updated on:2019-02-05 07:21 PM
മമതയ്ക്ക് തിരിച്ചടി; പൊലീസ് കമ്മീഷണര്‍ സി.ബി.ഐക്ക് മുമ്പാകെ ഹാജരാകണം

www.utharadesam.com 2019-02-05 07:21 PM,
ന്യൂഡല്‍ഹി/ കൊല്‍ക്കത്ത: ചിട്ടിതട്ടിപ്പുകേസില്‍ കൊല്‍ക്കത്ത പൊലീസ് കമ്മീഷണര്‍ രാജീവ് കുമാര്‍ സി.ബി.ഐ.ക്ക് മുമ്പാകെ ഹാജരാവണമെന്ന് സുപ്രിംകോടതി ഉത്തരവിട്ടു. ബംഗാള്‍ മുഖ്യമന്ത്രി മമതാ ബാനര്‍ജി തിരിച്ചടി നല്‍കിക്കൊണ്ടുള്ള പരമോന്നത കോടതി വിധിയുണ്ടായത് ഇന്ന് രാവിലെയാണ്. ബലപ്രയോഗമോ അറസ്റ്റോ നടത്തരുതെന്നും അതേസമയം അന്വേഷണവുമായി കമ്മീഷണര്‍ സഹകരിക്കണമെന്നും കോടതി നിര്‍ദ്ദേശിച്ചു. കേസ് ഈ മാസം 21 ന് വീണ്ടും പരിഗണിക്കും. കോടതിയലക്ഷ്യ ഹര്‍ജിയുമായി ബന്ധപ്പെട്ട കേസില്‍ ചീഫ് സെക്രട്ടറിയോടും ഡി.ജി.പി.യോടും 19ന് ഹാജകാകണമെന്നും കോടതി ആവശ്യപ്പെട്ടു. ഫെബ്രുവരി 20 നകം നോട്ടീസിന് മറുപടി നല്‍കണം. കോടതിയലക്ഷ്യ ഹര്‍ജിയില്‍ കമ്മീഷണര്‍ക്ക് നോട്ടീസ് നല്‍കി. കേസ് വീണ്ടും പരിഗണിക്കുമ്പോള്‍ മറുപടി പരിശോധിച്ച് ഇവര്‍ക്കെതിരായ കേസില്‍ തീരുമാനമെടുക്കും. ഷില്ലോങ്ങില്‍ വെച്ച് വേണം കമ്മീഷണറെ ചോദ്യം ചെയ്യാനെന്നും കോടതി നിര്‍ദ്ദേശിച്ചു. കേസുമായി ബന്ധപ്പെട്ട രണ്ട് അപേക്ഷകളാണ് സി.ബി.ഐ. കോടതിയില്‍ നല്‍കിയിരിക്കുന്നത്. ചിട്ടി തട്ടിപ്പു കേസുമായി ബന്ധപ്പെട്ട തെളിവുകള്‍ നശിപ്പിക്കാതെ കൈമാറണമെന്നാവശ്യപ്പെട്ടുള്ളതാണ് ഒന്ന്. സുപ്രിം കോടതി വിധിയും ഉത്തരവുകളും ലംഘിച്ചുവെന്ന് ചൂണ്ടിക്കാട്ടിയുള്ള താണ് മറ്റൊരു ഹര്‍ജി.
അതേസമയം മമതാ ബാനര്‍ജി കോടതി നടപടിയെ സ്വാഗതം ചെയ്തു. ഇത് ധാര്‍മ്മിക വിജയമെന്ന് അവര്‍ അവകാശപ്പെട്ടു. കമ്മീഷണറുടെ അറസ്റ്റ് പാടില്ലെന്ന് സുപ്രീം കോടതി ഉത്തരവിട്ടിട്ടുണ്ട്. രാജ്യത്തിന്റെ ബിഗ് ബോസാണെന്ന് മോദി ധരിക്കരുതെന്നും ഏറ്റവും വലിയ ബോസ് ജനാധിപത്യമാണെന്നും മമത പറഞ്ഞു.
പരസ്പര സഹകരണത്തോടെയുള്ള കൂടിക്കാഴ്ചക്ക് തയ്യാറാണെന്ന് നേരത്തെ പറഞ്ഞിരുന്നുവെന്നും മമത പറഞ്ഞു. സമരം അവസാനിപ്പിക്കുന്നത് എല്ലാവരുമായി ആലോചിച്ച് തീരുമാനിക്കുമെന്നും അവര്‍ പറഞ്ഞു.



Recent News
  രണ്ടാംഘട്ടം തുടങ്ങി; കനത്ത പോളിങ്ങ്, സമാധാനപരം

  അംബാനിക്ക് 30,000 കോടി നല്‍കിയതാണ് ദേശവിരുദ്ധത-രാഹുല്‍

  പ്രധാനമന്ത്രിക്കെതിരെ തിരഞ്ഞെടുപ്പ് കമ്മീഷന് സി.പി.എം പരാതി നല്‍കി

  യോഗി, മായാവതി, മേനകാ ഗാന്ധി, അസം ഖാന്‍ എന്നിവര്‍ക്ക് വിലക്ക്

  ഡോ.ഡി. ബാബുപോള്‍ അന്തരിച്ചു

  വിവാദ പ്രസംഗം: മേനകാ ഗാന്ധിക്ക് നോട്ടീസ്

  പ്രധാന മന്ത്രി വൈകിട്ടെത്തും

  എട്ട് മുന്‍ സൈനിക മേധാവികള്‍ രാഷ്ട്രപതിക്ക് കത്ത് നല്‍കി

  സൈനികരുടെ പേരില്‍ വോട്ടഭ്യര്‍ത്ഥന; മോദിയുടേത് പെരുമാറ്റ ചട്ടലംഘനമന്ന് തിരഞ്ഞെടുപ്പ് ഓഫീസര്‍

  കെ.എം. മാണിയുടെ സംസ്‌ക്കാരചടങ്ങ് വൈകിട്ട്

  ആന്ധ്രയില്‍ ഏറ്റുമുട്ടല്‍; ബൂത്ത് തകര്‍ത്തു, വോട്ടിങ്ങ് യന്ത്രം വലിച്ചെറിഞ്ഞു

  റഫാല്‍ കേസില്‍ കേന്ദ്രത്തിന് തിരിച്ചടി

  രാഷ്ട്രീയ തന്ത്രങ്ങളുടെ ചാണക്യന് വിട

  അഭയകേസ്: ഫാ.തോമസ് കോട്ടൂരും സിസ്റ്റര്‍ സെഫിയും വിചാരണ നേരിടണം

  രാഷ്ട്രീയ പ്രേരണയുണ്ടോയെന്ന് അനുപമ പറയട്ടെ -സുരേഷ്‌ഗോപി