updated on:2018-05-16 06:32 PM
ബന്ധുവിനെ രക്ഷിക്കാന്‍ ബലാത്സംഗമെന്ന് വ്യാജ പരാതി: കേസ് പിന്‍വലിക്കുന്നതായി അറിയിച്ച് പെണ്‍കുട്ടി കോടതിയില്‍

www.utharadesam.com 2018-05-16 06:32 PM,
കാസര്‍കോട്: ബന്ധുവായ യുവാവില്‍ നിന്നും ഗര്‍ഭം ധരിച്ച ശേഷം ഉത്തരവാദിത്വം നിരപരാധിയായ യുവാവില്‍ ആരോപിച്ച് ബലാത്സംഗപരാതി നല്‍കിയ പെണ്‍കുട്ടി കേസ് പിന്‍വലിക്കുന്നതായി അറിയിച്ച് കോടതിയില്‍ ഹരജി നല്‍കി. ബദിയടുക്ക പൊലീസ് രജിസ്റ്റര്‍ ചെയ്ത ബലാത്സംഗക്കേസിലെ പരാതിക്കാരിയായ ഉപ്പിനങ്ങാടി സ്വദേശിനിയാണ് കേസ് പിന്‍വലിക്കുന്നതായി അറിയിച്ചുകൊണ്ട് ജില്ലാ അഡീഷണല്‍ സെഷന്‍സ് (ഒന്ന്) കോടതിയെ സമീപിച്ചത്. 2016 നവംബര്‍ 16നാണ് അടുക്കസ്ഥലയിലെ നവീന്‍കുമാര്‍ തന്നെ ബലാത്സംഗത്തിനിരയാക്കിയെന്നും ഇതേ തുടര്‍ന്ന് താന്‍ ഗര്‍ഭിണിയാണെന്നും ചൂണ്ടിക്കാട്ടി അന്ന് പതിനേഴ് വയസ് പ്രായമുണ്ടായിരുന്ന പെണ്‍കുട്ടി ബദിയടുക്ക പൊലീസില്‍ പരാതി നല്‍കിയത്. ചില കാര്യങ്ങള്‍ സംസാരിക്കാനുണ്ടെന്നു പറഞ്ഞ് പെണ്‍കുട്ടിയെ പെര്‍ള ടൗണില്‍ നിന്ന് കൂട്ടിക്കൊണ്ടുപോയ നവീന്‍കുമാര്‍ മല്ലം ക്ഷേത്രത്തിന് സമീപത്തെ ലോഡ്ജില്‍ വെച്ച് ബലാത്സംഗം ചെയ്തുവെന്നായിരുന്നു പരാതി. പൊലീസ് നവീന്‍കുമാറിനെതിരെ ബലാത്സംഗത്തിന് കേസെടുക്കുകയും അറസ്റ്റിലായ യുവാവ് ഇരുപതുദിവസത്തോളം റിമാണ്ടില്‍ കഴിയുകയും ചെയ്തിരുന്നു. പിന്നീട് പൊലീസ് നടത്തിയ അന്വേഷണത്തില്‍ നവീന്‍കുമാറിനെതിരെ നല്‍കിയ പരാതി വ്യാജമാണെന്ന് തെളിഞ്ഞു.
പെണ്‍കുട്ടിയെ ബന്ധുവായ യുവാവാണ് ഗര്‍ഭിണിയാക്കിയതെന്നും ഇക്കാര്യം പുറംലോകമറിഞ്ഞാലുള്ള മാനഹാനി ഭയന്ന് ഈ യുവാവിന്റെ നിര്‍ദേശപ്രകാരമാണ് നവീന്‍കുമാറിനെ കേസില്‍ കുടുക്കിയതെന്നും പൊലീസ് കണ്ടെത്തി. വ്യാജപരാതി നല്‍കിയ പെണ്‍കുട്ടിക്കും ബന്ധുവായ യുവാവിനുമെതിരെ നടപടികള്‍ വേണമെന്നും നിരപരാധിയായ യുവാവിനെ കേസില്‍ നിന്നും ഒഴിവാക്കണമെന്നും വ്യക്തമാക്കി പൊലീസ് കോടതിയില്‍ റിപ്പോര്‍ട്ട് നല്‍കുകയും ചെയ്തു.
ഇപ്പോള്‍ പത്തൊമ്പതുവയസുള്ള പെണ്‍കുട്ടിക്ക് പരാതി നല്‍കിയ സമയമായതിനാല്‍ യഥാര്‍ഥപ്രതിയായ ബന്ധുവിനെതിരെ പോക്‌സോനിയമപ്രകാരമുള്ള നടപടിക്രമങ്ങളുമായി പൊലീസ് മുന്നോട്ടുപോകുന്നതിനിടെയാണ് തന്നെ ആരും പീഡിപ്പിച്ചിട്ടില്ലെന്നും കേസ് പിന്‍വലിക്കുന്നതായും അറിയിച്ച് പെണ്‍കുട്ടി ഇന്നലെ കോടതിയിലെത്തിയത്.
ഹരജി സ്വീകരിച്ച കോടതി ബലാത്സംഗക്കേസുമായി ബന്ധപ്പെട്ട കേസിന്റെ ഡയറി ഹാജരാക്കാന്‍ ഉത്തരവിട്ടു. 17ന് പെണ്‍കുട്ടിയുടെ ഹരജിയില്‍ കോടതി വിധി പറയും.



Recent News
  ഓട്ടോഡ്രൈവറെ ആളുമാറി മര്‍ദ്ദിച്ചു

  കാറ്റ് എന്‍.ഡി.എക്ക് അനുകൂലം-രവീശതന്ത്രി

  കഞ്ചാവ് എത്തിച്ചത് വിശാഖപട്ടണത്തുനിന്ന്; കാസര്‍കോട്ട് പിടിയിലായത് ലഹരിമാഫിയാസംഘത്തിലെ പ്രധാനകണ്ണികള്‍

  ബൈക്കുകള്‍ കൂട്ടിയിടിച്ച് പരിക്കേറ്റ യുവാവ് ആസ്പത്രിയില്‍ മരിച്ചു; മറ്റൊരു യുവാവിന് ഗുരുതരം

  ഡോ. ആമിനയുടെ വീട്ടില്‍ സൗഹൃദത്തിന്റെ ഊഞ്ഞാലിലാടി പി.ടി. ഉഷയും പഴയ സഹപാഠികളും

  ചള്ളങ്കയം സി.എച്ച്. അബ്ദുല്ല മുസ്ലിയാര്‍ അന്തരിച്ചു

  പെര്‍ളയില്‍ വീടിന്റെ പൂട്ട് പൊളിച്ച് 26 പവന്‍ സ്വര്‍ണാഭരണങ്ങളും പണവും കവര്‍ന്നു

  വാഹനത്തിലേക്ക് മാറ്റുന്നതിനിടെ മാര്‍ബിള്‍ വീണ് മൂന്ന് പേര്‍ക്ക് പരിക്ക്

  കുമ്പളയില്‍ 3 വയസ്സുകാരിക്ക് സൂര്യാഘാതമേറ്റു

  കുട്ടികളെ വാഹനങ്ങളില്‍ കുത്തിനിറച്ച് കൊണ്ടുപോകുന്നതിനെതിരെ കര്‍ശന നടപടിയെന്ന് പൊലീസ്

  യുവാവിനെ ബൈക്ക് തടഞ്ഞ് മര്‍ദ്ദിച്ചതായി പരാതി

  കുമ്പളയിലെ ക്ഷേത്രക്കവര്‍ച്ച; വിരലടയാളം ലഭിച്ചു

  മുഖ്യാതിഥിയായി പി.ടി. ഉഷ എത്തി; ക്ഷയരോഗ ദിനാചരണത്തിന് തുടക്കമായി

  കാഞ്ഞങ്ങാട്ടും കുറ്റിക്കോലിലും 2 പേര്‍ക്ക് സൂര്യതാപമേറ്റു

  ടിപ്പര്‍ ലോറി മറിഞ്ഞ് ഡ്രൈവര്‍ക്ക് പരിക്ക്