updated on:2018-05-16 06:25 PM
വ്രതശുദ്ധിയുടെ പുണ്യമാസത്തെ വരവേല്‍ക്കാന്‍ വിശ്വാസികള്‍ ഒരുങ്ങി

www.utharadesam.com 2018-05-16 06:25 PM,
കാസര്‍കോട്:വ്രതശുദ്ധിയുടെ പുണ്യമാസത്തെ വരവേല്‍ക്കാന്‍ വിശ്വാസികള്‍ ഒരുങ്ങി. ഇന്നലെ മാസപ്പിറവി ദര്‍ശിക്കാത്തതിനാല്‍ ഇന്ന് ഷഅബാന്‍ 30 പൂര്‍ത്തിയാക്കി റമദാന്‍ വ്രതത്തിന് നാളെ തുടക്കമാവുമെന്ന് കാസര്‍കോട് ഖാസി പ്രൊഫ. കെ. ആലിക്കുട്ടി മുസ്ല്യാര്‍ അറിയിച്ചു. ഗള്‍ഫ് രാഷ്ട്രങ്ങളിലും നാളെയാണ് റമദാന്‍ ആരംഭം. ഇനിയുള്ള ഒരുമാസക്കാലത്തെ രാപ്പകലുകള്‍ ആത്മാവിന്റെ വിശുദ്ധീകരണത്തിന് അനുഗ്രഹീത സാക്ഷിയാവും. പുണ്യമാസത്തെ സ്വാഗതം ചെയ്യാനുള്ള അവസാന ഘട്ട ഒരുക്കത്തിലാണ് വിശ്വാസികള്‍. മിക്ക പള്ളികളും റമദാന് മുന്നോടിയായി തന്നെ മോടിപിടിപ്പിച്ചിരുന്നു. മനസ്സിനേയും ശരീരത്തേയും ഒരു പോലെ ശുദ്ധീകരിച്ച് പുണ്യങ്ങളുടെ പാതയിലൂടെ സഞ്ചരിക്കാനാണ് റമദാന്‍ വിശ്വാസിയെ പ്രേരിപ്പിക്കുന്നത്. അന്നപാനീയങ്ങള്‍ ഉപേക്ഷിക്കുന്നതോടൊപ്പം ആത്മ നിയന്ത്രണവും പ്രധാനമാണ്. പള്ളികളിലും വിവിധ നാടുകളിലും നോമ്പ് തുറക്കുള്ള പ്രത്യേക സൗകര്യങ്ങള്‍ ഒരുക്കിയിട്ടുണ്ട്. പ്രാര്‍ത്ഥനകളും മതപഠന ക്ലാസുകളും ഖുര്‍ആന്‍ ക്ലാസുകളുമായി പള്ളികള്‍ ഏറെ സജീവമാകും.
നോമ്പുതുറക്കുള്ള വൈവിധ്യങ്ങളായ ഈന്തപ്പഴങ്ങളും പഴങ്ങളും വിപണി കീഴടക്കിയിട്ടുണ്ട്. കിലോവിന് 6000 രൂപവരെ വിലയുള്ള ഈന്തപ്പഴങ്ങളും വിപണിയിലുണ്ട്.
നോമ്പുതുറക്ക് മധുരമേകാനെത്തുന്ന ഈന്തപ്പഴത്തിന് ഇത്തവണ പൊതുവെ വില കുറവെന്നാണ് വ്യാപാരികള്‍ പറയുന്നത്.
റമദാനില്‍ ദാനധര്‍മ്മങ്ങള്‍ക്ക് മറ്റു കാലങ്ങളെക്കാന്‍ പുണ്യമുള്ളതിനാല്‍ വിവിധ സംഘടനകളുടേയും വ്യക്തികളുടേയും നേതൃത്വത്തില്‍ എങ്ങും റിലീഫ് പ്രവര്‍ത്തനങ്ങളും സജീവമാകും.



Recent News
  ഹാഷിഷുമായി പിടിയിലായവര്‍ക്ക് പിന്നില്‍ വന്‍ റാക്കറ്റെന്ന് പൊലീസ്

  എഞ്ചനീയറിംഗ് വിദ്യാര്‍ത്ഥിയുടെ തിരോധാനം; പൊലീസ് ലുക്കൗട്ട് നോട്ടീസിറക്കി

  മള്ളങ്കൈയില്‍ കൂട്ട വാഹനാപകടം; അഞ്ച് പേര്‍ക്ക് പരിക്ക്

  450 ഗ്രാം ഹാഷിഷ് ഓയിലുമായി പിടിയിലായ പ്രതികള്‍ റിമാണ്ടില്‍; കടത്താനുപയോഗിച്ച കാറിന്റെ ഉടമസ്ഥനെ തിരയുന്നു

  ഇന്ധന വിലവര്‍ധനവ്; ഡി.വൈ.എഫ്.ഐ. ടയര്‍ റൈസിംഗ് മത്സരം നടത്തി

  വയല്‍നികത്താനുള്ള ശ്രമം അധികൃതര്‍ തടഞ്ഞു

  പാമ്പുകള്‍ക്കൊപ്പം കൂട്ടുകൂടാം; ക്ലാസ് നവ്യാനുഭവമായി

  മീന്‍ലോറി കാറിലിടിച്ച ശേഷം വൈദ്യുതി തൂണിലേക്ക് ഇടിച്ചുകയറി; രണ്ടുപേര്‍ക്ക് പരിക്ക്

  കടപ്പുറത്തെത്തിയ വിദ്യാര്‍ത്ഥിനിയെ പീഡിപ്പിക്കാന്‍ ശ്രമമെന്ന്; ഓട്ടോ ഡ്രൈവര്‍ കസ്റ്റഡിയില്‍

  കപ്പണയിലെ ജോലിക്കിടെ തൊഴിലാളി രക്തം ഛര്‍ദ്ദിച്ച് മരിച്ചു

  സിവില്‍ എഞ്ചിനീയറിംഗ് പഠനം പൂര്‍ത്തിയാക്കിയ യുവാവ് തൂങ്ങിമരിച്ച നിലയില്‍

  ഓട്ടോയും ടാങ്കര്‍ ലോറിയും കൂട്ടിയിടിച്ച് മൂന്നുപേര്‍ക്ക് പരിക്ക്

  സി.പി.ഐ പിന്തുണയോടെ എന്‍മകജെയില്‍ യു.ഡി.എഫിന് പ്രസിഡണ്ട് സ്ഥാനം

  വൈകല്യത്തെ അതിജീവിച്ച് പതിനഞ്ചുകാരന്‍ സഹദ് ചിത്രരചനയില്‍ വിസ്മയമാകുന്നു

  മധൂര്‍ ക്ഷേത്ര നവീകരണ പ്രവര്‍ത്തനം പുരോഗമിക്കുന്നു; ബാലാലയ പ്രതിഷ്ഠ നടത്തി