updated on:2019-03-11 06:44 PM
കോണ്‍ഗ്രസ് സ്ഥാനാര്‍ത്ഥിപ്പട്ടിക: തീരുമാനം രാഹുല്‍ ഗാന്ധിക്ക് വിട്ടു

www.utharadesam.com 2019-03-11 06:44 PM,
ന്യൂഡല്‍ഹി: കോണ്‍ഗ്രസ് സ്ഥാനാര്‍ത്ഥി പട്ടികയ്ക്ക് അന്തിമ രൂപം നല്‍കാന്‍ സ്‌ക്രീനിങ്ങ് കമ്മിറ്റി യോഗം തടുങ്ങി. കേരളത്തില്‍ നിന്നുള്ള മുതിര്‍ന്ന നേതാക്കള്‍ യോഗത്തില്‍ പങ്കെടുക്കുന്നുണ്ട്. മത്സരിക്കാനില്ലെന്ന് പറഞ്ഞ് പല നേതാക്കളും പിന്മാറുന്നത് ഹൈക്കമാണ്ടിന് തലവേദന സൃഷ്ടിച്ചിട്ടുണ്ട്. ഉമ്മന്‍ചാണ്ടി, മുല്ലപ്പുള്ളി രാമചന്ദ്രന്‍, കെ.സി വേണുഗോപാല്‍ എന്നിവര്‍ മത്സരത്തിനില്ലെന്ന് അറിയിച്ചിട്ടുണ്ടെങ്കിലും ഇവരുടെ കാര്യത്തില്‍ തീരുമാനം എടുക്കാന്‍ സ്‌ക്രീനിങ് കമ്മിറ്റി രാഹുല്‍ ഗാന്ധിയെ ചുമതലപ്പെടുത്തി.
ഇടുക്കി ലോക്‌സഭാ സീറ്റില്‍ ഉമ്മന്‍ചാണ്ടിയെ മത്സരിപ്പിക്കമെന്നാണ് സംസ്ഥാന നേതൃത്വം നിര്‍ദ്ദേശിച്ചതെങ്കിലും ഉമ്മന്‍ചാണ്ടി അതിന് തയ്യാറായിട്ടില്ല. ആലപ്പുഴയില്‍ ശക്തനായ ഒരു സ്ഥാനാര്‍ത്ഥി വേണമെന്ന നിലപാടിലാണ് സംസ്ഥാന നേതൃത്വവും ഹൈക്കമാണ്ടും. എന്നാല്‍ സ്ഥാനാര്‍ത്ഥി നിര്‍ണ്ണയം അടക്കമുള്ള ഭാരിച്ച ചുമതലയുള്ളതിനാല്‍ തന്നെ ഒഴിവാക്കണമെന്നാണ് വേണുഗോപാലിന്റെ അഭ്യര്‍ത്ഥന. കെ.പി.സി.സി പ്രസിഡണ്ട് മുല്ലപ്പള്ളി രാമചന്ദ്രനും പ്രസിഡണ്ടിന്റെ ഭാരിച്ച ഉത്തരവാദിത്വമുള്ളതിനാല്‍ മത്സരത്തിന് തയ്യാറല്ല. കെ. സുധാകരനെയാണ് കണ്ണൂര്‍ സീറ്റിലേക്ക് പരിഗണിച്ചിരുന്നത്. എന്നാല്‍ അദ്ദേഹവും മത്സരത്തിനില്ലെന്ന് ആദ്യം പറഞ്ഞെങ്കിലും ഹൈക്കമാണ്ട് നിര്‍ദ്ദേശിച്ചാല്‍ മാറി നില്‍ക്കില്ലെന്ന് അറിയിച്ചു.
2014ല്‍ പി.കെ ശ്രീമതിയോട് 6556 വോട്ടുകള്‍ക്ക് പരാജയപ്പെട്ട സുധാകരന്‍ ഇതേ സീറ്റില്‍ മത്സരിക്കുന്നതില്‍ താല്‍പര്യമില്ല. സംസ്ഥാന രാഷ്ട്രീയത്തിലാണ് താല്‍പര്യമെന്ന് അദ്ദേഹം നേതൃത്വത്തെ അറിയിച്ചിരുന്നു.
സ്ഥാനാര്‍ത്ഥി പട്ടിക ഈ മാസം 15നോ 16നോ പ്രഖ്യാപിച്ചേക്കും. പ്രചരണത്തിന് കൂടുതല്‍ സമയം ലഭിച്ചതോടെ തിടുക്കപ്പെട്ട് പട്ടിക പുറത്തിറക്കേണ്ടെന്ന നിലപാടിലാണ് നേതൃത്വം.
നാളെ കോണ്‍ഗ്രസ് പ്രവര്‍ത്തക സമിതിയും ചേരുന്നുണ്ട്. ഇതിലായിരിക്കും അന്തിമ പട്ടിക. രാഹുല്‍ ഗാന്ധിയുടെ കീഴില്‍ പുതിയ മന്ത്രിസഭ വരുമെന്ന കണക്കുകൂട്ടലിലാണ് കോണ്‍ഗ്രസ്. അതുകൊണ്ട് തന്നെ നല്ല സ്ഥാനാര്‍ത്ഥികളെ നിര്‍ത്തി കേരളത്തില്‍ നിന്ന് പരമാവധി സീറ്റുകളില്‍ വിജയം നേടുക എന്ന തന്ത്രത്തിനാണ് മുന്‍തൂക്കം നല്‍കുന്നത്.



Recent News
  ശുദ്ധ അസംബന്ധം; കള്ള പ്രചരണം-പി.ജെ കുര്യന്‍

  പത്തനംതിട്ടയില്ല; ബി.ജെ.പി രണ്ടാം പട്ടികയും പുറത്തിറക്കി

  ഗൗതം ഗംഭീര്‍ ബി.ജെ.പിയില്‍ ചേര്‍ന്നു

  പത്തനംതിട്ടയിലെ അനിശ്ചിതത്വം: മുരളീധരപക്ഷത്തിന് അമര്‍ഷം

  നിഷേധിച്ച് സി.പി.എം; പൊലീസ് അന്വേഷണം തുടങ്ങി

  സി.പി.എം ഓഫീസില്‍ പീഡനമെന്ന് പരാതി

  ബി.ജെ.പിയില്‍ നിന്ന് കൂട്ട രാജി

  ആര്‍.എസ്.എസ്. ഇടപെട്ടു; പത്തനംതിട്ടയില്‍ കെ. സുരേന്ദ്രന്‍

  ആലപ്പുഴയിലും ആറ്റിങ്ങലിലും ധാരണയായി വഴിമുട്ടി വയനാടും വടകരയും

  ഗോവയില്‍ അര്‍ധരാത്രിയിലും തിരക്കിട്ട ചര്‍ച്ച; അവകാശ വാദം ഉന്നയിച്ച് കോണ്‍ഗ്രസ്

  ന്യൂസിലാന്റ് ഭീകരാക്രമണം; കാണാതായവരില്‍ ഒരു മലയാളിയും

  കാസര്‍കോട്ട് സുബ്ബയ്യറൈക്ക് മുന്‍തൂക്കം

  ഉമ്മന്‍ചാണ്ടിയെ ഡല്‍ഹിക്ക് വിളിപ്പിച്ചു, വയനാടിനും ഇടുക്കിക്കും വേണ്ടി ഗ്രൂപ്പ് പോര്

  ജോസഫ് വീണ്ടും വെട്ടില്‍; ഒരു സീറ്റും വിട്ടുകൊടുക്കേണ്ടതില്ലെന്ന് ഹൈക്കമാന്റ്

  മോദിയെപ്പോലെ കപട വാഗ്ദാനങ്ങള്‍ നല്‍കാറില്ല-രാഹുല്‍ ഗാന്ധി