updated on:2019-04-11 07:50 PM
ആന്ധ്രയില്‍ ഏറ്റുമുട്ടല്‍; ബൂത്ത് തകര്‍ത്തു, വോട്ടിങ്ങ് യന്ത്രം വലിച്ചെറിഞ്ഞു

www.utharadesam.com 2019-04-11 07:50 PM,
ഹൈദരാബാദ്: വോട്ടെടുപ്പിന്റെ ഒന്നാം ഘട്ടം തന്നെ ആക്രമത്തിലും സംഘര്‍ഷങ്ങളിലേക്കും നീങ്ങുകയാണ്. ആന്ധ്രയില്‍ ടി.ഡി.പി.പ്രവര്‍ത്തകരും വൈ.എസ്.ആര്‍ കോണ്‍ഗ്രസ് പ്രവര്‍ത്തകരും തമ്മിലാണ് സംഘര്‍ഷം. ഗുണ്ടൂരിലാണ് ഇരുപക്ഷവും ഏറ്റുമുട്ടിയത്. അതോടെ ഇവിടെ വോട്ടെടുപ്പ് മണിക്കൂറുകളോളം തടസ്സപ്പെട്ടു. വെസ്റ്റ് ഗോദാവരിയില്‍ വൈ.എസ്.ആര്‍. കോണ്‍ഗ്രസ് പ്രവര്‍ത്തകന് കുത്തേറ്റു. ഗുണ്ടൂരില്‍ ജനസേനാ സ്ഥാനാര്‍ത്ഥി വോട്ടിങ്ങ് യന്ത്രം വലിച്ചെറിഞ്ഞ് തകര്‍ത്തു. വോട്ടിങ്ങ് യന്ത്രം തകരാറിലായതിനെ തുടര്‍ന്നായിരുന്നു ഇത്. ഇയാളെ പൊലീസെത്തി അറസ്റ്റ് ചെയ്തു. ഗുണ്ടൂരിലെ തന്നെ 100-ാം നമ്പര്‍ ബൂത്ത് ചിലര്‍ അടിച്ചു തകര്‍ത്തു. ഇവിടെയും ടി.ഡി.പി -വൈ.എസ്.ആര്‍ പ്രവര്‍ത്തകര്‍ ഏറ്റുമുട്ടി. സംഘര്‍ഷ സാധ്യത കണക്കിലെടുത്ത് പലയിടത്തും കര്‍ശന സുരക്ഷ ഒരുക്കിയിരുന്നെങ്കിലും നൂറുകണക്കിന് പ്രവര്‍ത്തകര്‍ സംഘടിച്ചെത്തി ആക്രമണം നടത്തുന്നത് തടയാന്‍ പൊലീസിനും സാധിച്ചില്ല.
മറ്റ് സ്ഥലങ്ങളിലൊക്കെ ഒന്നാം ഘട്ട പോളിങ്ങ് സമാധാനപരമായി പുരോഗമിക്കുന്നു. 91 മണ്ഡലങ്ങളിലാണ് ഇന്ന് പോളിങ്ങ്. ഭേദപ്പെട്ട പോളിങ്ങാണ് എല്ലായിടത്തും. ഉത്തര്‍പ്രദേശ്.
ആന്ധ്ര, തെലുങ്കാന, അസം, പശ്ചിമ ബംഗാള്‍, സിക്കിം, ത്രിപുര തുടങ്ങി 20 സംസ്ഥാനങ്ങളിലാണ് ഇന്ന് വോട്ടെടുപ്പ് നടക്കുന്നത്. ആന്ധ്ര, അരുണാചല്‍ പ്രദേശ്, സിക്കിം എന്നിവിടങ്ങളിലേക്കുള്ള നിയമസഭാ തിരഞ്ഞെടുപ്പ് കൂടി ഇതോടൊപ്പം നടക്കുന്നുണ്ട്. നിധിന്‍ ഗഡ്കരി, അജിത് സിങ്ങ്, ഹരീഷ് റാവത്ത് തുടങ്ങിയവരുടെ വിധി നിര്‍ണ്ണയിക്കുന്ന തിരഞ്ഞെടുപ്പ് കൂടിയാണിത്.
അതിനിടെ പശ്ചിമ ബംഗാളില്‍ നിന്നും അക്രമത്തിന്റെ വാര്‍ത്തകള്‍ റിപ്പോര്‍ട്ട് ചെയ്യുന്നുണ്ട്. തൃണമൂല്‍ കോണ്‍ഗ്രസ്-ബി.ജെ.പി. പ്രവര്‍ത്തകരാണ് ഏറ്റുമുട്ടുന്നത്.



Recent News
  രണ്ടാംഘട്ടം തുടങ്ങി; കനത്ത പോളിങ്ങ്, സമാധാനപരം

  അംബാനിക്ക് 30,000 കോടി നല്‍കിയതാണ് ദേശവിരുദ്ധത-രാഹുല്‍

  പ്രധാനമന്ത്രിക്കെതിരെ തിരഞ്ഞെടുപ്പ് കമ്മീഷന് സി.പി.എം പരാതി നല്‍കി

  യോഗി, മായാവതി, മേനകാ ഗാന്ധി, അസം ഖാന്‍ എന്നിവര്‍ക്ക് വിലക്ക്

  ഡോ.ഡി. ബാബുപോള്‍ അന്തരിച്ചു

  വിവാദ പ്രസംഗം: മേനകാ ഗാന്ധിക്ക് നോട്ടീസ്

  പ്രധാന മന്ത്രി വൈകിട്ടെത്തും

  എട്ട് മുന്‍ സൈനിക മേധാവികള്‍ രാഷ്ട്രപതിക്ക് കത്ത് നല്‍കി

  സൈനികരുടെ പേരില്‍ വോട്ടഭ്യര്‍ത്ഥന; മോദിയുടേത് പെരുമാറ്റ ചട്ടലംഘനമന്ന് തിരഞ്ഞെടുപ്പ് ഓഫീസര്‍

  കെ.എം. മാണിയുടെ സംസ്‌ക്കാരചടങ്ങ് വൈകിട്ട്

  റഫാല്‍ കേസില്‍ കേന്ദ്രത്തിന് തിരിച്ചടി

  രാഷ്ട്രീയ തന്ത്രങ്ങളുടെ ചാണക്യന് വിട

  അഭയകേസ്: ഫാ.തോമസ് കോട്ടൂരും സിസ്റ്റര്‍ സെഫിയും വിചാരണ നേരിടണം

  രാഷ്ട്രീയ പ്രേരണയുണ്ടോയെന്ന് അനുപമ പറയട്ടെ -സുരേഷ്‌ഗോപി

  രാജ്യത്ത് ഏകീകൃത സിവില്‍ കോഡ് നടപ്പിലാക്കും; അയോധ്യയില്‍ ഒരുമയോടെ രാമക്ഷേത്രം നിര്‍മ്മിക്കും