updated on:2018-04-13 08:33 PM
മെഡിക്കല്‍ ഷോപ്പ് ജീവനക്കാരന്റെ അപകട മരണം ഭാര്യാവീട്ടിലേക്ക് പോകുന്നതിനിടെ

www.utharadesam.com 2018-04-13 08:33 PM,
മുള്ളേരിയ: കാസര്‍കോട് റൂബി മെഡിക്കല്‍ ജീവനക്കാരന്‍ പള്ളഞ്ചി കാട്ടിപ്പാറയിലെ ചന്ദ്രന്‍ എന്ന ബേബി (56) ലോറിയിടിച്ച് മരിച്ചത് ഭാര്യാവീട്ടിലേക്ക് പോകാനായി റോഡ് മുറിച്ചുകടക്കുന്നതിനിടെ. ഇന്നലെ രാത്രി 8.45ഓടെ കാറഡുക്ക 13-ാം മൈല്‍ ചായിത്തലത്ത് വെച്ചാണ് അപകടം. ജോലി കഴിഞ്ഞ് മുള്ളേരിയയില്‍ ബസിറങ്ങി ഇവിടെ നിന്ന് ഓട്ടോയിലാണ് 13-ാം മൈലിലെത്തിയത്. ചായിത്തലത്തെ ഭാര്യാവീട്ടിലേക്ക് പോകാനായി റോഡ് മുറിച്ചുകടക്കുന്നതിനിടെ ബംഗളൂരുവിലേക്ക് പോവുകയായിരുന്ന ലോറി ഇടിക്കുകയായിരുന്നു. ഗുരുതരമായി പരിക്കേറ്റ ചന്ദ്രനെ നാട്ടുകാര്‍ കാസര്‍കോട്ടെ ആസ്പത്രിയില്‍ എത്തിച്ചെങ്കിലും രക്ഷിക്കാനായില്ല. മൂന്ന് പതിറ്റാണ്ടോളമായി കാസര്‍കോട്ടെ വിവിധ മെഡിക്കല്‍ ഷോപ്പുകളിലായി ജോലി ചെയ്തുവരികയായിരുന്നു.
കാട്ടിപ്പാറയിലെ പരേതനായ ദാമോദരന്‍നായര്‍-മങ്ങത്ത് കാര്‍ത്യായനി ദമ്പതികളുടെ മകനാണ്. ഭാര്യ: ജ്യോതിരൂപ. മക്കള്‍: ദൃശ്യ, ദര്‍ശന. മരുമകന്‍: രാജേഷ് (കുവൈത്ത് എയര്‍പോര്‍ട്ട്). സഹോദരങ്ങള്‍: ഇന്ദുദേവ് (കണ്ടക്ടര്‍), ബാബുരാജ് (സതേണ്‍ റെയില്‍വേ), ഷൈനി, കസ്തൂരി, പ്രസന്ന. ചന്ദ്രന്റെ മരണവിവരമറിഞ്ഞ് കുവൈത്തിലുള്ള മകള്‍ ദൃശ്യ നാട്ടിലേക്ക് പുറപ്പെട്ടിട്ടുണ്ട്.
കാസര്‍കോട് ജനറല്‍ ആസ്പത്രിയില്‍ പോസ്റ്റുമോര്‍ട്ടം നടത്തിയ ശേഷം ചന്ദ്രന്റെ മൃതദേഹം ചായിത്തലത്തെ ഭാര്യാവീട്ടില്‍ പൊതുദര്‍ശനത്തിന് വെക്കും. തുടര്‍ന്ന് കാട്ടിപ്പാറയിലെ വീട്ടുപറമ്പില്‍ സംസ്‌കരിക്കും.



Recent News
  ചള്ളങ്കയം സി.എച്ച്. അബ്ദുല്ല മുസ്ലിയാര്‍ അന്തരിച്ചു

  പെര്‍ളയില്‍ വീടിന്റെ പൂട്ട് പൊളിച്ച് 26 പവന്‍ സ്വര്‍ണാഭരണങ്ങളും പണവും കവര്‍ന്നു

  വാഹനത്തിലേക്ക് മാറ്റുന്നതിനിടെ മാര്‍ബിള്‍ വീണ് മൂന്ന് പേര്‍ക്ക് പരിക്ക്

  കുമ്പളയില്‍ 3 വയസ്സുകാരിക്ക് സൂര്യാഘാതമേറ്റു

  കുട്ടികളെ വാഹനങ്ങളില്‍ കുത്തിനിറച്ച് കൊണ്ടുപോകുന്നതിനെതിരെ കര്‍ശന നടപടിയെന്ന് പൊലീസ്

  യുവാവിനെ ബൈക്ക് തടഞ്ഞ് മര്‍ദ്ദിച്ചതായി പരാതി

  കുമ്പളയിലെ ക്ഷേത്രക്കവര്‍ച്ച; വിരലടയാളം ലഭിച്ചു

  മുഖ്യാതിഥിയായി പി.ടി. ഉഷ എത്തി; ക്ഷയരോഗ ദിനാചരണത്തിന് തുടക്കമായി

  കാഞ്ഞങ്ങാട്ടും കുറ്റിക്കോലിലും 2 പേര്‍ക്ക് സൂര്യതാപമേറ്റു

  ടിപ്പര്‍ ലോറി മറിഞ്ഞ് ഡ്രൈവര്‍ക്ക് പരിക്ക്

  തൃക്കരിപ്പൂരില്‍ കഴുത്തില്‍ ഷാള്‍ കുടുങ്ങി വിദ്യാര്‍ത്ഥി മരിച്ചു

  രണ്ട് പേരുടെ ജീവന്‍ രക്ഷിച്ച ഫയര്‍മാന്‍ ഡ്രൈവര്‍ ജയേഷിന് അഭിനന്ദന പ്രവാഹം

  നാല് കോടിയുടെ സൗഭാഗ്യം മല്ലത്തെ മരുമകന്

  ചിത്രം തെളിഞ്ഞു; അങ്കംമുറുകി

  കാറില്‍ ആയുധങ്ങളുമായി 17 കാരന്‍ ഉള്‍പ്പെടെ രണ്ടുപേര്‍ അറസ്റ്റില്‍