updated on:2018-11-29 07:10 PM
സഭ ഇന്നും കലുഷിതം; വാക്‌പോര്

www.utharadesam.com 2018-11-29 07:10 PM,
തിരുവനന്തപുരം: ശബരിമല വിഷയം ഉയര്‍ത്തിക്കാട്ടി രണ്ടാം ദിവസവും പ്രതിപക്ഷം സഭാനടപടികള്‍ തടസ്സപ്പെടുത്തി. ശബരിമലയിലെ അടിസ്ഥാന പ്രശ്‌നങ്ങള്‍ ചൂണ്ടിക്കാട്ടിയാണ് ഇന്നും ബഹളം വെച്ചത്. ബഹളം തുടര്‍ന്നതോടെ ചോദ്യോത്തരവേളയും ശ്രദ്ധ ക്ഷണിക്കലും ഒഴിവാക്കി. 20 മിനിട്ട് മാത്രമാണ് സഭ സമ്മേളിച്ചത്. പ്ലക്കാര്‍ഡുകളും ബാനറുകളുമായി സ്പീക്കറുടെ ചേംബറിന് മുന്നിലേക്ക് ഇരച്ചുകയറിയ പ്രതിപക്ഷം സ്പീക്കറുമായി വാക് പോരിലും ഏര്‍പ്പെട്ടു. സഭയുടെ അന്തസ് കാത്തുസൂക്ഷിക്കണമെന്ന ഗവര്‍ണര്‍ പി. സദാശിവത്തിന്റെ ഇന്നലത്തെ പരാമര്‍ശം സ്പീക്കര്‍ ചൂണ്ടിക്കാട്ടി. എന്നാല്‍ എല്‍.ഡി.എഫ്. ചെയ്തതുപോലെ സ്പീക്കറുടെ കസേര മറിച്ചിടുന്നതുപോലുള്ള പ്രവൃത്തികളൊന്നും പ്രതിപക്ഷത്തിന്റെ ഭാഗത്ത് നിന്നുണ്ടായിട്ടില്ലെന്ന് നേതാക്കള്‍ പറഞ്ഞു. ശബരിമലയില്‍ ഭക്തര്‍ സംതൃപ്തരാണെന്ന പത്രവാര്‍ത്തകള്‍ ഉയര്‍ത്തിപ്പിടിച്ച് ദേവസ്വം മന്ത്രി കടകം പള്ളി സുരേന്ദ്രനും രംഗത്തു വന്നു. ശബരിമല അടിസ്ഥാന സൗകര്യങ്ങള്‍ സംബന്ധിച്ച് തിരുവഞ്ചൂര്‍ രാധാകൃഷ്ണന്‍ സമര്‍പ്പിച്ച അടിയന്തിര പ്രമേയത്തിനുള്ള നോട്ടീസും പരിഗണിച്ചില്ല. ഇക്കാര്യത്തില്‍ ഇന്നലെത്തന്നെ മറുപടി പറഞ്ഞതാണെന്ന് മുഖ്യമന്ത്രി മറുപടി നല്‍കി. തുടര്‍ച്ചയായി സഭ തടസ്സപ്പെടുത്തിയാല്‍ മറ്റു നടപടികളിലേക്ക് കടക്കേണ്ടി വരുമെന്ന് സ്പീക്കര്‍ മുന്നറിയിപ്പ് നല്‍കി.
സഭ ബഹിഷ്‌കരിച്ച് പുറത്തു വന്ന പ്രതിപക്ഷം ശബരിമലയിലെ നിരോധനാജ്ഞ പിന്‍വലിക്കുന്നതുവരെ സഭാ നടപടികള്‍ തടസ്സപ്പെടുത്തുമെന്ന് പറഞ്ഞു.



Recent News
  പി.കെ. ശശി തെറ്റുകാരനല്ലെന്ന് അന്വേഷണ കമ്മീഷന്‍ റിപ്പോര്‍ട്ട്

  മോദിക്ക് ആശ്വാസം; റഫാല്‍ ഇടപാടില്‍ അന്വേഷണമില്ല

  പ്രതിപക്ഷ ഐക്യത്തിന് ശക്തി പകര്‍ന്ന് കേന്ദ്രമന്ത്രി രാജിവെക്കുന്നു

  ചിറക് വിരിച്ച് കണ്ണൂര്‍; ആദ്യ വിമാനം പറന്നു

  കണ്ണൂരില്‍ നിന്ന് വിമാനമുയരുമ്പോള്‍ കാസര്‍കോടിനും അഭിമാനം

  സുരേന്ദ്രന് ജാമ്യം; പത്തനംതിട്ട ജില്ലയില്‍ പ്രവേശിക്കരുത്

  കണ്ണൂര്‍ വിമാനത്താവള ഉദ്ഘാടനം യു.ഡി.എഫ്. ബഹിഷ്‌കരിക്കും

  സര്‍ക്കാറിനും കെ. സുരേന്ദ്രനും ഹൈക്കോടതിയുടെ രൂക്ഷ വിമര്‍ശനം

  അമേരിക്കന്‍ മുന്‍ പ്രസിഡണ്ട് ജോര്‍ജ് ബുഷ് സീനിയര്‍ അന്തരിച്ചു

  സന്നിധാനത്ത് വല്‍സന്‍ തില്ലങ്കേരി മെഗാഫോണ്‍ ഉപയോഗിച്ചതിനെ ന്യായീകരിച്ച് മുഖ്യമന്ത്രി

  സ്പീക്കറുടെ ഡയസിലേക്ക് ഇരച്ചുകയറാന്‍ പ്രതിപക്ഷ ശ്രമം; സഭ നിര്‍ത്തിവെച്ചു

  പി.ബി. അബ്ദുല്‍ റസാഖിന് അന്തിമോപചാരമര്‍പ്പിച്ച് നിയമസഭ ഇന്നത്തേക്ക് പിരിഞ്ഞു

  പി.കെ ശശി ലൈംഗികാതിക്രമം കാട്ടിയിട്ടില്ലെന്ന് കമ്മീഷന്‍ റിപ്പോര്‍ട്ട്

  ശബരിമല: പ്രതിഷേധം സര്‍ക്കാറിനെതിരെയല്ല, സുപ്രീംകോടതിക്കെതിരെയെന്ന് സത്യവാങ്മൂലം

  ഇന്‍ഡോ-അറബ് കോണ്‍ഫെഡറേഷന്‍ കൗണ്‍സില്‍: ഹസൈനാര്‍ ഹാജി തളങ്കര പ്രസിഡണ്ട്