updated on:2019-03-12 06:54 PM
കേരള കോണ്‍ഗ്രസില്‍ പൊട്ടിത്തെറി; മധ്യസ്ഥ ശ്രമവുമായി കോണ്‍ഗ്രസ്

www.utharadesam.com 2019-03-12 06:54 PM,
തൊടുപുഴ: പി.ജെ. ജോസഫിന് കോട്ടയം സീറ്റ് നിഷേധിച്ചതിനെ തുടര്‍ന്ന് കേരള കോണ്‍ഗ്രസില്‍ പൊട്ടിത്തെറി. കോഴിക്കോട് ജില്ലാ സെക്രട്ടറി പി.എം. ജോര്‍ജ്ജ് രാജിവെച്ചു. തോമസ് ചാഴിക്കാടനെ സ്ഥാനാര്‍ത്ഥിയാക്കാനുള്ള തീരുമാനം സി.പി.എമ്മിന സഹായിക്കാനാണെന്ന് ജോര്‍ജ്ജ് പറഞ്ഞു. അതിനിടെ പ്രശ്‌നത്തിന് രമ്യമായ പരിഹാരമുണ്ടാവുമെന്നും ഡല്‍ഹിയില്‍ നിന്ന് മടങ്ങിയാലുടന്‍ കോണ്‍ഗ്രസ് നേതൃത്വം ചാണ്ടിയുമായും ജോസഫുമായും ചര്‍ച്ച നടത്തുമെന്നും യു.ഡി.എഫ്. കണ്‍വീനര്‍ ബെന്നി ബെഹ്‌നാന്‍ പറഞ്ഞു. കോട്ടയം യു.ഡി.എഫിന്റെ ഉറച്ച സീറ്റാണെന്നും ഇത് നഷ്ടപ്പെടുത്തുന്ന രീതിയില്‍ മുന്നോട്ട് പോവാനാവില്ലെന്നും ബെന്നിബെഹ്‌നാന്‍ പറഞ്ഞു. ഉമ്മന്‍ ചാണ്ടി മത്സരിക്കുകയാണെങ്കില്‍ കോട്ടയം സീറ്റ് നല്‍കി ഇടുക്കി ജോസഫിന് നല്‍കാനുള്ള ഓരു പോം വഴിയും യു.ഡി.എഫ് നേതാക്കള്‍ ആലോചിക്കുന്നുണ്ട്. തൊടുപുഴക്കാരന്‍ കോട്ടയത്ത് മത്സരിക്കേണ്ടതില്ലെന്നായിരുന്നു മാണി വിഭാഗത്തിന്റെ പ്രധാനമായ ഒരാവശ്യം. ഇടുക്കിയില്‍ മത്സരിച്ചാല്‍ പ്രശ്‌നമുണ്ടാകാനിടയില്ല. എന്നാല്‍ മാണി ഇതിന് വഴങ്ങുമോ എന്ന് കണ്ടറിയണം. തിടുക്കപ്പെട്ട് കോട്ടയത്ത് സ്ഥാനാര്‍ത്ഥിയെ പ്രഖ്യാപിക്കരുതെന്ന് കോണ്‍ഗ്രസ് നേതാക്കള്‍ മാണിയെ അറിയിച്ചിരുന്നെങ്കിലും അത് മുഖവിലക്കെടുക്കാതെ ഇന്നലെ രാത്രി തന്നെ തോമസ് ചാഴിക്കാടനെ പ്രഖ്യാപിക്കുകയായിരുന്നു.
കേരള കോണ്‍ഗ്രസിന്റേത് അവരുടെ ആഭ്യന്തര കാര്യമെന്ന് രമേശ് ചെന്നിത്തലയും പി.കെ. കുഞ്ഞാലിക്കുട്ടിയും പറഞ്ഞു. അവര്‍തന്നെ പ്രശ്‌ന് പറഞ്ഞു തീര്‍ക്കും. ഞങ്ങളെ സമീപിച്ചാല്‍ ഇടപെടും- നേതാക്കള്‍ പറഞ്ഞു.
അതിനിടെ കോട്ടയത്ത് ജോസഫ് റിബലായി മത്സരിക്കണമെന്ന് പ്രവര്‍ത്തകരില്‍ നിന്ന് വലിയ സമ്മര്‍ദ്ദം ഉയരുന്നുണ്ട്. യോഗം ചേര്‍ന്നതിന് ശേഷം ഇതില്‍ തീരുമാനമെടുക്കും. പാര്‍ട്ടിയില്‍ നിന്ന് രാജിവെച്ചുവന്നാല്‍ എല്‍.ഡി.എഫ്. പരിഗണിക്കുമെന്ന് കോടിയേരി ബാലകൃഷ്ണന്‍ പറഞ്ഞു. മാണിക്കൊപ്പം തുടരണോ വേണ്ടയോ എന്ന് ജോസഫ് തീരുമാനിക്കട്ടെ. മഴക്ക് മുമ്പേ കുടപിടിക്കേണ്ട കാര്യമില്ല, അപ്പോള്‍ ആലോചിക്കാം- കോടിയേരി പറഞ്ഞു.



Recent News
  തെറ്റുകള്‍ തിരുത്തും; വീഴ്ചകള്‍ പരിശോധിക്കും-കോടിയേരി

  മുഖ്യമന്ത്രിയുടെ അഹന്തക്ക് ഏറ്റ തിരിച്ചടി-മുല്ലപ്പള്ളി

  ആലത്തൂരില്‍ രമ്യ പാട്ടുംപാടി ജയത്തിലേക്ക്; പാലക്കാട്ട് ശ്രീകണ്ഠന്‍ ചരിത്രം കുറിക്കുന്നു

  കേരളത്തില്‍ ലീഡില്‍ മുന്നില്‍ രാഹുലും കുഞ്ഞാലിക്കുട്ടിയും

  ആന്ധ്രയില്‍ കൊടുങ്കാറ്റായി വൈ.എസ്.ആര്‍ കോണ്‍ഗ്രസ്;

  കേരളത്തില്‍ യു.ഡി.എഫിന് ഉജ്വല മുന്നേറ്റം

  വീണ്ടും എന്‍.ഡി.എ; കേവല ഭൂരിപക്ഷത്തിലേക്ക്

  കാത്തിരിപ്പിന് വിരാമം; ആദ്യ ഫലസൂചനകള്‍ 9 മണിയോടെ

  എക്‌സിറ്റ് പോളിന്റെ ഞെട്ടലില്‍ പ്രതിപക്ഷം; പ്രതീക്ഷയോടെ എന്‍.ഡി.എ

  കേദാര്‍നാഥില്‍ ചുവപ്പുപരവതാനിയിലൂടെ നടന്നുവരുന്ന മോദിയെ വിമര്‍ശിച്ച് കോണ്‍ഗ്രസ്

  അവസാനഘട്ട വോട്ടെടുപ്പിനിടെ ബംഗാളില്‍ ബോംബേറ്; പഞ്ചാബില്‍ ഒരാള്‍ കൊല്ലപ്പെട്ടു

  റീപോളിങ്ങ് സമാധാനപരം

  മോദിക്ക് ക്ലീന്‍ ചിറ്റ്: ഇടഞ്ഞ് തിരഞ്ഞെടുപ്പ് കമ്മീഷന്‍ അംഗം

  പര്‍ദ ധരിച്ച് മുഖംമറച്ചവരെ വോട്ടുചെയ്യാന്‍ അനുവദിക്കരുത്-എം.വി ജയരാജന്‍

  ഗാന്ധിജിയെ വീണ്ടും അപമാനിച്ച് ബി.ജെ.പി. നേതാക്കള്‍