updated on:2018-05-13 07:22 PM
ജില്ലയില്‍ ഡെങ്കിപ്പനി വ്യാപകമാകുന്നു; ജനങ്ങള്‍ ഭീതിയില്‍

www.utharadesam.com 2018-05-13 07:22 PM,
കാസര്‍കോട്: ജില്ലയില്‍ ഡെങ്കിപ്പനി വ്യാപകമാകുന്നത് ജനങ്ങളെ ആശങ്കയിലാഴ്ത്തുന്നു. രണ്ടാഴ്ചക്കകം തന്നെ ജില്ലയിലെ വിവിധ ഭാഗങ്ങളിലായി 101 പേര്‍ക്ക് ഡെങ്കിപ്പനി ബാധിച്ചതായാണ് ആരോഗ്യവിഭാഗത്തിന്റെ കണക്ക്. 2018 ജനുവരി മുതല്‍ ഇതുവരെ ഡെങ്കിപ്പനി ബാധിതരുടെ കണക്ക് 211 ആണ്. മലയോരപ്രദേശങ്ങളിലാണ് കൂടുതലായും ഡെങ്കിപ്പനി ബാധിതരുള്ളത്. ഇന്നലെ ആദിവാസി യുവാവ് മാലോത്തെ മധു ഡെങ്കിപ്പനി ബാധിച്ച് മരിച്ചത് മലയോര വാസികളെ കടുത്ത ആശങ്കയിലാഴ്ത്തിയിട്ടുണ്ട്. ഈ ഭാഗത്ത് ഡെങ്കിപ്പനി ബാധിച്ച് ചികിത്സയില്‍ കഴിയുന്നവരും ഏറെയാണ്.
തെങ്ങുകളുടെയും കവുങ്ങുകളുടെയും തോട്ടങ്ങള്‍ ഏറെയുള്ള പ്രദേശങ്ങളിലാണ് ഡെങ്കിപ്പനി ബാധിതര്‍ കൂടുതലുള്ളത്. കെട്ടിക്കിടക്കുന്ന വെള്ളത്തില്‍ ഈഡിസ് കൊതുകുകള്‍ മുട്ടയിടുകയും പിന്നീട് കൊതുകുകള്‍ പെരുകി രോഗം പരത്തുകയും ചെയ്യുന്നു. തോട്ടങ്ങളിലെ പാളകളിലും മറ്റും വെള്ളംകെട്ടിക്കിടക്കുന്നത് പതിവാണ്. ഇത്തരം സാഹചര്യങ്ങള്‍ ഒഴിവാക്കണമെന്ന് ആരോഗ്യവകുപ്പിന്റെ നിര്‍ദേശമുണ്ടെങ്കിലും പലയിടങ്ങളിലും ഇത് പാലിക്കപ്പെടുന്നില്ല. കഴിഞ്ഞ ഒരാഴ്ചക്കിടെ പെയ്ത മഴ സാംക്രമികരോഗങ്ങള്‍ പടരാന്‍ ഇടവരുത്തിയിട്ടുണ്ട്. നഗരങ്ങളിലും ഗ്രാമങ്ങളിലും കൊതുകുകളും കൂത്താടികളും വളരുന്ന സ്ഥിതിവിശേഷം ഇന്നും നിലനില്‍ക്കുന്നുണ്ട്. ശുചീകരണപ്രവര്‍ത്തനങ്ങള്‍ യഥാസമയം നടക്കുന്നില്ല. നഗരസഭകളും ത്രിതല പഞ്ചായത്തുകളും ശുചീകരണപ്രവര്‍ത്തനങ്ങള്‍ ഫലപ്രദമായി നടപ്പാക്കാന്‍ മുന്‍കൈയെടുക്കുന്നില്ലെന്നാണ് ആക്ഷേപം.



Recent News
  എയിംസ്: സര്‍വ്വ കക്ഷി സംഘം മുഖ്യമന്ത്രിയുമായി ചര്‍ച്ച നടത്തി

  ഡി.ഡി.ഇ ഓഫീസിലേക്ക് കെ.എസ്.ടി.എയുടെ കൂറ്റന്‍ മാര്‍ച്ച്

  എയിംസ് കാസര്‍കോട്ട് സ്ഥാപിച്ചാല്‍ പാവപ്പെട്ട രോഗികള്‍ക്ക് ആശ്വാസമാകും-എസ്.പി.ഉദയകുമാര്‍

  കൊളക്കബയല്‍ മാസ്റ്റര്‍ അന്തരിച്ചു

  മാലിക് ദീനാര്‍ പള്ളി ഭരണസമിതി: കൗണ്‍സില്‍ അംഗങ്ങളുടെ തിരഞ്ഞെടുപ്പ് പൂര്‍ത്തിയായി

  പടന്നക്കാട്ട് റെയില്‍വേ ട്രാക്കില്‍ വിള്ളല്‍; തീവണ്ടികള്‍ വൈകിയോടി

  ഇറങ്ങുന്നതിനിടെ ബസ് മുന്നോട്ടെടുത്തു; വാതിലിനിടയില്‍ കുടുങ്ങി യുവതിയുടെ വിരലറ്റു

  അമ്മക്ക് പിന്നാലെ മകള്‍ മരിച്ചു

  ഇന്ത്യന്‍ ജൂനിയര്‍ വനിതാ ഫുട്‌ബോള്‍ ക്യാമ്പില്‍ ഇടം നേടിയ മൂന്നു മലയാളികളും കാസര്‍കോട്ടുകാര്‍

  കാസര്‍കോട് റെയില്‍വേ സ്‌റ്റേഷനില്‍ 41.5 ലക്ഷം രൂപ ചെലവില്‍ ലിഫ്റ്റ് സ്ഥാപിക്കുന്നു

  ആരോഗ്യത്തോടെ ജീവിക്കുകയെന്നത് പൗരന്റെ മൗലികാവകാശം-എന്‍.എസ്.മാധവന്‍

  പെര്‍മുദെയില്‍ രണ്ട് പേരെ തലക്കടിച്ച് പരിക്കേല്‍പ്പിച്ച കേസിലെ പ്രതി അറസ്റ്റില്‍

  ഒന്നര വയസുള്ള കുട്ടി ആള്‍മറയില്ലാത്ത കിണറ്റില്‍ വീണ് മരിച്ചു

  വഖഫ് ശാക്തീകരണത്തിന് മഹല്ലുകള്‍ സജീവമാകണം-റഷീദലി തങ്ങള്‍

  കുട്ടികള്‍ക്കെതിരായ കുറ്റകൃത്യങ്ങള്‍; ജില്ലയില്‍ ഒരുവര്‍ഷത്തിനിടെ രജിസ്റ്റര്‍ ചെയ്തത് നൂറ് കേസുകള്‍