updated on:2018-05-13 07:24 PM
ദേശീയപാത വികസനം: ക്ഷേത്രം ഒഴിപ്പിക്കാതെ നിര്‍വ്വാഹമില്ലെന്ന് റീജ്യണല്‍ ഓഫീസര്‍

www.utharadesam.com 2018-05-13 07:24 PM,
നീലേശ്വരം: ദേശീയപാത വികസനത്തിന് ക്ഷേത്രം ഒഴിപ്പിക്കാതെ നിര്‍വ്വാഹമില്ലെന്ന് ദേശീയപാത അതോറിറ്റി കേരള റീജ്യണല്‍ ഓഫീസര്‍ ലഫ്. കേണല്‍ ആശിഷ് ത്രിവേദി അറിയിച്ചു.
ദേശീയപാത വികസനത്തിന്റെ ഭാഗമായി സ്ഥലം ഏറ്റെടുക്കുന്നതില്‍ നിന്നും പള്ളിക്കര പാലരെക്കീഴില്‍ വിഷ്ണുമൂര്‍ത്തി ക്ഷേത്രത്തെ ഒഴിവാക്കാനാവില്ലെന്ന് അദ്ദേഹം ക്ഷേത്ര പരിസരം സന്ദര്‍ശിച്ച ശേഷം വ്യക്തമാക്കുകയായിരുന്നു. നിലവിലുള്ള അലൈന്‍മെന്റില്‍ മാറ്റം വരുത്താനാവില്ലെന്ന് റീജ്യണല്‍ ഓഫീസര്‍ വിശദീകരിച്ചു. ഇതോടെ വരും ദിവസങ്ങളില്‍ സമരം ശക്തിപ്പെടാനാണ് സാധ്യത. ദേശീയപാത വികസനത്തിന് ക്ഷേത്രത്തിന്റെ ഭൂരിഭാഗം സ്ഥലവും ഏറ്റെടുക്കാനുള്ള നീക്കത്തിനെതിരെ ക്ഷേത്ര കമ്മിറ്റിയുടെ നേതൃത്വത്തിലുള്ള കര്‍മ്മസമിതി നിരവധി പ്രക്ഷോഭങ്ങളാണ് ഇതിനകം നടത്തിയത്. ജില്ലാ കലക്ടറുടെ സാന്നിധ്യത്തിലും പിന്നീട് തിരുവനന്തപുരത്തെ ദേശീയപാത അതോറിറ്റി റീജ്യണല്‍ ഓഫീസില്‍ വെച്ചും ചര്‍ച്ച നടത്തിയിരുന്നു. ഈ ചര്‍ച്ചകളിലെല്ലാം പങ്കെടുത്ത റീജ്യണല്‍ ഓഫീസര്‍ സ്ഥലം സന്ദര്‍ശിച്ച ശേഷം ഉചിതമായ തീരുമാനം അറിയിക്കാമെന്ന് വ്യക്തമാക്കിയതിനെ തുടര്‍ന്നാണ് കര്‍മസമിതി സമരത്തില്‍ നിന്നും തത്കാലം പിന്‍മാറിയത്.
ഇന്നലെ റീജ്യണല്‍ ഓഫീസര്‍ നീലേശ്വരം പള്ളിക്കരയില്‍ നേരിട്ടെത്തി സ്ഥലപരിശോധന നടത്തുകയായിരുന്നു. തുടര്‍ന്നാണ് അലൈന്‍മെന്റില്‍ മാറ്റം വരുത്താനാകില്ലെന്ന് വ്യക്തമാക്കിയത്. ക്ഷേത്രം സന്ദര്‍ശിച്ച റീജ്യണല്‍ ഓഫീസര്‍ക്കൊപ്പം പി. കരുണാകരന്‍ എം.പി., ജില്ലാ കലക്ടര്‍ കെ. ജീവന്‍ബാബു, നഗരസഭ ചെയര്‍മാന്‍ പ്രൊഫ. കെ.പി. ജയരാജന്‍, ക്ഷേത്രം സംരക്ഷണ സമിതി ചെയര്‍മാന്‍ പി. അമ്പാടി, ജനറല്‍ കണ്‍വീനര്‍ പി. ദിനേശന്‍, വൈസ് ചെയര്‍മാന്‍ രമേശന്‍ കരുവാച്ചേരി എന്നിവരുമുണ്ടായിരുന്നു. കര്‍മ്മ സമിതി ഇന്ന് വൈകിട്ട് യോഗം ചേരും.



Recent News
  മുംബൈയിലെ വ്യാപാരിയെ തട്ടിക്കൊണ്ടുപോയ കേസില്‍ വിദ്യാര്‍ത്ഥി റിമാണ്ടില്‍; മൂന്നുപേരെ തിരയുന്നു

  വൊര്‍ക്കാടിയിലെ വിദ്യാര്‍ത്ഥിയുടെ മരണം വീണ് പരിക്കേറ്റത് മൂലമെന്ന് പോസ്റ്റുമോര്‍ട്ടം റിപ്പോര്‍ട്ട്

  പൊതുസ്ഥലത്ത് അടികൂടിയ സംഘം പൊലീസിന്റെ കൃത്യനിര്‍വ്വഹണം തടസ്സപ്പെടുത്തി; നാലുപേര്‍ അറസ്റ്റില്‍

  റോഡിലെ ഇറക്കത്തില്‍ സ്‌കൂട്ടര്‍ മറിഞ്ഞ് പോസ്റ്റുമാന്‍ മരിച്ചു

  ഒമ്പത് വയസുകാരിക്ക് അശ്ലീല ചിത്രം കാട്ടിയ യുവാവിന് 3 വര്‍ഷം കഠിന തടവ്

  സഹോദരങ്ങളടക്കം മൂന്നു പേര്‍ക്ക് ഡെങ്കിപ്പനി

  കല്ല്യാണ ദിവസം ഇഫ്താര്‍ ഒരുക്കി യൂത്ത് കോണ്‍. നേതാവ്

  ഹൈമാസ്റ്റ് ലൈറ്റ് സ്വിച്ച് ഓണ്‍ കര്‍മ്മം നടത്തി

  ഇന്‍ഷുറന്‍സ് മാനേജര്‍ അറിയാതെ അക്കൗണ്ടില്‍ നിന്ന് മൂന്നുതവണയായി പണം പിന്‍വലിച്ചു

  തെരുവ് കച്ചവടക്കാരെ പുനരധിവസിപ്പിക്കാന്‍ 43 ലക്ഷം രൂപയുടെ പദ്ധതിയുമായി നഗരസഭ

  ഭര്‍ത്താവ് ഉപേക്ഷിച്ചു; എന്‍ഡോസള്‍ഫാന്‍ ഇരയായ ആദിവാസി യുവതിയെ സര്‍ക്കാറും അവഗണിക്കുന്നു

  പ്രകൃതിവിരുദ്ധപീഡനം: നാലുകേസുകളില്‍ പ്രതിയായ അമ്പതുകാരന്‍ അറസ്റ്റില്‍

  വോര്‍ക്കാടിയില്‍ മരമില്ലിന് സമീപം പരിക്കുകളോടെ അബോധാവസ്ഥയില്‍ കണ്ട ഒമ്പത് വയസുകാരന്‍ മരിച്ചു

  മുംബൈയിലെ വ്യാപാരിയെ തട്ടിക്കൊണ്ടുപോയി മര്‍ദ്ദിച്ച് ലക്ഷം രൂപ മോചനദ്രവ്യം ആവശ്യപ്പെട്ടു; രണ്ടുപേര്‍ അറസ്റ്റില്‍

  ബാലചന്ദ്രന്‍ നീലേശ്വരത്തിന് അന്ത്യാഞ്ജലി