updated on:2018-04-12 08:48 PM
സൗമ്യനായി, നിവേദകര്‍ക്ക് മുന്നില്‍ പുഞ്ചിരി തൂകി മുഖ്യമന്ത്രി പിണറായി

www.utharadesam.com 2018-04-12 08:48 PM,
കാസര്‍കോട്: നിവേദകര്‍ക്ക് മുന്നില്‍ പുഞ്ചിരിയോടെ, ഏറെ സൗമ്യനായി മുഖ്യമന്ത്രി പിണറായി വിജയന്‍ ഇരുന്നപ്പോള്‍ സങ്കടങ്ങള്‍ ഒന്നൊഴിയാതെ പറയാന്‍ നിവേദകര്‍ക്കും ഉത്സാഹമായി.
ഇന്ന് രാവിലെ കാസര്‍കോട് ഗവ.ഗസ്റ്റ് ഹൗസില്‍ മുഖ്യമന്ത്രിയെ കാണാന്‍ നിരവധിപേര്‍ എത്തിയിരുന്നു. 9.15ന് പ്രാതല്‍ കഴിഞ്ഞ് സന്ദര്‍ശകരെ കാണാനിരുന്ന അദ്ദേഹം, പി. കരുണാകരന്‍ എം.പി, സി.പി.എം. ജില്ലാസെക്രട്ടറി എം.വി. ബാലകൃഷ്ണന്‍ മാസ്റ്റര്‍, സംസ്ഥാന കമ്മിറ്റിയംഗം അഡ്വ. സി.എച്ച്. കുഞ്ഞമ്പു, എം.എല്‍.എ. മാരായ കെ. കുഞ്ഞിരാമന്‍, എം. രാജഗോപാലന്‍, സി.പി.എം. മുന്‍ ജില്ലാ സെക്രട്ടറി കെ. പി. സതീഷ് ചന്ദ്രന്‍, മുന്‍ എം.എല്‍.എ. കെ.വി. കുഞ്ഞിരാമന്‍, ഏരിയാ സെക്രട്ടറി മുഹമ്മദ് ഹനീഫ് എന്നിവരോടൊപ്പം ജില്ലയുടെ പൊതു കാര്യങ്ങളും പാര്‍ട്ടി സംബന്ധമായ വിഷയങ്ങളും സംസാരിച്ചിരിക്കെ തന്നെ നിവേദകരെയും ക്ഷണിച്ചു. മുഖ്യമന്ത്രിയെ കണ്ട് സങ്കടംബോധിപ്പിച്ച് മുറിയില്‍ നിന്ന് ഇറങ്ങിവരുടെ മുഖത്ത് സന്തോഷം നിറഞ്ഞിരുന്നു. മുഖ്യമന്ത്രി നല്ല മൂഡിലാണെന്ന് പറഞ്ഞുകൊണ്ടാണ് പലരും അദ്ദേഹത്തിന്റെ മുറിയില്‍ നിന്നിറങ്ങിയത്. വിദ്യാനഗര്‍ ചാലയിലെ ബി.എഡ്. സെന്ററിന്റെ ദയനീയാവസ്ഥ വിവരിച്ച് പി.ടി.എ. ഭാരവാഹികള്‍ മുഖ്യമന്ത്രിക്ക് നിവേദനം നല്‍കി. ഒരു മാസത്തിനിടെ ബി.എഡ് സെന്ററിലെ നാല് സ്ഥിരം അധ്യാപകേതര തസ്തികകള്‍ യൂണിവേഴ്‌സിറ്റി നിര്‍ത്തലാക്കിയതായിരുന്നു നിവേദനത്തിലെ പ്രാധാന കാതല്‍. ബന്ധപ്പെട്ട വകുപ്പിന് അയച്ചുകൊടുത്ത് വേണ്ടത് ചെയ്യാമെന്ന് മുഖ്യമന്ത്രി പറഞ്ഞു.
ഇതിനിടിയല്‍ ഗസ്റ്റ് ഹൗസിലെ മുകളിലത്തെ നിലയില്‍ നിന്ന് ഇറങ്ങി വന്ന് മന്ത്രി കടകംപള്ളി സുരേന്ദ്രന്‍ മുഖ്യമന്ത്രിയുമായി ഏറെ നേരം സംസാരിച്ചു. മുഖ്യമന്ത്രിയെ കാണാന്‍ ഐ.എന്‍.എല്‍ നേതാക്കളും എത്തിയിരുന്നു. സംസ്ഥാന വൈസ് പ്രസിഡണ്ട് എം.എ. ലത്തീഫ്, ജില്ലാ പ്രസിഡണ്ട് മൊയ്തീന്‍ കുഞ്ഞി കളനാട്, ജില്ലാ ജനറല്‍ സെക്രട്ടറി അസീസ് കടപ്പുറം എന്നിവര്‍ പിണറായി വിജയനുമായി 15 മിനുറ്റോളം സംസാരിച്ചാണ് മടങ്ങിയത്. കൃത്യം 10 മണിക്ക് മുഖ്യമമന്ത്രി കാറഡുക്ക ബ്ലോക്ക് പഞ്ചായത്ത് ഓഫീസ് ഉദ്ഘാടനം നിര്‍വഹിക്കാനായി പുറപ്പെട്ടു.



Recent News
  യാത്രക്കിടെ പോസ്റ്റ്മാനില്‍ നിന്ന് നഷ്ടപ്പെട്ട പാസ്‌പോര്‍ട്ടുകളും പാന്‍കാര്‍ഡും പൊലീസ് സാന്നിധ്യത്തില്‍ കൈമാറി

  നഗരത്തിലെ സാഗര്‍ ഹോട്ടലില്‍ നിന്ന് 80,000 രൂപ കവര്‍ന്നു; മോഷ്ടാവിന്റെ ദൃശ്യങ്ങള്‍ സി.സി.ടി.വി. ക്യാമറയില്‍

  ബസിന് കല്ലെറിഞ്ഞ കേസില്‍ യുവാവ് അറസ്റ്റില്‍

  ദമ്പതികളെ അക്രമിച്ച കേസില്‍ അറസ്റ്റിലായ യുവാവ് നേരത്തെ മൂന്നുകേസുകളില്‍ പ്രതി

  കാണാതായ കോളേജ് വിദ്യാര്‍ത്ഥിയെ ഗോവ ബീച്ചില്‍ കണ്ടതായി വിവരം; കാര്‍ ഉപേക്ഷിച്ച നിലയില്‍

  ബൈക്ക് മറിഞ്ഞ് പൊലീസുകാരന്‍ മരിച്ചത് വീട്ടിലേക്ക് പോകുന്നതിനിടെ

  ശാന്തിനഗറില്‍ എന്‍.എ. ഹാരിസ് തന്നെ

  'യുവാക്കള്‍ ആരോഗ്യ ശീലങ്ങള്‍ വളര്‍ത്തണം'

  ആലൂരില്‍ താല്‍ക്കാലിക തടയണ ഇത്തവണയും തകര്‍ന്നു; സര്‍ക്കാറിന് പാഴായത് ലക്ഷങ്ങള്‍

  കൂട്ടൂകാരോടൊപ്പം കക്കവാരാന്‍ പുഴയില്‍ ഇറങ്ങിയ വിദ്യാര്‍ത്ഥി മുങ്ങിമരിച്ചു

  അപ്രഖ്യാപിത ഹര്‍ത്താല്‍: ഉറവിടം അന്വേഷിക്കുന്നു,153 (എ) വകുപ്പ് പ്രകാരം കേസ്

  കടല്‍ കാണാനെത്തിയ ദമ്പതികളെ അക്രമിച്ചതിന് 18 പേര്‍ക്കെതിരെ കേസ്; ഒരാള്‍ അറസ്റ്റില്‍

  യുവാവിനെ അക്രമിച്ചതിനും ക്ലബ്ബ് തകര്‍ത്തതിനും രണ്ടുപേര്‍ അറസ്റ്റില്‍

  കാനക്കോട്ട് വീട്ടുമുറ്റത്ത് നിര്‍ത്തിയിട്ട ടാക്‌സി കാര്‍ കത്തിനശിച്ചു

  ടയര്‍ പൊട്ടി മീന്‍ലോറി മറിഞ്ഞു; രണ്ടുപേര്‍ക്ക് പരിക്ക്