ് കര്‍ണാടക കദ്രി പൊലീസ് പിടികൂടിയത്. മംഗളൂരു ബണ്ട്‌സ് ഹോസ്റ്റലിന് സമീപം ഗതാഗത നിയന്ത്രണത്തിന് സ്ഥാപിച്ച ഫൈബര്‍ കോണിനു മുകളില്‍ കെ.എസ്.ആര്‍.ടി.സി. ബസ് കയറുകയായിരുന്നു. ഇതേ തുടര്‍ന്ന് ബസ് കസ്റ്റഡിയിലെടുത്ത പൊലീസ് കേസ് രജിസ്റ്റര്‍ ചെയ്യുകയും ഡ്രൈവറുടെ അറസ്റ്റ് രേഖപ്പെടുത്തുകയുമായിരുന്നു.
ഡ്രൈവറെ പിന്നീട് ജാമ്യത്തില്‍ വിട്ടെങ്കിലും ബസ് വിട്ടുകൊടുത്തില്ല. അസല്‍ രേഖകള്‍ ഹാജരാക്കാതെ ബസ് വിട്ടുകൊടുക്കില്ലെന്നാണ് പൊലീസ് പറയുന്നത്. അസല്‍ രേഖള്‍ ഉള്ളത് തിരുവനന്തപുരം കോര്‍പ്പറേഷന്‍ ഓഫീസിലാണ്. അത് ഹാജരാക്കാതെ ബസ് വിട്ടുകിട്ടില്ല. ദിവസവും നാല് ട്രിപ്പ് ഓടുന്ന ബസ് പിടിച്ചുവെച്ചതിനാല്‍ വന്‍ സാമ്പത്തിക നഷ്ടം നേരിടുന്നതായി കേരള ട്രാന്‍സ്‌പോര്‍ട്ട് കോര്‍പ്പറേഷന്‍ വ്യക്തമാക്കി. സര്‍വ്വീസ് മുടങ്ങിയതിനാല്‍ ഇതുവരെ അരലക്ഷത്തോളം രൂപയുടെ നഷ്ടമാണ് സംഭവിച്ചത്.
മംഗളരുവില്‍ ഗതാഗതനിയമം പാലിക്കാത്ത വാഹനങ്ങള്‍ക്കെതിരെ കര്‍ശന നടപടികളാണ് സ്വീകരിക്കുന്നത്. കര്‍ണ്ണാടക ട്രാന്‍സ്‌പോര്‍ട്ട് കോര്‍പ്പറേഷന്റെ ബസുകള്‍ക്കും നിയമം ബാധകമാണ്.



Recent News
  ഹോളോബ്രിക്‌സ് നിര്‍മ്മാണ യൂണിറ്റ് ഷെഡ്ഡ് കാറ്റില്‍ നശിച്ചു; 4 ബൈക്കുകള്‍ തകര്‍ന്നു

  തീവണ്ടി യാത്രയ്ക്കിടെ ഹൃദയാഘാതം മൂലം മരണപ്പെട്ടു

  ഉപ്പളയില്‍ പൊലീസിനെയും നാട്ടുകാരെയും ആയുധങ്ങളുടെ മുള്‍മുനയില്‍ നിര്‍ത്തി ഗുണ്ടകളുടെ വിളയാട്ടം

  കൊലക്ക് പിന്നില്‍ പത്തുപേരെന്ന് അന്വേഷണ സംഘം; മൂന്നു പേരെ തിരയുന്നു

  കല്ല്യോട്ട് സി.പി.എം നേതാക്കള്‍ക്കെതിരെ കയ്യേറ്റ ശ്രമം

  ഫോണുകള്‍ മോഷ്ടിച്ചതിനും ഭീഷണിപ്പെടുത്തിയതിനും കേസ്

  മോഷണക്കേസ് പ്രതി അറസ്റ്റില്‍

  സി.പി.എം അക്രമത്തെ നേരിടും -കെ. മുരളീധരന്‍

  പൊലീസ് ഉദ്യോഗസ്ഥരുമായി മുഖ്യമന്ത്രി ചര്‍ച്ച നടത്തി

  പെരിയയിലേത് ഹീനമായ കൊല-മുഖ്യമന്ത്രി

  കുക്കാറില്‍ വെടിവെപ്പ്; പൊലീസ് അന്വേഷണം തുടങ്ങി

  കാറും ഓട്ടോയും കൂട്ടിയിടിച്ച് കുട്ടികള്‍ ഉള്‍പ്പെടെ 6 പേര്‍ക്ക് പരിക്ക്

  ഗാര്‍ഹിക പീഡനം: യുവതിക്ക് 19 ലക്ഷം രൂപയുടെ സ്വര്‍ണവും 2 ലക്ഷം രൂപ നഷ്ടപരിഹാരവും നല്‍കാന്‍ വിധി

  അംഗപരിമിതനായ യുവാവിനെ ഇരുമ്പുറാഡ് കൊണ്ട് അടിച്ചു

  പീഡനം: മദ്രസ അധ്യാപകന്‍ അറസ്റ്റില്‍; 5 പോക്‌സോ കേസുകള്‍ രജിസ്റ്റര്‍ ചെയ്തു