updated on:2018-07-31 07:26 PM
സൈന്യത്തെ സജ്ജമാക്കി; ഉദ്യോഗസ്ഥരെ തിരികെ വിളിച്ചു

www.utharadesam.com 2018-07-31 07:26 PM,
ചെറുതോണി: സംസ്ഥാനത്ത് കനത്ത മഴ തുടരുന്നതോടെ ഇടുക്കിയില്‍ ആശങ്കവളരുകയാണ്. ഇന്നലെ ജലനിരപ്പ് 2395 അടി ആയതോടെ ഓറഞ്ച് അലര്‍ട്ട് പ്രഖ്യാപിച്ചതിന് ശേഷം ഇന്നും ജലനിരപ്പ് ഉയരുകയാണ്. 2395.38 അടിയാണ് ഇന്ന് രാവിലെ രേഖപ്പെടുത്തിയത്. ഇതോടെ കനത്ത ജാഗ്രതയാണ് ഏര്‍പ്പെടുത്തിയിരിക്കുന്നത്. 1500ഓളം സൈനികരെ അടിയന്തിര സാഹചര്യം നേരിടാന്‍ തയ്യാറാക്കി നിര്‍ത്തിയിട്ടുണ്ട്. അവധിയില്‍ പോയ ഇടുക്കി, എറണാകുളം, കോട്ടയം ജില്ലകളിലെ ഉയര്‍ന്ന റവന്യൂ ഉദ്യോഗസ്ഥരെ തിരിച്ചുവിളിച്ചു. വൈദ്യുതി മന്ത്രി എം.എം മണിയും റവന്യൂ മന്ത്രി ഇ. ചന്ദ്രശേഖരനും മുഖ്യമന്ത്രിയുമായും ഉയര്‍ന്ന ഉദ്യോഗസ്ഥരുമായും ചര്‍ച്ച നടത്തി. ഇന്നലെ രാത്രി മുതല്‍ സംസ്ഥാനത്തെ മിക്ക ജില്ലകളിലും കനത്ത മഴ പെയ്യുകയാണ്. രണ്ട് ദിവസം കൂടി കനത്ത മഴ ഉണ്ടാവുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. കാസര്‍കോട് ജില്ലയില്‍ മാത്രമാണ് മഴയ്ക്ക് ശക്തി കുറവ്. ഇടുക്കിയുടെ വൃഷ്ടിപ്രദേശത്ത് മഴ താരതമ്യേന കുറവായതിനാല്‍ വലിയ ഭീതി വേണ്ടെന്ന് ജില്ലാ കലക്ടര്‍ ജീവന്‍ബാബു പറഞ്ഞു. 2399 അടിയിലെത്തിയാല്‍ റെഡ് അലര്‍ട്ട് പ്രഖ്യാപിക്കും. സാധാരണ 2400 അടിയിലെത്തിയാലാണ് റെഡ് അലര്‍ട്ട്. എന്നാല്‍ മുല്ലപ്പെരിയാര്‍ ഡാം നിറഞ്ഞു നില്‍ക്കുന്ന സാഹചര്യത്തില്‍ സുരക്ഷ മുന്‍നിര്‍ത്തിയാണ് റെഡ് അലര്‍ട്ട് നേരത്തെ പ്രഖ്യാപിക്കാന്‍ തീരുമാനിച്ചത്. സംഭരണിയുടെ ഉപരിതല ഭാഗത്ത് വിസ്തൃതി കൂടുതലാണ്. അതുകൊണ്ട് തന്നെ ജലനിരപ്പ് ഉയരുന്നത് സാവധാനത്തിലാണ്. തെക്കന്‍ കേരളത്തിലും മധ്യകേരളത്തിലുമാണ് ഇന്നലെ മുതല്‍ കനത്ത മഴ പെയ്യുന്നത്. തിരുവനന്തപുരത്ത് ഇന്ന് സ്‌കൂളുകള്‍ക്ക് അവധി പ്രഖ്യാപിച്ചിട്ടുണ്ട്.
നെയ്യാര്‍ ഡാമിന്റെ നാല് ഷട്ടറുകള്‍ തുറന്നു. ചെറുതോണിയില്‍ കണ്‍ട്രോള്‍ റൂമും തുറന്നിട്ടുണ്ട്. ഇടുക്കി ഡാം തുറന്നാല്‍ വെള്ളം ഒഴുകിപ്പോകുന്ന വഴിയിലുള്ള തോടുകളിലെ തടസ്സങ്ങള്‍ നീക്കുകയും ആഴം കൂട്ടുകയും ചെയ്യുന്നുണ്ട്. തീരപ്രദേശങ്ങളിലുള്ളവരെ മാറ്റിപ്പാര്‍പ്പിക്കാനുള്ള നടപടിയും പൂര്‍ത്തിയായിവരുന്നു.



Recent News
  ജെ.സി. ഡാനിയേല്‍ നന്മ അവാര്‍ഡ് ബാബു കോഹിനൂരിന്

  ക്യാപ്റ്റന്‍ രാജു വിടവാങ്ങി

  ബിഷപ്പിന്റെ അറസ്റ്റ് വൈകുന്നത് മൊഴികളിലെ വൈരുദ്ധ്യംമൂലം

  വീണ്ടും വെന്നിക്കൊടി പറത്തി മൂസാ ഷരീഫ്

  ജലന്ധര്‍ ബിഷപ്പിനെതിരായ കേസ്; പൊലീസ് അന്വേഷണത്തില്‍ വിശ്വാസമെന്ന് കാനം രാജേന്ദ്രന്‍

  പി.കെ. ശശിക്ക് എംഎല്‍എ എന്ന പരിഗണന ലഭിക്കില്ലെന്ന് സ്പീക്കര്‍

  അണക്കെട്ടുകള്‍ തുറന്നു വിട്ടത് കൊണ്ട് ആരും മരിച്ചിട്ടില്ലെന്ന് എം.എം.മണി

  പത്രപ്രവര്‍ത്തകനേയും ഭാര്യയേയും കെട്ടിയിട്ട് മുഖംമൂടി സംഘം 25 പവനും പണവും കവര്‍ന്നു

  സ്വവര്‍ഗ ലൈംഗികത ക്രിമിനല്‍ കുറ്റമല്ല

  ശശിക്കെതിരെ നടപടിയുണ്ടാകുമെന്ന് വിഎസ്; പക്ഷം പിടിക്കാനില്ലെന്ന് ശൈലജ

  എ.ബി.വി.പി. പ്രവര്‍ത്തകനെ വെട്ടിക്കൊന്ന കേസിലെ സൂത്രധാരന്‍ പിടിയില്‍

  മുഖ്യമന്ത്രി അമേരിക്കയിലേക്ക് പുറപ്പെട്ടു

  തെലുങ്കാനയില്‍ തിരഞ്ഞെടുപ്പ് നേരത്തെയാക്കാന്‍ നീക്കം; എതിര്‍പ്പുമായി കോണ്‍ഗ്രസ്

  കേരളത്തിന്റെ പുനര്‍നിര്‍മ്മാണത്തിന് കേന്ദ്രം പ്രത്യേക പാക്കേജ് നല്‍കണം-രാഹുല്‍ ഗാന്ധി

  പ്രളയം തകര്‍ത്തെറിഞ്ഞ കേരളത്തില്‍ കാര്‍ഷിക മേഖലയ്ക്ക് മാത്രം 1,361 കോടി രൂപയുടെ നഷ്ടം