updated on:2018-06-12 06:35 PM
ജനറല്‍ ആസ്പത്രിയിലെ ലിഫ്റ്റ് നന്നാക്കുന്നതിനടക്കം നടപടി തുടങ്ങിയെന്ന് മന്ത്രി

www.utharadesam.com 2018-06-12 06:35 PM,
തിരുവനന്തപുരം: കാസര്‍കോട് ജനറല്‍ ആസ്പത്രിയില്‍ ഒരുമാസത്തിലധികമായി ലിഫ്റ്റ് തകരാറിലായതിനാല്‍ മൃതദേഹങ്ങളടക്കം ചുമന്ന് താഴെ ഇറക്കേണ്ടിവരുന്ന ദുരവസ്ഥയെ കുറിച്ച് എന്‍.എ നെല്ലിക്കുന്ന് അവതരിപ്പിച്ച സബ്മിഷന്‍ സര്‍ക്കാറിന്റെ കണ്ണുതുറക്കുന്നതായി. ജനറല്‍ ആസ്പത്രിയില്‍ നിരന്തരം ലിഫ്റ്റ് തകരാറിലാകുന്നതും ഇത് മൂലം ഏഴ് നില ആസ്പത്രി കെട്ടിടത്തില്‍ ഇറങ്ങാനും കയറാനുമായി രോഗികളും പരിചാരകരും ജീവനക്കാരും അനുഭവിക്കുന്ന ദുരിതങ്ങളും എം.എല്‍.എ സബ്മിഷന്‍ വഴി ചൂണ്ടിക്കാട്ടി. ആസ്പത്രിയില്‍ റാമ്പില്ലാത്ത കാര്യവും അദ്ദേഹം എടുത്തു പറഞ്ഞു. ബ്ലഡ് കോംപോണന്റ് സെപറേഷന്‍ യൂണിറ്റ് പ്രവര്‍ത്തിപ്പിക്കുന്നതിന് ജനറേറ്ററിന്റെയും ഒരു വര്‍ഷം ജോലി പരിചയമുള്ള ടെക്‌നീഷ്യന്റെയും ആവശ്യമുണ്ടെന്നും കണ്ണ് രോഗ വിഭാഗത്തിലെ ഓപ്പറേറ്റിങ് മൈക്രോസ്‌കോപ്പ് റിപ്പയര്‍ ചെയ്യാനാകാത്തനിലയില്‍ കേടായതിനാല്‍ മാസങ്ങളായി ഓപ്പറേഷന്‍ നടക്കാതെ കിടക്കുന്നതായും എം.എല്‍.എ സബ്മിഷനില്‍ വ്യക്തമാക്കി. ഇന്‍സിനേറ്റര്‍ സംവിധാനം ഏര്‍പ്പെടുത്താത്തതടക്കമുള്ള ന്യൂനതകളും എന്‍.എ നെല്ലിക്കുന്ന് നിയമസഭയുടെ ശ്രദ്ധയില്‍കൊണ്ടുവന്നു.
എറണാകുളത്തെ ഒമേഗ എന്ന സ്ഥാപനം ഹൈദരാബാദിലെ കമ്പനിയുമായി ബന്ധപ്പെട്ട് തകരാറിലായ പാര്‍ട്‌സുകള്‍ എത്തിച്ച് ലിഫ്റ്റ് എത്രയും പെട്ടെന്ന് പ്രവര്‍ത്തന ക്ഷമമാക്കുമെന്ന് ആരോഗ്യമന്ത്രി ഉറപ്പുനല്‍കി. രക്തഘടകം വേര്‍തിരിക്കല്‍ യൂണിറ്റിന് ആവശ്യമായി വരുന്ന ഉപകരണങ്ങള്‍ വാങ്ങാന്‍ കേരള മെഡിക്കല്‍ സര്‍വ്വീസ് കോര്‍പ്പറേഷന്‍ ഓര്‍ഡര്‍ നല്‍കിയെന്നും കെട്ടിടത്തിന്റെ വയറിങ് ജോലികള്‍ പൂര്‍ത്തിയായിട്ടുണ്ടെന്നും ഇതിന് ഏഴ് ലക്ഷത്തിലധം രൂപ ചെലവ് വരുമെന്നും മന്ത്രി മറുപടി നല്‍കി. ഓപ്പറേഷന്‍ തിയേറ്ററും വെന്റിലേറ്ററും ശരിയാക്കുന്നതിന് വേണ്ടിയുള്ള നടപടിയും ആരംഭിച്ചിട്ടുണ്ട്.
ഇന്‍സിനേറ്റര്‍ സ്ഥാപിക്കാന്‍ വിശദമായ പ്രൊപ്പോസല്‍ നല്‍കാന്‍ ജില്ലാ മെഡിക്കല്‍ ഓഫീസറോട് നിര്‍ദ്ദേശം നല്‍കിയിട്ടുണ്ടെന്നും ആരോഗ്യമന്ത്രി പറഞ്ഞു.



Recent News
  കാസര്‍കോട് ജില്ലാ ക്രിക്കറ്റ് അസോസിയേഷന്‍ ജനറല്‍ ബോഡിക്ക് സ്റ്റേ

  പ്രളയത്തില്‍ കുടുങ്ങിയവരില്‍ കാസര്‍കോട്ടുകാരും; സുരക്ഷിതരെന്നറിയിച്ച് ഫോണ്‍ വിളിയെത്തി

  കാഞ്ഞങ്ങാട്ട് ബൈക്കും കാറും കൂട്ടിയിടിച്ച് അധ്യാപകന്‍ മരിച്ചു

  ബിരുദ വിദ്യാര്‍ത്ഥിനിയെ കാണാതായതായി പരാതി

  ഓട്ടോയില്‍ വാനിടിച്ച് മരിച്ച യുവാവിന്റെ കുടുംബത്തിന് 15.2 ലക്ഷം രൂപ നഷ്ടപരിഹാരം നല്‍കാന്‍ വിധി

  മൊഗ്രാല്‍ പുത്തൂര്‍ സ്വദേശി ബംഗളൂരുവില്‍ അന്തരിച്ചു

  വിദ്യാര്‍ത്ഥിനിയെ വീട്ടുവേലക്ക് നിര്‍ത്തി ലൈംഗികമായി പീഡിപ്പിക്കാന്‍ ശ്രമിച്ചതിന് ദമ്പതികള്‍ക്കെതിരെ കേസ്

  രണ്ട് ടോറസ് ലോറികളില്‍ കടത്തുകയായിരുന്ന മണല്‍ പിടിച്ചു

  വൃദ്ധ സദനത്തില്‍ പ്രവേശിപ്പിച്ച തമിഴ്‌നാട് സ്വദേശി മരിച്ചു

  വാട്‌സ് ആപ്പില്‍ വ്യാജ പ്രചരണം നടത്തിയതിന് യുവാവ് അറസ്റ്റില്‍

  കുടകില്‍ മണ്ണിടിച്ചില്‍; കാസര്‍കോട്ടേക്കുള്ള

  വ്യവസായ എസ്റ്റേറ്റില്‍ മരം വീണ് വൈദ്യുതി തൂണുകള്‍ തകര്‍ന്നു; ട്രാന്‍സ്‌ഫോര്‍മര്‍ തകരാറിലായി

  പയസ്വിനി പുഴ കരകവിഞ്ഞൊഴുകി; ജാല്‍സൂര്‍-പരപ്പ പാതയില്‍ വെള്ളം കയറി

  യുവതിയുടെ മരണം ആത്മഹത്യയെന്ന് പോസ്റ്റുമോര്‍ട്ടം റിപ്പോര്‍ട്ട്

  ജോലിക്കിടെ ഷോക്കേറ്റ് മരിച്ച ലൈന്‍മാന്റെ മൃതദേഹം വൈദ്യുതി സെക്ഷന്‍ ഓഫീസില്‍ പൊതുദര്‍ശനത്തിന് വെച്ചു